電影《墮下的對證》Anatomy of A Fall 1月11日上映

但係佢自己係星期五要求要再上庭作證，所以個weekend 先要搵人睇緊佢，跟著佢趕走老母再做實驗，如果實驗失敗，咁佢本身再次上庭係想講乜？

未睇..2個半鐘..有D驚悶場

鍾意睇文戲嘅啱你 差唔多全部都係對話

呢套好睇

我覺得個仔其實平時睇到好多野
佢信邊一邊，就會講到唔同既故仔出黎
佢應該都係實驗完先決定講咩

我覺得佢唔知既野都好多，所以先會自責唔知老豆自殺過。

不過佢個再作證要求真係有啲奇怪，諗佢係作出嚟都可以

有無人有睇rotting in the sun

幾好睇

我覺得個仔
可能會將幾件事搞亂咗
或者將去寸通埋
好似之前畀口供
夠話肯定喺屋外聽到聲音
原來又話屋內聽到聲音
所以喺車上同父親對話
可能係自己幻想出嚟

我啲姪仔姪女成日幻想啲事情出嚟
講到好認真
其實係假

阿媽同阿仔都係unreliable narrator 前者就有野隱瞞 後者就推翻自己口供

個仔應該係聽到嗌交所以去到行
好明顯佢想改離開屋企時間口供但唔成功，因為個女仔見到佢離開

套戲播到阿仔講老豆揸車講嘢嗰段我即刻喊到仆街，有情緒病嘅人真係無時無刻都生活係呢種狀況

揀邊個個結果都唔好受

套戲就係想講 you have to decide what to believe, 不過要由一個細路去做呢啲決定係好艱難

但個細路之後都講，佢唔相信佢老母殺咗佢老豆，但係如果話佢老竇自殺嘅話佢就覺得有可能，咁佢已經選擇咗

睇完發覺有啲似小說《異鄉人》,特別係場法庭戲去不斷去抹黑女主角令人覺得佢殺咗人,雖然證明唔到有做定無做,但鑑證唔得就拎其他唔關事嘅嘢想煮死佢.

我唔小心Miss咗個開頭
一睇已經係小朋友同隻狗係雪地掟樹枝
然後回家見到爸爸死咗

想問一下有冇人可以講返我知個開頭係咩？

法庭其中一幕有提到
老豆開好大聲音樂，老母同個女人喺下面談笑風生
結果嘈得滯，傾唔到，個女人開車走咗

呢幕我有睇到
係發現屍體之後
想問下小朋友係雪地掟樹枝同狗仔玩之前係咪冇嘢發生？
感謝回覆

如果係杜緻朗寫，一定係女主角/盲仔/律師 是旦一個殺，結局就會由兇手自述出嚟

有一幕關於個仔幾時離開，同個女人幾時走

簡單影評 希望各位大哥唔好屌細佬唔識睇戲
睇完呢套戲令我諗起前幾年嘅Marriage Story
因為都係講婚姻關係嘅曖昧
不過呢套就只係由女方角度嘅表達（因為男方已經死咗）
變相我覺得呢套戲除咗講婚姻關係外，更加重點講Interpretation
成套戲主要場景都係法庭，控方不斷透過唔同嘅證物，實驗去進行所謂搵真相嘅過程
不過係我眼中就覺得佢只係透過客觀嘅物件去進行有利自己嘅詮釋 ，因為真相係咩其實成套戲完咗都無人知。
而最令我覺得成件事好Interpretation嘅moment係Daniel最後覆述佢同老豆係車到嘅對話
場景係架車到，鏡頭係影住老豆講緊嘢，但係聲音傳播出嚟嘅係Daniel嘅聲，完全無老豆嘅聲。我睇到呢幕覺得好fresh（可能自己睇戲睇得少），成個畫面就好似俾導演表達到咩係Interpretation，究竟呢個係Daniel interpret嘅畫面，定係老豆真係有講呢？無人知，觀眾都要靠自己去interpret。
法庭戲好多時都係講尋求真相，公義必定彰顯，但係呢套戲正正表達，其實法庭唔係一個公平公正嘅地方，反而係大家互相Interpret大家嘅想法，邊個詮釋得夠說服力就為贏。
呢啲就係我睇完嘅諗法自己覺得睇得好壓迫同有啲燒腦（因為係咁諗邊個先係岩），自己都係中意小人物故事多啲。歡迎各位一齊討論，多謝！

我最後上網搵返嚟睇
我知道了，謝謝

錢買唔到快樂
但喊係車好過地鐵

推到多啲人睇