其實睇住屋企人病牀上慢慢過世，係點面對

唔知講咩好.....
陪多d

頂住

係收得入icu 姐係仲有小小希望 如果扔返入內科就=玩完

有得睇好過無, 我10歲突然朝早收醫院電話 話走左 咁就一世陰影

睇見樓主po又諗返十年前老母死個陣 最尾佢係插哂喉無哂意識 但去到真係走個下見到佢用盡最後一下力量 微張開眼 有合埋流左滴眼淚就走左了

以為自己出po, 家父都係琴日因為癌症走咗

唉我都係
果時太細個 唔太懂事 幫唔到佢分擔，唔理解佢心情
自己諗番都好多遺憾
如果發生係而家，一定好好多。。

你令我想起10年前阿爸cancer 走的情境，可以的話，多點physical touch, 可以的話，錫佢一啖，平時唔會做，呢刻就要做，因為大家都需要彼此，需要愛！ 往後你也會無悔同佢行埋最後一程路的。

條仆街前半生做埋咁多陰則嘢宜家瞓喺床上面求生不得求死不能真係心都涼哂。

快啲死大家都輕鬆啲

我好難想像果種心情....
每次去探都可能係最後果種壓力，加埋屋企人辛苦....

當然我阿公係長期病，之後肺炎走。
我老母平時惡到癲都喊左，我記得最後姑娘容許我地經Ryles比佢飲湯。Cancer我真係想像唔到

加油巴打

笑住面對..可以的話

預後唔好既話，ICU唔會收個病人嫁，入得ICU其實代表仲有得救。
但唔搶救真係好緊要，起碼比親人走得都舒舒服服，唔洗臨走都要佢十級痛苦多轉

佢怕以後見唔到你哋

我有時候會諗，
如果係死之前俾個目標自己，會唔會容易啲面對死亡？
例如相信有死後嘅世界，用托夢嘅形式去同返自己嘅親人講。

Btw, 自己孤獨面對死亡嘅恐懼係好無助，作為親人只可以喺身邊用溫暖嘅雙手去捉緊對方，化解佢對死亡嗰種冷冰冰嘅感覺。

無啦啦發咩脾氣

之前屋企人都係咁，由健健康康去到喺張病床上邊奄奄一息都只係短短半年間，個過程好難接受。所以你要加油，每日好好陪伴佢，亦要好好照顧自己身體，雖然每日都會好心悒，佢有啲咩想食既都盡量滿足佢！只能希望佢走得舒舒服服！

都係咁樣，因為無得選擇。

問下可唔可以早啲打瑪啡走算啦
到真係走左對你對佢都係解脫

唔係黑心，喱個真心

換住老咗，自己喺瞓係床果個，係床到賴屎賴尿，應該只係想盡快死咗去，起碼有尊嚴少少

老人院好多老人家其實只求一死

唔明白呢點嘅人其實好幸福

當年我阿爸最後果一兩個月，開始食唔到野，食乜嘔乜，睇住佢一日瘦過一日。
突然間佢同阿媽講，話好想返鄉下行吓，想係自己鄉下行埋最後一段路。
佢返到鄉下之後個人好似放下咗心頭大石咁，成個人好似好輕鬆咁。每日就係坐喺門口，雖然只係發下吽哣，但就好似少咗好多痛苦咁。間唔中有兩個街坊行過，同佢講兩句咁，佢都好開心。
臨終前果日兩就慢慢失去咗意識。問佢野，佢都冇反應。直至離留果陣，佢突然間好似有一刻清醒，佢坐咗起身，望住我同阿哥，好似有野想同我地講，我哋坐埋去，諗住聽下佢講咩，但佢已經言語不清，佢好努力，但都係講唔到野。
跟住我地俾咗支筆同紙佢，佢好努力咁去寫，寫咗幾個字，但係全部都係不規則的，佢知道自己最後都係寫唔到，就後訓返低，眼淚係咁流，但都已經喊唔出聲。
阿哥即刻話，我地知㗎啦，我地會生性之類。跟住阿爸終於合埋咗眼。
其實當日我一直都以為自己會好傷心，自己亦應該要好傷心，但唔知點解當日我幾乎一滴眼淚都冇流過。
但當第日送阿爸火化果陣，先終於喊到出嚟。
但唔係因為傷心，反而係覺得終於完啦，阿爸終於唔使再受苦，我哋要鄧佢開心。當所有既壓力都釋放晒咁，就好自然咁喊咗出嚟。
其實唔需要怪責自己做乜以前唔對佢好d之類，但至少襯佢仲有意識，可以日日同佢講，將來會好好照顧自己，照顧屋企，或者某一次，佢突然迴光返照，因為聽到你呢d說話，就會安息。