歐洲嘅葡萄酒歷史源遠流長，深受名人追捧，但近年中國葡萄酒靜靜起革命，好似寧夏紅酒已經好成熟，近年更走出世界，喺國際知名葡萄酒大賽中獲殊榮。酒香飄千里，寧夏商務廳廳長馬夫早前訪港，令菁英會候任主席洪為民（Witman）同叙福樓集團執董黃傑龍（Simon）有機會品嘗多款寧夏紅酒，感受非一般寧夏氣息。
寧夏紅酒味道芳香，黃傑龍（左）同洪為民愛不釋手。（溫國佳攝）
「加貝蘭」奪世界賽金獎
寧夏水果、菜心，每天如貫運港，但寧夏紅酒，所知嘅人不多。馬夫廳長一場來港，就帶來寧夏八個唔同品牌共九支紅酒，擺下「紅酒陣」供Witman同Simon品嘗。品酒先由「加貝蘭」開始，此酒曾奪《品醇客》世界葡萄酒大賽金獎，及最佳亞洲葡萄酒特別大獎，被評為口感「柔順、高雅」。
放大圖片
Witman細看色澤，嘗了幾啖，大讚有驚喜。Simon就被濃郁果香吸引，佢喜歡酒味淳樸，不遜法國佳釀喎。身為寧夏政協嘅Witman同寧夏青委嘅Simon都係飲得之人，但Simon外號「半杯關羽」，飲半杯紅酒就面紅。
,
連洪為民大哥有冇人工加都唔敢回應 
