濕疹嚴重到想自殺 點算好

一定要介牛肉

牛肉 對皮膚好大影響

一定要戒凍飲!！！！

少啲搽類固醇，越搽得多越大撻，一好返啲啲就會發得仲勁

呢排天氣咁樣係會發得好勁，我最近用緊手工皂、椰子油，同埋飲金銀花水，唔知有冇用 不過你朋友都可以一試，反正至少用類固醇都頗肯定會翻發

多謝ching 不過油同中藥佢而家都用緊
唔知會唔會令佢寒上加寒
因為本身佢唔怕冷 呢幾日狂發冷

我之前全身有濕疹加甩皮，發炎岀黃水乜都齊
搽油唔好淨係搽一種
我會睇下自己皮膚差d乜而去溝油搽
最普通係大麻籽油+甜杏仁油+椰子油
呢排搽緊黑草種子油，有治療皮膚炎功效
我少搽cream係因為佢地成份複雜
但油就單一d

講開濕疹係度提下各位巴絲，如果用類固醇睇西醫，三四次都係好反一停又發就唔好再睇西醫。會越搞越嚴重，利申發得好勁過來人，發到成身燒傷咁之前。

same
一停類固醇，有類固醇反彈岀現
甩皮甩到落雪咁
真係要好有意志力先捱到

之前成身濕疹 幾個月食得勁清 好得7788
之後出街食返啲野即刻又發 只係普通食物唔係海鮮牛
有冇人知戒口要戒幾耐

睇開呢個中醫，食左兩星期藥好返一半
佢真係好撚勁
係cwb東華東院嗰度睇

講開濕疹係度提下各位巴絲，如果用類固醇睇西醫，三四次都係好反一停又發就唔好再睇西醫。會越搞越嚴重，利申發得好勁過來人，發到成身燒傷咁之前。

same
一停類固醇，有類固醇反彈岀現
甩皮甩到落雪咁
真係要好有意志力先捱到

甩皮都算
發炎真係唔知點好
類固醇同抗生素都話唔好

求大家幫幫忙
我朋友今日同我講佢想自殺
呢排佢濕疹勁嚴重
24小時不停R
類固醇已經食到無作用
轉左睇中醫
睇左兩個月病情都係反反覆覆
呢幾日勁嚴重
r到滲哂血水 r到係咁甩皮
痕到訓唔到 真係完全無訓過
d皮膚硬到連條頸都郁唔到
乾到好似就黎裂咁
皮膚又紅又腫
又痕又痛 仲要呢幾日好怕凍

佢同我講佢開始有d精神錯亂
個心諗住打機/打仗個d情境既時候
會好大力咁r皮膚
但佢完全係唔知自己做緊呢個行為
又不停話想割左自己d皮 想自殺

我爬過好多文
叫佢試豬油膏 但搽完又痕
a cream都係
佢已經戒哂口個d
但都係無用……

再係咁落去我真係驚佢有咩事
請問有無巴打有經驗可以分享/有醫濕疹勁既中醫可以介紹

感激不盡！

我之前係嚴重濕疹，最近去針灸好左8成。你有無telegram 我加你傾。

講開濕疹係度提下各位巴絲，如果用類固醇睇西醫，三四次都係好反一停又發就唔好再睇西醫。會越搞越嚴重，利申發得好勁過來人，發到成身燒傷咁之前。

same
一停類固醇，有類固醇反彈岀現
甩皮甩到落雪咁
真係要好有意志力先捱到

甩皮都算
發炎真係唔知點好
類固醇同抗生素都話唔好

我試過自己食薑黃素，消到炎，不過效果慢d

試下死海鹽

針灸？
我尋日都爛手

濕疹撚lm
而家發作得咁去醫院/睇西醫打針先，之後搽返排類固醇直到傷口埋哂口
如果係臉上濕疹嘅話但又唔想用類固醇可以google下'protopic'(但前提係傷口/爛肉埋左口或者情況唔嚴重之下用)
之後如果情況受控後，每日要早瞓，係咁飲水，唔好做令自己緊張嘅事(eg.打機)因為個人一忟濕疹就會痕得勁左

