比浣熊搶曬啲嘢食，點部署（15日澳洲墨爾本+黃金海岸+塔斯曼尼亞）

有fd share的 果度好少都係一人一啖仔 proseco

梗係google map算 雖然佢有時會指你去啲無燈小路

睇完都未見浣熊

Day 6 (Geelong - Melbourne - Gold Coast)

前一晚係 Warrnambool 出發，
揸左三個幾鐘頭又到左 Geelong。
Geelong 位置比較近墨爾本個機場，
由於第二朝早機，所以特登Book左呢邊酒店訓一晚。

誰不知，第二日一起身就見到
程內陸機取消左！！！
其實一早就知道Jetstar好有機會中伏，
但估唔到真係直接取消班機，
仲要係出發前四個鐘先出Email 通知你
九點起飛，凌晨五點先一個Email話你知，
我起身果下真係好茫然
Gold Coast 就一定要去，因為Book曬酒店，
咁唯有臨時轉行程，
即刻上網Book最快一班機，
Qantas 轉機 Sydney 去Gold Coast，
原本兩個鐘行程，早機去中午前到GC，
依家要下晝飛，再轉機變成四個幾鐘
建議全部去澳洲搭內陸機既朋友都買定旅遊保險

無計啦，馬死落地行，
唯有同Sixt講架車想繼續租多一日，
到左機場，去到Jetstar Counter搞退錢手續，
再揸番車入Melbourne市中心啦



好彩不幸中大幸係可以食呢間所謂全世界第一牛角包，
“Lune” 十點鐘去到仲好多人幫襯。
雖然心情麻麻地，個天氣又一般，
但都只能夠收拾心情繼續享受下墨爾本。




間野都好透明，比你睇曬入面整包啲運作。
可以見到廚房入面全部都係華人樣



咖啡都係啲好澳洲風格既味道，
我自己鐘意飲日本系既咖啡多啲。
至於個牛角包呢，我就無食曬既
食完就揸去市中心 ”Spencer St“ 個Outlet度行下，
呢個Outlet就真係無野好行，
基本上買唔到啲乜。



行到中午又要醫肚，
之前同事介紹左一間係 Bourke St 既泰國野，
叫做 “Soi 38”，
話佢啲船河係全澳洲第一。
咁就真係要試下。
佢間餐廳位處於一間停車場入面，
外面基本上乜裝飾乜牌都無，
你係停車場入口行入去，側邊就係。
都好有大隱隱於市既感覺。



到中午時間，成間舖頭基本上都Full曬，
唔止亞洲人，更加多既係鬼佬，
原來對泰國菜既喜愛係無分國籍。
不過我食完都明白點解咁多人食，
係有泰國9成水準之餘，
價錢實惠到不得了，一碗都係7蚊澳紙，
以澳洲物價黎講夫復何求。



不過佢其他小食，尤其呢款燒肉就一般，
大家經過黎食下碗船河都夠。
結論墨爾本啲多國菜都幾唔錯！絕對唔係美食沙漠。

Strong post LM
前年住過兩個月Mel, South Melbourne Market 啲生蠔同西班牙炒飯好正

好似話果日大風驚沙入眼

好似係有日行左二萬幾步

介紹得好好睇

SA撚留名
tasmania有得執黑松露

食埋碗麵，搞多一陣終於可以出發去機場，
下晝三點半鐘機出發，
五點左右到Sydney，
轉機一個鐘，希望可以大約七點幾到GC啦。
發覺Melbourne個機場內陸機幾乎全部都係Qantas，
隻紅色袋鼠好搶眼



呢架就係我地班機，
第一次體驗行落去停機坪之後行樓梯上機尾，
個過程都幾新鮮，
不過原來停機坪位置係唔比影相，
比個鬼婆空姐話左幾句



班機都算舒服，個位闊過因航少少，
野食以短途機黎講絕對唔失禮，
機上娛樂都充足，
最有驚喜係原來Qantas有free in flight wifi，
即刻覺得程機好抵玩
眨下眼就去到Sydney，
半空中望落去都好清晰，
悉尼大橋，歌劇院都能夠清楚見到，
呢個半空景都算係我見過入面數一數二！

正當我地安全到達悉尼，
以為可以準時到達GC之際，
又遇到Delay....
原來Qantas某一班機有Cabin Crew罷工，
要臨時調隔離啱啱抵達悉尼既機師揸呢班機，
最後係悉尼T2等左足足兩個半鐘，
接近八點先可以起飛離開
呢一日幾乎全日都用黎搭飛機，
如果問我學到啲乜，
我只能夠講，
Hungry Jacks 真係好難食

最後成九點半先到GC，完全浪費左一日

仲有冇嘢食相

LM 啱啱移民去MEL, 遲啲跟你個路線玩 樓主睇少場馬比心機update

大把，行程都未寫到一半

終於去到九點半降落，
萬幸既係，GC個機場好細，
Off Board 流程都好順暢無咩嘢搞，
十五分鐘左右就可以上到的士
之但係...
搭完一程二十分鐘左右車程既的士，
我地都異口同聲講左句...
“屌，乜呢度咁鬼舊既”

