【癌咒騎士】《病港ＩＩ》（７５）

擺到明係幻覺嚟

之前有個巴打分析得幾好，其實夢境締造者一路都企好後排，係M騎魔西一鳩跑入去打佢先變左近身戰，而隻八爪魚跟本唔擅長近身戰，所以先輸得咁快

咁啱摩西係佢天敵啫，唔使開眼都聞到佢喺邊

青茶 (終極工具人)

半年前。

中文大學倖存區。

「唔……」床上的公仔輾轉反側，時時傳出痛吟。

「哥……」被噪音弄醒的娃娃模糊地張眼：「你唔舒服啊？」

公仔掀開被子，滿頭大汗的坐起身：「一訓低個人好痛。」

「我今朝俾你嘅止痛藥都無用？」

公仔搖搖頭，下床出門去。

當癌症擴散到一定程度，腫瘤就會壓迫著骨頭和神經，造成難以言語的痛楚，其中胰臟癌更是當中最疼痛的一種，因為癌細胞會侵犯上腹部的神經叢，令身體必須向前彎著腰才能舒緩劇痛，但嚴重如公仔……

可說是幾乎無時無刻都在痛。

大半深夜裡，公仔消瘦的身影獨自穿越宿舍長廊，默默走上天台。

多麼大的理想、多麼高的志向、多麼遠的目標，都被癌症疼痛折磨得消失不見。

公仔眼裡的光早已消逝，如被死神用鐮刀架著脖子。

有些人雖然活著，但早已死去。

宿舍天台上，公仔走到圍牆前吹著涼風。

公仔俯視著下方的地面，心中莫名產生一個不好的念頭。

一個中止所有痛苦的念頭。

「咳、咳……」公仔雙手放到圍牆上，念頭慢慢轉化為執念。

他以為自己接受了事實，就會得到解脫。

但現實，不會輕易放過他。

千轉百念的思緒間，公仔想起娃娃。

於是公仔霎時回神過來，深深地呼吸調整自己。

忽然間，公仔耳邊響起呼喚的聲音。

公仔橫望天台，沒有其他人。

可能痛得腦子都開始壞了，公仔如此想著。

每天活著，都猶如行屍走肉。

面對沒有明天的明天，只剩下無比絕望。

「哥，我問咗我醫學院個關教授，佢話可以睇下你，可能可以批嗎啡俾你，你依家得唔得閒見佢？」娃娃給兄長帶來一個好消息。

「嗎啡？所有倖存區嘅天價品嚟……」公仔不覺得，有人能無條件給出嗎啡。

「去睇下先？」

如是者，公仔在娃娃的帶領下，前去與關教授見面。

「你係娃娃嘅哥哥？我係關教授，係腫瘤科。」關教授肥頭大耳，年紀都上五十，身處末日仍然過得相當滋潤。

「係……醫生你可以俾到嗎啡我？」公仔眼神略為低沉。

「正常情況下係唔係可以，因為我哋授權只能夠用喺大學二級行政人員身上，不過凡是都有例外……」關教授雙手交握，抿著嘴：「娃娃，可能你出出去先？」

「哦。」娃娃開門出去。

等到房間餘下兩人時，關教授繼續提出嗎啡的條件：「係咁嘅公仔哥哥，我就直接少少講，我對娃娃有感覺。」

「……」公仔沒有半點反應。

「雖然佢係我學生，但係……」關教授雙手搭在膝蓋上，一臉誠懇的說：「我會好好照顧佢，我要養佢絕對唔係問題。不過佢可能對我唔了解，或者覺得師生戀好奇怪，或者你可唔可以幫手講幾句？暗示下佢可唔可以同我有機會，幫下我口。」

