濕疹嚴重到想自殺 點算好

唔好亂用死海鹽，佢咁嚴重一定係睇完西醫先再用中醫調理

無錯 咁嚴重一定係睇西醫
睇中醫最少一個月先有比較明顯既好轉
大前題仲要係你試岩藥

雖然我都係睇中醫好
但你地唔好過份妖魔化類固醇
發病初期如果你識用類固醇可以好好
亦都唔會出現反彈

求大家幫幫忙
我朋友今日同我講佢想自殺
呢排佢濕疹勁嚴重
24小時不停R
類固醇已經食到無作用
轉左睇中醫
睇左兩個月病情都係反反覆覆
呢幾日勁嚴重
r到滲哂血水 r到係咁甩皮
痕到訓唔到 真係完全無訓過
d皮膚硬到連條頸都郁唔到
乾到好似就黎裂咁
皮膚又紅又腫
又痕又痛 仲要呢幾日好怕凍

佢同我講佢開始有d精神錯亂
個心諗住打機/打仗個d情境既時候
會好大力咁r皮膚
但佢完全係唔知自己做緊呢個行為
又不停話想割左自己d皮 想自殺

我爬過好多文
叫佢試豬油膏 但搽完又痕
a cream都係
佢已經戒哂口個d
但都係無用……

再係咁落去我真係驚佢有咩事
請問有無巴打有經驗可以分享/有醫濕疹勁既中醫可以介紹

感激不盡！

唔好沖涼幾日 同沖短時間 利申過來人

康復者表示，最重要係抽血驗左致敏原，出左報告睇下環境定食物敏感，由源頭預防左先。
再跟據report定一個飲食plan，最好屋企煮，可以自己控制所有食材調味。
即使街上一個清湯米你都唔知人地用咩湯底，搏唔過。

基本飲食非常重要，皮膚爛到一個地步，個狀態係一有少少刺激(不論好壞)，就會既刻表現出黎，傷口發紅發癢。

所以唔建議用偏方(例如綠豆水薏米水果類)。

飲食維持係一個穩定溫和狀態就得，以中性唔刺激為主。

認真
買飛機票去歐洲旅行一段時間

有能力真係離開香港
我個陣又係濕疹 去過一轉日本
完全唔痕
當然都去過一轉德國瑞士
直程唔撚記得左自己有濕疹

赤小豆大火煲15~20分鐘，出嚟應該係深紅嘅水，唔好煲爛啲豆，一大煲咩都唔落當水飲，身體去濕好好多

認真，保濕止痕用AD 軟膏，真係好work, 但你唔好期望會醫到，淨係for 舒緩

會唔會沖涼啲水有事。表示網上見到好多洗水管嘅片，啲喉又生銹又有菌。試下過濾水沖涼?

利申:9up

樓主個fd係咪已經俾濕疹搞到過度疲勞 咁嚴重嘅話其實入急症都冇人會話佢

我天生有濕疹 細個入咗急症（雖然嗰次唔關濕疹事）之後我老母叫個醫生寫轉介信去威爾斯兒科 再keep住覆診到而家 咁樣先至慢慢好返
中藥係有幫助 但係我覺得潤膚膏更加有用
我去威爾斯之前睇過好多中醫港九新界都睇過哂咁滯 但都係冇用
我開始覆診之後就再冇乜點睇中醫 keep住搽咗幾年潤膚膏之後就好返好多 而家我唔講都冇人覺得我有濕疹

我覺得對付濕疹最緊要係意志 要有好強嘅耐力同決心先得
一定要㩒住自己唔俾自己r痕 同埋要好勤力搽潤膚膏
如果好痕可以輕輕拍下佢 或者試下合埋雙眼說服自己啲感覺唔關自己事（好似有啲奇怪但真係work ）
仲有要睇實自己啲指甲 一見有少少長就要即刻剪咗佢 因為無論佢忍得都好佢瞓覺都會不自覺咁r

最後千祈唔好亂咁信人講嘢（嚴格上包括我）
我老母以前成日聽啲同事呀三姑六婆講俾我試埋啲偏方 連片糖水沖涼都試過 但係全部都冇用
嗰啲乜春偏方呀神油呀靈藥之類或者有幫助 但更多時候佢地都係冇用甚至有害 所以千祈唔好亂試
21世紀有病嘅話梗係信醫生㗎啦係咪先 有問題或者想試某啲嘢嘅話都係覆診時問下醫生先啦

對抗濕疹真係一段好漫長嘅路 無論生理心理甚至社交上都會好大壓力 樓主你要陪住你個fd呀

之前睇過有位媽媽拍片。話佢個女有濕疹，試過好多方法都唔得，之後有個婆婆教佢用芫茜連根煲水沖涼，重點係要加d鹽落去煲！有解毒作用，好重要。佢話佢囡囡係好返，不過睇新聞又話有唔同類型既濕疹，呢種方法未必岩用。

