【癌咒騎士】《病港ＩＩ》（７５）

果然是滿天

到底滿天是有多帥

能如此吸引亂世中的皇。

幾時會補下文？

車正寅唔係要見到蛋糕先自爆咩

其實首腦係咪即係 MODOK

想知課金個邊有無加過文

似係覺得飛得夠高同阻止到攻擊佢，好似病俠咁想下面打上去就變咗木乃伊，點知m下一秒就衝埋去跳起，朱朗峰又醒目整咗個位比m踩完再跳高啲，啱啱夠斬開個飛行器，咁就落咗地

個飛行器可能唔係好大個，類似滑板咁樣斬完就太細企唔到，之後都只係用嚟射下蜘蛛絲無再企過上去飛

至於點解唔長期隱形，除咗太屈機劇情需要唔比，應該都好難解釋到

就算係特種病獵都係要病者武器先易同特殊病者打，馬爾斯有把病者武器應該扔爆咗首腦死光位，朱朗峰有把病者武器都可以同m一樣斬爆首腦個頭盔，m無鯨牙大劍一早比死光射穿咗

差湯婆未出嚟，偷雞開返病俠出嚟吸傷擋首腦就得

推一推

變得更巨大的首腦起腳踏向馬爾斯，重傷的朱朗峰旋即伸出觸手拉住馬爾斯的腳，一把將他扯離首腦的腳下。

「呯──」要是這腳被踩中的話，肯定會稀巴爛。

「唔該……」馬爾斯稍稍回頭，望著朱朗峰說。

「嗯……」朱朗峰傷痕累累，咯出一口血。

「你幾時嚟。」我走到滿天旁。

「富馬史傷重返咗倖存區，同我哋講咗情況，話前線好多傷者需要原地急救，返唔到嚟倖存區，所以我帶齊工具同借咗部電單車喺鐵路直入黃竹坑，救得一個得一個……咁啱見到你哋好似有麻煩。」