「……」

「娃娃哥哥？」關教授拿出嗎啡：「如果你肯幫手，我每個月定期提供少量嗎啡俾你唔係問題。」

公仔什麼都沒有說，直接起身離開房間。

「呃……」關教授錯愕的看著公仔離開。

出來後，娃娃詢問情況：「點啊？關教授有冇話俾你……」

公仔搖頭苦笑：「其實都唔係幾痛，唔洗用到嗎啡咁激。」

公仔天天都被劇烈的痛楚弄得不能入眠，上天台喘息也變成他的恆常事情。

不過今天天台上多了個男人，站在圍牆上飲泣，一副將要自尋短見的樣子。

「先生，你有冇事？」公仔盡可能不刺激他。

「我想死……我好想死……」男人緊握拳頭。

「唔好做傻事，條命得來不易。」公仔自己都辛苦不已，想不到還要勸解別人。

「我已經咩都無哂……我無哂錢……我破產……咩都無啦……如果你可以俾返啲錢我，你講咩我都聽你。」男人因財困問題，心灰意冷。

「錢都只係身外物你──」

「你明咩呀！！！」男人激動地大罵：「你試下辛辛苦苦賺嚟嘅錢，因為投資失誤一夜無哂！你根本唔會明，我原本可以用嗰啲錢做好多嘢，原本或者可以食好多塊牛扒、可以包起自己鐘意嘅女人、可以可以……可以……」

說著說著，男人身子慢慢前傾。

「唔好呀！」公仔上前想要拉住男人，可惜太遲了。

「呯」的一聲，男人當場摔死。

公仔愣住：「……」

為什麼……

為什麼，心裡會感覺得……

好興奮。

數星期後，被癌症疼痛折磨得死去活來的公仔，只能夠將注意力分散，於是把重心放到病獵學院上。

病獵學院雖然成立不久，但都有開放委託任務，大部份任務內容都是需要外出，例如給地球與環境科學的學生拍攝山上的圖片、幫助工商管理學院的學生尋找貴價電子零件、給想到外面走走的人充當保鑣等。

今天，公仔就接到一件特別的任務。

有個叫鄭志恒的人，離開倖存區後多天未回。

公仔的任務，就是把他找回來。

要找一個好容易，也很困難。

可能對其他人而言是大海撈針，但病獵懂得善用病者的特性。

公仔先根據鄭志恒離開關口後，尋找出一條他比較會行的路線，然後找個高點觀察鄰近病者的情況。

一般來說，普通人是跑不到多遠，因為滿街都是病者。

其次，要留意市區中病者的異動，特別是大鼻、大耳、大眼等病者，他們攻擊能力不強，但搜索人類方面是專家級，眼睛視力極佳、耳朵聽覺極靈敏、嗅覺都相當發達，若果他們都朝著某個地方跑去，就很大機會代表那裡地方存在活人。

公仔憑著觀察病者的異動，便在半天內大約猜出鄭志恒的位置。

再深入仔細尋找一番，公仔便在傍晚前找出了鄭志恒所在──培基小學天台。

黃昏正在天空燃燒著，映出醉人的金黃。

大量病者聚集到培基小學閘口外拍打，想要闖入殺死裡頭的鄭志恒。

公仔找個地方攀牆入去，順利地找到裡面的鄭志恒。

「你係咪鄭志恒！？」公仔第一句便問。

虛弱的鄭志恒喉嚨乾澀的說：「係，我係……」

「我係病獵學院嚟救你，你發生咩事？」

「我出去想搵值錢嘅嘢，搵搵下個天越嚟越黑返唔切去，睇唔到路返去，就留喺呢間小學諗住第二朝走，點知一訓醒就出面圍住成堆病者……等咗成日佢哋都唔散開……」

本來公仔把鄭志恒帶回倖存區便了事，但忽然之間又有股聲音出現，竟然驅使他殺害鄭志恒。

公仔拍拍腦袋，感覺自己有些奇怪。

係 但假設啦擺隻骨刺人守住八爪魚都唔洗打

推

公仔重有冇救

公仔去樹鄉la

好似venom

仲有16米高嗰件呢

係喎

乜都炸哂喇
核彈喎
依家唔係炸鴨脷洲咩