【癌咒騎士】《病港ＩＩ》（７５）

南區大鼻啊

有冇人都覺得公仔而家條路同M一樣 真正繼承師父

依隻應該係病港入面最強大鼻 迫不得要三巨頭圍攻先打得死

癌王好似喺嗰幾隻野入面最勁
痴肥總統岀黎嘔2下就退場
艾匡到公仔，咁佢咪同閪黑騎士都好近個核彈位

依家打南征已經可以話call哂全港最強病獵，都打到咁慘烈，同時天腦讓咗成個九龍嘅病者，冇安排夾擊。
所以其實天腦嚟真嘅話，人類完全冇得打

或者九龍嘅病者唔係under天腦，發展咗另一勢力，咁又有嘢講下

感覺上天腦似係病者既宗教 但唔會干涉凡世事務

其實我覺得白色天使同蘇維同夢境締造應該都一樣勁每一隻都可以隨時團滅大部隊

好似睇緊avengers咁

諗起m

想贏要先付出生命換取病者情報有情報就會有攻破方法

「嗰隻咩嚟！」屠八聖手指大後方：「嗰隻病者唔男唔女，我都唔知殺唔殺佢好。」

那裡站著外貌如同陰陽人的病者，半張臉輪廓屬雄性，半張臉輪廓屬雌性，他不斷自我分裂出新的個體，但那些個體存活不到幾秒便倒地死去，造成一堆屍體遺留地上。

「係聖姆！」馬爾斯一眼認出特殊病者身份。

「仲未死……」維納斯慎重思考：「我哋對付嗰隻只係分身？」

核彈威力雖然強，能滅絕大部份島上的病者，但總有個別的特殊病者，憑著自身恐怖的能力捱過來。

聖姆，正是其一。

儘管如此，聖姆看起來軟弱不堪，就算分裂出新的個體，也毫無戰鬥能力。

「嘎嘎嗉──」聖姆分裂仍持續當中，但不怎麼管用。

「佢染色體大概係俾輻射打散哂，所以就算本體無事，但當要分裂出新個體，成個身體都造唔到新細胞，令分裂出嚟嘅個體都好快死亡。」博海德嘗試以科學角色解釋，卻突然想到什麼眉頭緊鎖：「唔可以俾佢接近我哋！佢依家相等於輻射嘅移動放射源！」