Day 7 (Broadbeach, Pacific Fair, Surfers' Paradise)

黎之前都無睇太多review，
求其訂左間 Meriton Hotels 旗下既，
Meriton Suites Broadbeach 就算數。
建議大家如果 Book Gold Cost 酒店，
一定要Book開業五年內既酒店，
如果唔係，啲物業管理都可能幾差下，
酒店設施會折舊得好緊要，
我地呢間好彩啱啱裝修左新翼，都可以接受。
我估計 Gold Coast 絕大部分酒店都有類似問題，
因為 GC 成條街睇落都係充滿住 90-00年代既陳舊感，
就真係好似香港個黃金海岸，或者赤柱個狀態，
人係後生既，景色係好睇既，
但硬件就好無活力。



第二朝起身就去左Broadbeach，
一間周杰倫打卡既餐廳 Elk Espresso。
位置都好易搵，對面馬路就係Broadbeach入口。
去到上奏十點幾左右，已經全院滿座。



我叫左呢個類似薯仔乳酪蓉既物體，
上面原來係有辣油，
佢呢隻辣油係有浸老乾媽果種辣味，
完全唔 expect 外國嘢做到咁似大陸口味
第一下食落去好撚奇怪，但之後又ok。
佢杯朱古力算係幾好飲既



飲飽食醉就行去Broadbeach，
原本打算順住個海邊一路行過去Surfers Paradise，
大約都係四公里路程，
如果天氣好應該都好靚，
（仲可以望下海邊大波鬼妹）。
但大家都見到個天氣係陰沉到傻，
行兩步都已經無乜興趣再繼續行



所以話去GC如果預著天氣唔好真係慘爆，
啲海景會變得同屯門荃灣無咩分別
成個GC最出名就係佢條幾十公里既海岸線，
而且內陸仲有好多小溪流Canel仔，
但如果落雨天陰就乜都無得睇。



唯有去佢個Outlet度望下，
呢個Outlet叫做 Pacific Fair，
位於Broadbeach附近，
都算有唔少大牌子，
但價錢上就同香港差唔多。
不過因為今日落雨
相信成個GC啲遊客今日都聚集曬係度了。

你去開broadbeach或者pacific fair的話可以去，
但我會推薦另一間更正既晚餐，
都係broadbeach，
下一篇會寫

浣熊出未

GC 要天氣好先靚 沙灘勁多人 好多鬼妹就咁著住bikini喺surfer paradise周圍走

接住落黎呢一日都係灰灰濛濛，
中間仲落左幾次大雨，
其實都無咩心情再繼續玩。
唯有將重心轉化為食嘢！
我地搭的士去到 Surfers Paradise，
為左唔想令到大家對佢印象太差，
我決定唔 Post 相了，
因為天同海灰濛濛一片都真係無咩嘢好睇。
最灰既係連啲餐廳都落埋場，
明明只係兩點左右，
成條街都已經水靜鵝飛，
而最大獲係附近啲商場舊到你唔會想行入去。



最後竟然係要去到 Woolworths 買壽司食，
估唔到去到澳洲都要食頹嘢，
呢度加埋都係40蚊港紙左右，
萬幸既係舊壽司又幾好食



行行下又好似唔夠飽，
就入左附近評分比較高既拉麵店食碗面。
叫做 Ramen Danbo Surfers Paradise
呢間就有驚喜啦，
一對日本情侶打理既鋪頭，
豬骨湯底真心唔差過日本食到果啲，
舊叉燒都燒得相當有誠意，
推薦



同大家好坦白咁講，
之後既行程都係無行程，
因為GC如果唔好天真係乜都無得做。
食完拉麵三點幾，
決定番酒店訓覺，浸Jacucci，做愛做的事
搞完一大輪之後就已經天黑，
落到樓下見到一間義大利菜好高分，
叫做 Gemelli Italian，
入面啲Waiter 全部意大利佬勁靚仔。
呢間算係成個 GC 我食到最高質既野食。
圖中呢個 Grilled Octopus 炭燒味好香，
燒得又剛剛好，
真係值得一試。



至於呢碟 Ragu 又係畫龍點睛，
肉味同啲Source好夾，
面食落去係彈牙，
食完會想再 Encore。



呢個心太軟亦都做到最基本要求，
流心做得好好，
不過就略嫌有少少甜。
總結呢間嘢，推薦比去Broadbeach既朋友。



番外篇：食完意大利嘢，
可以行過去隔離一間叫做 “Yo-chi”
係專門食 Froyo。
配料都算齊，Yoghurt 食落都好奶香，
價錢同香港差唔多，
（有好多短裙大波學生鬼妹排隊食）