利申: 我濕疹唔算好勁，通常冬天乾燥得濟皮膚就會裂開變傷口最勁試過面上好多地方爛哂肉流水好痛苦皺紋都多左好多
希望你朋友早日康復

樓主 叫佢過黎屯門碼頭 正x 堂 睇潘醫師

淨係嘴唇有濕疹點搞

去外國休養幾個月 係香港啲水質同氣候唔啱你朋友 唔洗死！

同意，我有濕疹嗰排去左旅行一個星期，藥都無搽過，心情又放鬆啲。點知一番到香港濕疹即發。

柴灣有個朱醫生 我都有濕疹問題 睇完茶佢啲藥膏都唔錯

有個同事又係濕疹 成年都未好
跟住去左睇中醫 戒口早訓
而家慢慢好返
加油

有時夜晚訓教之前都重好地地
點知一訓醒r損曬 又痕又痛果下好絕望
要keep住剪手甲或者帶綿手套

至於藥膏方面 的確係治標唔治本架
短暫時間好番 但再起的時候又會大撻左

我之前睇過呢個用芫茜水沖涼
我都有輕微濕疹，但呢個方法未試過，感覺無西藥咁有副作用，可以試下，希望你朋友病情有改善啦https://youtu.be/BwoeJ0O2CZM

講番自己 應該由中二係小腿位起濕疹
嚴重時起到流曬膿咁 有時重會痴住條校褲
咁呀媽都係帶落去樓下d西醫睇 都係比藥膏搽好 好完又起 起又搽咁

後尾再大dd 已經去到手 頸 眼 腳掌 手口都有 開始試左好多唔同藥房藥膏
到出來做野 有次發到直頭番唔到工（豬頭咁）

好彩有位朋友介紹左去睇中醫
果時戒口好清 飲d好似渠水的中藥
再加d外用消藥的酒之類的東西（因為傷口多，過程頗痛苦）
醫左半年，果半年都淨係要去覆診先出街
最後人生的確有希望 好轉左

到而家過左十年左右都無再發了
另外提一提 工作環境乾唔乾淨，要唔要出汗，同多做運動都好重要！

一定要介牛肉

牛肉 對皮膚好大影響

係 牛肉好毒

一定要戒凍飲!！！！

係 凍飲好凍

你可以叫佢唔好打機 打機緊張易發出來

樓主好似好耐冇上水 但都有以下幾樣野想講

1. 唔好亂試死海鹽
樓主朋友血水都出埋應該全身都傷口
現階段試有啲玩命
會超級la同有機會刺激到皮膚有反效果
係有好多好評 但每個人體質唔同
好想試既話建議試小部位先

2. 一定要做test
我自己都係對塵蟎比常人敏感超幾百倍
當時即刻掉哂所有危險物品 例如公仔 地氈 衣櫃要閂好門咁
再用埋防蟎枕套被套
哩啲錢真係要比 自此穩定咗好多

3. 去歐洲唔一定有用
歐洲部分地區係超級乾 如果樓主朋友冷氣都頂唔到 果邊係乾幾百倍
無錯 香港空氣係好差 但最主要係因為香港好濕好焗
皮膚一焗住就好易出事
我自己都一返香港就發 但我去歐洲旅行嘅時候都有啲本身冇咗嘅位太乾發返出嚟

4. Cetaphil Aveeno之類咁嚴重情況下係冇用
哩啲都係舒緩性質 係用於延長兩次發之間嘅時間
換句話說你發緊嘅時候用佢係唔會有用
但對我嚟講 Aveeno平時用係幾好 可以㩒住防止佢發出嚟 C對我就冇乜用

5. 凍水涼+全天然嘅所有沖洗用品
一定係凍水涼 暖得濟都會易刺激易紅 尤其係咁敏感嘅皮膚
除咗沖涼 洗頭/護髮素都要用天然野
因為你沖嘅時候都會接觸到皮膚 都有機會刺激到

6. 盡量唔好再用類固醇
我都明白真係好難 但用咗咁多年皮膚已經搞到好薄
而且都冇乜用就要戒 唔好再依賴

7. 保持心境開朗 輕鬆
有啲人係有壓力 緊張 就會發 我係其中之一
難嘅 但盡量啦 放鬆啲 總有一日會冇事 睇開啲 大把人陪住你一齊努力!