「呀呀呀呀嘎……」聖姆與一字相差的聖母品種病者，最終都殊途同歸成為自帶輻射源的病者。

大部隊沒有遠程手段可以阻止聖姆靠近，只能眼睜睜看著輻射源邁向自己。

「喂，搵個人出去阻止下……」孫十聖喊。

「邊個去就等於邊個死。」馬日里低聲唸。

一陣爆風猛然轟出差點吹倒聖姆，陸山泉回到後方支援。

「獵首唔好去啊，隻嘢唔接近得。」酷比歐提醒。

「等我嚟。」馬爾斯行出。

「馬爾斯你……」博海德想叫住他。

「我唔會有事。」馬爾斯整張臉產生出皚白的面罩，龍鱗都完全覆蓋住身體。

看見這幕的病獵無不驚訝，畢竟人類是不會發生這種事情。

「馬爾斯病獵係病、病病病病者？」芬克與迪比交頭接耳。

病者身體能抵受得住輻射，不畏怕作為放射源的聖姆。

「咧呀！」聖姆吼叫一聲，分裂出一男一女個體衝向馬爾斯。

兩名個體跑至馬爾斯面前的一刻，生命剛好凋零倒地而亡。

馬爾斯不慌不驚，身姿肅立，劍指朝天，兩眼精光集中到聖姆身上。

「咻──」

一息間，聖姆給貫穿心房。

未等眾人反應過來，馬爾斯已回身再使出音速刺擊。

「咻咻咻咻咻咻咻咻咻咻咻咻咻咻咻──」

馬爾斯四方八面地刺過去，刺完後瞬步轉換位置再作一次刺擊，令聖姆完全防不勝防，身體面臨分四五裂的慘況。

短短半分鐘，聖姆變得千瘡百孔，他唯一的復原能力便是分裂出新個體，並把新的個體擔當成新的主體，但如今分裂出的個體都落得死亡下場，聖姆自然無法讓他們充當主體。

聖姆，就此墮落。

博海德看著倒下的聖姆，不禁感嘆：「呢隻識無限複製嘅嘢原來要靠輻射打碎佢染色體先殺得死……」

大家喜悅不到幾秒鐘，心情就再冷下來。

因為聖姆不過是緊急性威脅，假若幾分鐘內未能脫離病者的阻攔，香港仔一帶的病者前來會合，到時候就無存活的可能。

奇蹟……

有可能發生嗎？

「呯！！！」黃竹坑車廠傳來響聲。

「又有病獸！？」薛墊仁面有難色。

一個重重的影子落下，機械降神！

一部由破銅爛鐵砌成的生鏽機械人，受朱朗峰的觸手纏綁著，他居然操控著由病體培植出肌肉、肌腱、韌帶，以鋼鐵為骨的人間兵器登場。

我凝望他呆著片刻，因為萬萬沒想到他會救場。

然而，並不單單只有他一人。

車正寅、病俠和湯婆，都現身於黃竹坑車廠的天台上，俯瞰著下方的大部隊。

「你最後都係嚟咗啊湯婆！哈哈哈，我對你真係另眼相看。」博海德亢奮地大喊。

「我都唔知點解我會嚟咗。」湯婆回應。

湯婆彈響手指，朱朗峰利用觸手操控人間兵器揮舞手臂，大批的病者即時被打飛到半空，或是被踩成稀爛。

人間兵器郁動雖然笨重，但力量十分可怕。

為什麼湯婆會前來救援？時間回到約莫一小時前。

病獵協會。

在湯婆確認大部隊經已抵達南面，倖存區都有不同詭人生事作祟，沒人管得著自己的時候，歪腦筋自然地浮出了。

恰好，朱朗峰偷偷潛入了病獵協會來與湯婆會面。

「湯婆……」朱朗峰冷不防出現窗外呼叫湯婆。

湯婆瞥了一眼：「入嚟講，出面凍。」

朱朗峰跨窗入來：「我已經按照你之前講，人間兵器已經培植完成……」

朱朗峰看似瘋瘋癲癲，實際上他暗中執行著湯婆給出的指示。

湯婆自願前來病獵協會幫忙，只因正下著一盤棋，有著自己的盤算。

「有帶嚟？」湯婆淡然地問

「有，就喺出面。」

「將佢帶入嚟，準備救你……師兄。」

五分鐘後。

「呯！！！！！」朱朗峰以觸手操控著人間兵器，從病獵協會正門而入。

現在病獵協會餘下的，多是後勤或文員，根本阻擋不了他們。

同一時間，湯婆帶著車正寅前往囚禁著自己首席弟子病俠郭顏諒的囚室，等候著朱朗峰。

「湯婆，你──」負責看守的病獵話未講完，便給湯婆以鷹爪翻子拳打倒。

「唔呀！」車正寅抓著另一名病獵的頭撞向牆壁。

兩名守門的病獵，反擊都未有便倒下。

待朱朗峰上來樓層後，繼續揮動人間兵器的重拳，打破鐵門、牆壁和拘束病俠的裝置。

劫獄。

病俠看見湯婆後，發出含糊的聲音：「哦……喲喲嗦……」得到自由的病俠本能地朝眼前人類攻擊。

朱朗峰使用生物與機械結合的手臂，一把手抓住了病俠不讓他郁動。

「走。」湯婆負著手，揚長而去。

病獵協會中沒一個人員敢擋路，全都訝異地看著湯婆離開。

只有一個人他坐著輪椅，擋在爛掉的正門前。

是賴桑，他擔當著病獵協會的後勤主管。

「想擋我路？」湯婆說話毫不客氣：「你只係個無能嘅特種病獵，諗住喺我面前逞英雄？」

「我好早就預計到你會咁，因為你唔知咩叫忠誠……湯婆。」賴桑沒有讓路的意思。

湯婆冷笑：「一個跛嘅可以做到啲咩？」

說罷，湯婆繼續向出口走著，車正寅、朱朗峰和被掌握中的病俠郭顏諒，都朝著正門打算光明正大地離開，沒把賴桑當一回事。

就在此時，賴桑舉起手像握著羽毛筆，默默唸著：「你最大嘅失算，就係我……」

湯婆瞳孔微張，感覺到腦袋產生出變化。

「去支援大部隊，然後忘記我有精神控制嘅能力。」賴桑對他們的腦袋，作出心理暗示。

一瞬間，眾人思想改變了。

湯婆、朱朗峰和車正寅繼續無事地掠過賴桑離開，但思想由原本遠走高飛變成前去南區營救苦戰當中的大部隊。

所以，他們如今出現在南區當中。

呢幾條友養唔熟

其實有冇講過癌王背景
只係記得好似M有一次潛入病者國度見過佢個名
之後就喺八鄉第一次出現 話係冇思想嘅生命體？

VI似d 開e技有拳風

但佢又有幫人類 幫艾匡開預視 唔係好知佢想點