《飯氣攻心2》 討論區 (1)

真, 上一集你話解讀移民我ok,但呢隻廢撚到咁仲係到同我解讀有野想帶出,我帶出你老母

先講結論，我覺得10分有6.5分。作為賀歲片打發時間絕對合格有餘。睇到導演好努力寫個故仔減少無咗黃子華既影響。而五個主演都好努力演出。

我特別鍾意Stephy今次嘅演出。尤其係最尾同細佬相認個part ，有啲感動既。而Stephy係呢part既表情都幾到位。其次係水族館安慰張繼聰個部份。呢幾句對白雖然好金句，但真係好sweet。最後想講Stephy 係套戲入面真係好靚女。最靚一定係淺藍色個套衫。佢執野個鏡頭現場反應都幾大。大家都嘩嘩聲至於長輩圖個件野都真係幾不堪入目，明白係想用黎搞笑但真係唔太笑得出。不過好彩Stephy 靚樣carry到既柒衫。

劇情方面我覺得三佬同豬豬婚禮個部份係最好。第1部份呀喵同三佬個到真係麻麻地。始終要解釋點解無咗大佬。所以就要搞個螢幕CP取代無咗大佬既遺憾。所以有啲夾硬黎咁。至於第3部份即係張繼聰同Stephy 結婚個部份，呢部份最尷尬真係跳舞個部份。首歌同隻舞我真係gag唔到。同埋呢部份開始太多訊息想講，大家可能會接收唔切，變咗有啲講經咁。同埋個人覺得有部份演員既演出比較可惜，有啲論為劇情推進既工具人，例如dee gor 個部份

至於暗喻既野，張繼聰話「好多人離開咗，但都仲有好多人係到呀。」呀喵要搵大佬「說再見，會再見。」

我超撚後悔有入場睇
所以要喺呢度努力勸退啲人

呢d打手comment 真係好撚罐頭

6.5 都叫打手

王菀之啲戲份太多
仲有括成2首佢嘅歌
係呢套戲cringeworthy 嘅部份

細水長流唔係佢嘅

義氣個義呀

唔知係撞期 定咩原因啦
應該搵番三佬戰隊D人 AKA 程人富等
講下咩事反面做下宣傳

變左套商業片，第一集成功造就有大把水喉
多左老細既要求劇情自然就麻麻
個重心都偏離，愛情戲又寫得唔好
好多角色可有可冇
三佬條線真係睇到煩

第1集都係純商業片嚟

睇完，真係唔掂
先唔好同第一集對比，單單獨立嚟睇都係唔掂
一開頭唱歌求婚，心諗JM9
我一向麻麻哋呢啲無啦啦起歌起舞嘅尷尬場面
不過fine，可能係我個人問題
但有好多笑話都嘛嘛哋

個劇本結構有少少參考返第一集
上次就三餐飯為主，今次就求婚+兩個婚禮

明明三佬條路上線尾已經糾纏緊，今集又嚟
兩個唔想結又夾硬結，連介指都拎錯，基本伴郎果啲又無溝
你可能話想搞笑/表達夾硬結婚，fine
但之後又表達到唔湯唔水咁，又話放生大家
但轉頭原來佢哋結婚會令生意唔好
即係由頭到尾無考慮過呢個問題
好，你話放生大家，分手，人哋情侶檔賣廣告你又話無問題
轉頭又走去掉嘢，睇到好厭啊大佬
成班人做緊緊要事你又走嚟發小姐脾氣
啲角色好似無成長咁

二佬結婚又係，佢啲尷尬位/反面位好夾硬
你係可以估到晒無驚喜咁濟

係有好多明星係撐場，但全部過場用/純搞笑咁濟
加個鏡入嚟都係fans service，不停扮型

明禎同大佬條線寧願你話大佬接到大job要出場做嘢行唔開
總好過上集最尾一齊，今集一兩句再見就算
雖然明禎場喊戲幾好睇，算係有深刻印象
（另一場係Stephy同阿聰場戲）
依家條感情線唔上唔落，同鏡仔搞曖昧但最後又搵大佬
搞咗人哋去日本咁耐，結果又係唔去
又話一家人，有東京job無同人講，對外講大話作孖生家姐無夾，大咗肚無講，大佬要分手無講，乜都無講
你可以話唔想傷害大家，fine

阿聰又用返FF老母條橋，上集就覺得正，再翻炒就麻麻
諗住借婚禮搞錢，結搞炒大獲，無後果
三佬同明禎CP廣告係咪爛尾，唔知
你話唔係重點，fine
但對成個故事嚟講真係為咗尷尬而尷尬

仲諗緊錯就有，邊度有鏡

Jeffrey 唔係鏡黎

Sor，唔熟依啲，問一齊睇啲fd佢係咪鏡仔
佢哋話係

我覺得佢同三佬條感情線好煩，拖拖拉拉煩足兩集

我初初都以為係垃圾鏡，但後尾了解左唔係先入場睇，不過都估唔到套戲好隔硬，又懶係有深度

如果有第3套，一係搵黃子華返黎拍，一係冇埋林明禎。如果冇埋林明禎，真係有免費飛都唔睇。

利申，飯2有免費飛

就係因為無左子華
搞到林明禎係今集個定位變到格格不入
呢個係敗筆位

佢哋係咁離離合合掟煲唔掟蓋
王得閒又拋下金句咁囉

因為鄭伊健都講過，來忘掉錯對，來懷念過去

唔知有冇old news定係一箱情願
一開始二佬同Monica嗰場「求婚歌舞」，再加埋乜野「池中之龍公司」，個款有少少似致敬人中之龍

琴晚睇左，先從結論講起：浪費時間

利申：冇睇過第1集，係屋企人話想睇先一齊入場睇

佢中間有好多位都好拖時間，好似三哥個婚禮最後4條友轉圈圈咁，轉下轉下轉左成分鐘，二佬反枱比人問比人影，又轉圈圈轉左成分鐘

果D搞笑位的笑點重覆完又重覆，去到最後都唔覺得係好笑，係好煩

D野又冇交代得好清楚，感覺就好似，呢個位要鬧交所以反面，呢個位要收尾所以和好，冇原因冇理由

描寫又唔夠深入，代入感唔夠，但偏偏呢有好幾個又特登停幾秒再加句內心獨白比你慢慢睇，驚死你唔知呢個位係要感人

成套戲三哥果part 成part del左佢，著重番二佬的婚姻恐懼，家庭關係，加番D描寫比六叔，反面到和好完完整整寫完佢，最後BBQ ending 都好過而家

可能係我睇戲睇得小，唔識欣賞

剩係睇stephy 已值回票價
stephy 越老越好j
cls

伏氣攻心
1已經係垃圾啦

前年： 有黃子華 不了

上面已經有幾件呢啲牆頭草