滿天話音剛落，首腦又再生長突破十五米，頭部撐穿黃竹坑車廠了。

「走呀！」我跑去抱起摩西，將瘦弱不少的牠置於肩背上。

這麼大的體格差距下，不是我們能應付了。

首腦也不再放眼於我們，而是整座黃竹坑車廠正在撤離的病獵。

「帶埋我徒弟走。」湯婆最後關頭才現身，擋住我的去路。

馬爾斯取過朱朗峰的短劍，以音速斬斷纏繞著病俠的強力蛛絲，湯婆這才繞過我而去。

滿天以肩托起車正寅，帶著被麻醉的他離開。

馬爾斯扶起朱朗峰，兩人互相扶持離開。

剩下湯婆打量首腦現場留下的黑科技，並對那件破損的動力服搜括一番，尋出一枝不明的藥劑：「自癒因子藥劑……」

湯婆拿著那枝藥劑，直接注射到肢體的斷口中。

「喲喲喲喲嗦……」病俠發出不明的聲音。

不消半分鐘，病俠本來斷掉的肢體竟以重生方式長出骨骼和肌肉。

天花的鐵架和鋼管倒塌前，湯婆也帶著復原當中的病俠離開。

首腦如同拆積木的孩子，一個拍掌把修車區域中的天花打爛成瓦礫跌落，然後再壓死下方本來傷重急命當中的病獵性命。

同樣躺在那裡經歷湯藥痛苦的葉青茶，都將要被一盞大燈壓中，但身穿骨甲的艾匡及時用自己身體保護好他。

「呯呯呯隆……」

首腦幾乎將黃竹坑車廠的天花掀開，令病獵都看見體形龐大的自己。

首腦手執兩塊瓦礫，投擲到逃跑的病獵上。

呯呯數聲，八名病獵當場陣亡。

「我仲有枝火箭炮！」博海德本來留下一束，打算留來炸死特殊病者。

「交俾我。」北門一手接過卡桑火箭炮，無視生命安危跑到高位瞄準。

北門這樣注目，首腦自然留意到他，伸手就要把他拿下。

「咻──呯──」卡桑火箭彈直轟首腦外露的腦部。

首腦痛叫一聲，手掌卻依然拿下了北門，把他舉到半空中捏殺。

一陣骨響爆裂的聲音，北門的血液如雨降下，身體亦被變成手心的泥膠似。

大部隊手上沒任何武器，可以對付得到巨大化的首腦。

「嗄……嗄啊……嗚……」我眼前有位病獵給倒塌的瓦礫壓著下身，我記得他的名字叫松京平。

我放下摩西嘗試拉開壓著松京平的瓦礫，可是太重了……

「哈……會……長……」松京平氣若游絲。

「你要堅持住……」我再出盡力拉起瓦礫。

「食、食咗我……」

「……」

「俾佢……食我……」眼光落在同樣奄奄一息的摩西上：「佢……可以回復……元氣……但我無……無得救……」

「呯隆隆隆──」又多一個區域倒塌。

「……郁手！」松京平堅決地說。

「你……」我合上眼睛，手呈虎掌擊落松京平前額：「安息。」

清脆一響，松京平眼睛視線從而凝固。

我強行扯掉松京平一條手臂，湊到摩西的嘴前，不過牠沒有任何舉動。

「摩西！！！」我呼喊著，拍打著。

摩西仍然一動不動，僅得身子輕微抽搐。

不得已下我強行把手臂塞入摩西的食道中，牠只有消化食物合成蛋白質才可以活著。

強行餵食下，我幾乎把松京平的上半身都塞進到摩西的口和胃裡，接下來只可以靠牠自行消化。

「仲唔走？」肩負著車正寅的滿天回頭喊我。

「嚟緊……」

南門雙手握著兩把小刀，悄然接近首腦的腳底下，並用雙刀作為插入首腦小腿，打算不斷地攀向上去。然而，南門怎麼攀都跟不上首腦的生長速度，自己依然處於首腦的小腿位置。

「蝨吆。」首腦留意到腿上的南門，彎身手往腿背一抹。

首腦掌心輕輕一抹後，南門在小腿上消失不見，只剩下殘碎的人體組織和血液。

「……有冇人啊！」艾匡快被瓦礫壓垮，葉青茶幾乎與她緊貼著身體，吐出的白沫到更正中艾匡臉龐。

忽然間，背後傳來巨響。

瓦礫石塊嘭的一聲爆開，艾匡回首而望發現是滿身汗油的陸山泉，他用阿修羅臂鎧把石塊一拳打穿。

秦狩一樣用長錘打碎石塊，盡可能救走能救的人。

「所有人跑落月台！唔好回頭！一路跑到金鐘倖存區！」

首腦如同滅世魔王般，不到十分鐘時間，已生長到三十米，大約是十層樓高。

紀錄中體型最高大的土凶獸，也不過是十多米左右。

首腦到底要生長到什麼程度？

「隆隆隆隆隆──」

首腦把黃竹坑車廠當成自己的床，用身體在上面輾轉反側，移平任何屹立地面的事物。

如今還在月台之上的人，都大概九死一生。

月台下，酷比歐向眾人問：「我哋仲有幾多獵手未──」

酷比歐話音未落，一個巨大的拳頭直轟地面，打入月台當場將酷比歐打成血肉渣滓。

殺戮尚未完結。

幸運早文

對付巨大化既怪獸
一係就戰隊合體機械人
一係就超人巨大化
黎到病港係咪要m凶獸化

覺得係首腦嘅智慧主要係用落研究，平時都唔出病者國度，戰鬥經驗少無咁多預判所以中咗招，主要係靠裝備，剩係射激光都足夠單挑贏全部病獵咁滯，可能有啲輕敵，蘇維 白色天使夢境都係容易比人偷雞，一個比m偷眼，一個比哈老闆偷雞 比金弓一箭收工，一個傻更更m同摩西跳過嚟唔走遠啲仲主動跳落水同m近戰，唔知係咪墨說特登因為想寫少戰鬥經驗咁寫啲病者，唔知會唔會解釋下，墨說好少加入討論

D都係戰鬥好弱，同m打打下比摩西咬 比百里爆頭 比蕭梵斬頭，首腦已經勁過D好多

一次死幾個

再更新版
病獵協會
陳一劍（藥物過量 斷氣）
富馬史（重傷）
姜河冥（瓦礫壓傷）
北門（捏死）
南門（首腦一抹死咗）
松京平（瓦礫壓住 叫摩西食自己）

獵手黨
赤旭燄（受感染）
大乃剛（炸死）
慈帝宸（腰斬死亡）
酷比歐（被一拳打死）

叛獵
蘭妙可（受傷過重）
吹波糖（爆頭）
老煙槍（身中多槍）
翟哀橋（重傷倒地）
吾禍（受傷走唔到）

葉青茶（飲咗湯藥 狀況未知）

咁早有文

葉青茶幾乎與她緊貼著身體，吐出的白沫到更正中艾匡臉龐。

病者主要依賴病變能力殺人，唔會鑽研格鬥技術

人類仲生存喺度嘅，都係戰鬥經驗豐富，會有好多戰鬥技巧

而人類同病者勝負關鍵係「情報」，情報要人類用屍體堆疊返嚟

例如打過白色天使，先知要包實身體、用風扇吹散鱗粉做定準備

打夢境締造者唔可以望佢對眼，而佢當時喺島上面，人類有依個情報一定唔會望過去，所以佢要迫近大部隊，可以大範圍限制佢哋視野，但棋差一著

淨係睇呢句以為係甜故

首腦智慧重點喺科技到，但因為佢冇其他人嘅戰鬥數據（首次同佢哋戰鬥），做唔到任何分析，智商唔夠精準預判到一個人嘅未來，只可以大約估到對方行動方向

唔飛起射死光，因為死光能力會隨着距離減弱，而飛行裝置會暴露天空上位置，所以用咗隱形披風都等於冇用

另一方面，佢有着成身黑科技，其實就同人類打曱甴差唔多，見到就即刻拎拖鞋/熱水去整死對方