背景：兩個人住想買1或2房，有3個盤諗左好耐仲未扑倒槌
優點
雨後：
環境上最鍾意都係呢個（曾經差少少買左），上高少少個景已經好開揚下，又算多後生住，去睇過手工都算唔錯，會所仲要幾出色下。啱啱有部份單位減埋價，現樓即住
yoho west：
萬二蚊呎負擔細啲。睇高層都有樓景望下，仲要新鴻基會有多啲信心，日後想轉手真心會易少少。好近天榮站，試過搭返出市區（返工返尖沙咀）又冇想像中咁耐
匯都：
好夠幽靜（我鍾意，條女麻麻），算多盤揀多啲，25年先入伙都仲叫fit倒同女朋友既timeline仲可以遲啲先供。
缺點
雨後：住落唔知工業區既影響大唔大，同埋算貴少少，真係揀雨後應該就1房
yoho west：
唔知朝早同埋嘉湖班人一齊逼輕鐵會係點，同埋天水圍行落個感覺都係有啲壓抑。
匯都：
睇返其實都唔係好近洪水橋站，如果貪個靜搞到出入好耐咁就唔抵。仲要咁快就減左價，如果而家就買一個唔覺意又做苦主
真心睇左好耐，由研究->睇樓->差少少買->再睇->無限loop 真心已經有啲滑左啞咁樣唔識得理性比較了。如果有住附近既ching會唔會可以比多少少意見，想知我上面諗既優缺點啱唔啱，同埋有冇啲咩位係睇漏左眼咁？
住過屯天元就知輕鐵等好耐先一班 返工放工重要等幾架先上到