其實睇住屋企人病牀上慢慢過世，係點面對

人終須一死

講唔埋幾時走架喎而且

加油樓主
有咩唔開心 頂唔順 多d搵人傾
上黎分享又得
比心機 頂住
頂唔住既話 有冇信仰都可祈禱
加油 頂住

咁你應該冇乜機會做廢老

廢話
有病先入醫院
未發病緊係行得走得

dllm

我本身同屋企人情誼好薄，好多唔夾。如果我無乜感覺，但又明白無乜感覺係個問題，可以點樣面對自己，當事人，以及其他屋企人？

留名

做好第2，3點真係會令自己（或對方）減少遺憾，咩都要講，唔好等。我當時就係估唔到家人由清醒到昏迷係咁短時間，到想傾過往時佢已經回應唔到，只能夠單方面喺佢耳邊多謝佢嘅照顧，好榮幸有佢做我家人，叫佢放心走。

如果可以回到當時，我仲想多啲擁抱佢，拖下隻手都好，等佢冇咁孤單。

陪唔陪到最後都係整定。我家人凌晨姑娘話最後一面，全個家族嚟哂，但佢未係時候。到朝早我太累冇精神返工，心血來潮想去醫院，結果我係唯一一個喺床邊陪住佢呼出最後一口氣嘅人。

點解可以咁反社會

會習慣

巴打加油

可以睇下瀕死徵狀
如果中到完完八八就多啲時間陪佢
趁佢望到你感覺到你的時候
睇下佢有咩心事未了 想做啲咩
上個月睇住媽媽慢慢到心跳停

同佢講，會好好照顧屋企人，自己已經長大，叫佢唔使擔心。

利申：過來人

肯俾你帶佢行吓已經好好
我嗰個求佢都唔肯去

你照顧？

所以真係要有安樂死

多啲去探佢、陪佢同埋傾下計。唔好好似我咁，係我嫲仲行得走得食得既時候無探佢。等去探佢既時候已經凈係訓左係床上面，勁攰無精神。
過多兩日，佢已經無知覺，夜晚就走左。
係收到通知佢未必捱到今晚既時候，已經即刻飛的去陪佢。但唔敢出聲，只即捉住佢隻手。
到全部親人探完佢，夜晚醫生話佢仲穩定既時候，全部人暫時去食飯休息。
之後我同我女朋友留左係病房，開始幫佢濕嘴同同佢講野。當我同佢講我最近照顧到自己，叫佢唔洗再探心我。突然佢就叫左我女朋友名一下，之後望住我就走左。（佢流眼淚同我告別）
係呢一刻，我先發現原來佢一直撐到呢一刻就係等緊我去探佢。
記得唔好好似我咁唔珍惜，去到最後既時間先後悔。
（腸癌）我同佢兩個人一齊住左廿幾年。

唔係個個都可以屋企走

如果佢係因為突然變差而入院
咁佢唔入院可能仲大劑啦

原生家庭係一個影響一生，又唔容易處理的課題。

家庭帶俾自己傷痛感受，往往會抵銷了感激之情。

家人在成長中的缺席，即使經濟上養大了自己，但好多時會潛藏一些對家人的怨恨，遮蔽我們雙眼。

兄弟姊妹之間的互動，唔夾所引致衝突，根本就唔想再提起和接觸，對方做咗幾多好嘢，都未必感受到。

勉強說一些違心話，不如好好梳理一下每個家庭成員，為自己帶來了什麼，又影響了什麼。

面對生死，不妨回顧一下，有咩地方需要原諒釋懷，有咩地方係要重新感激，有咩地方係要背負着歷史嘅包袱。

可能咁樣，你就能夠出現返嗰啲感受。

如果都無法處理，在緊急情況下，就集中處理事務，努力衣食住行方面，盡你嘅孝義。

當事人面對死亡，而你面對失去，但可能未必是死亡令你失去，可能早早你已經失去。

我想不到實際的建議，睇完只能將我嘅感受同想法講一講