你可以google下睇下用唔用得著，希望幫到你朋友 加油呀！

幾年前我都嚴重到生存嘅意志都無，超級自卑。當時諗寧願自己有癌症死左去都好過有濕疹醫唔好但又死唔去嘅病 濕疹不特止仲要身體差到生埋蛇

每個星期睇皮膚科醫生都無用，然後醫生都話香港唔適合你。最後有幸去左外國讀書，一兩個月都唔洗自然好番 但番香港又黎料。

宜家都叫控制得幾好，keep 住用豬油膏沖涼同搽aveeno 。最緊要係心境，長期心情差又炆一定痕 加油啦

睇皮膚科醫生啦
我有2個朋友分別睇旺角黃錫明醫生 同中環陳厚毅醫生睇好左
其中一個有濕疹好多年睇左好耐中醫同普通西醫都冇用
普通西醫淨係識開類固醇

同埋如果我feel 到唔妥會煲薏米水黎飲，去濕一流

去一轉日本，飲多啲日本嘅水，同埋扑野去調節荷爾蒙分泌（聽人講得，自己無試過 ）

依家試緊死海鹽，有明顯改善，起碼由流血紅色一撻撻，到依家已經無紅，凋謝左咁，不過冇你朋友咁嚴重

每次我發到好嚴重都係睇徐健平，係嘉賓大廈，又平又work，不過咁嚴重就一定係搽類固醇，睇左第一次之後就開始無再成身起濕疹，得返局部位置，但都係好小，但偶而塊臉會突然腫晒咁，一年發一次咁樣

加油呀，十幾年濕疹真係明白好痕個種生不如死嘅感覺，仲要覺得自己好醜，無晒自信，祝你朋友早日康復

有幾個人都同我講元朗有個中醫好
不過貴同等好耐
話有朋友睇好
我都有諗過遲下去試
唉
好想快啲好翻
都幾年啦

朋友有濕疹都係睇張家康好返
我睇左兩個月
未見好轉
之後轉去屯門第二個中醫
睇左一星期左右就開始好返

所以醫生都要睇下夾唔夾
當然我除左睇醫生都有其他外敷治療
唔能夠確定好轉既真正原因

屯門果位中醫求名

龍門居3座26a
陳醫師97332215

我唔知你朋友情況，但係我分享少少，希望幫到你朋友。
因為我呢排做地盤，天氣熱又着長boot，d汗up住對腳，加上個人可能濕熱同好攰，就爆急性濕疹，兩邊小腿好大撻、好嚴重。
試過幾種方法，包括西醫類固醇，用手工鹼沖涼等等都冇用，因為發現夜晚開冷氣瞓覺對腳就會好乾，直情乾到R醒咗。
最後谷氣試吓搽綠色圓形個盒蘆薈Gel，搽好厚一浸，再用保鮮紙包住訓。加上每日去鴻福堂買赤小豆湯包飲。
之後兩個禮拜好返晒，因為夜晚冇再R。
上面個方法可以試吓，希望幫到你朋友

師兄呢隻韓國蘆薈gel好勁香料，好刺激下…

利申：極嚴重過來人，有咩可問我

韓國嗰隻有酒精 好刺激
反而凡士林蘆薈嗰隻又平又好用

之前睇過有位媽媽拍片。話佢個女有濕疹，試過好多方法都唔得，之後有個婆婆教佢用芫茜連根煲水沖涼，重點係要加d鹽落去煲！有解毒作用，好重要。佢話佢囡囡係好返，不過睇新聞又話有唔同類型既濕疹，呢種方法未必岩用。

你可以google下睇下用唔用得著，希望幫到你朋友 加油呀！

試過但沖完 痕到仆街

仲有一樣好重要無講，就係戒口
當年成身好嚴重，有個阿姨叫我食一年翠玉瓜同瘦肉去換血，之後我媽個一年幾乎餐餐都係煮呢兩樣比我食，但當然啦，唔會即時有效，同埋呢一年我有時都會食下其他野食，例如水果，其他款嘅菜，小小牛肉，魚，零食好似極少食，主要食瘦肉同翠玉瓜，其中兩個月都有keep住飲中藥，呢個方法可能好偏或者係我心理作用，但食左一年真係慢慢有改善

濕疹發作期間係咪唔好做運動好d

有人話做運動出汗排毒
但我一出汗條頸就痕到想死
我個醫生就叫我夜晚做運動

睇皮膚科醫生啦
我有2個朋友分別睇旺角黃錫明醫生 同中環陳厚毅醫生睇好左
其中一個有濕疹好多年睇左好耐中醫同普通西醫都冇用
普通西醫淨係識開類固醇

睇過
等左勁耐，又無好轉

分享
一年前我都無啦啦皮膚又痕又紅 一達達 R到出水.
睇左幾間醫生連旺角好出名果間都睇過都唔得.
之後發現原來我接觸到鐵，幾個鐘到就會黎料.
唔知對你有冇幫助 但都分享比你聽. 你生活環境可能有樣野令你敏感. 而我就係突然對鐵敏感 唔接觸佢就會自己好返.

有同感 以前阿哥又係R到流曬血水 一達達黑色咁
戒曬口同乖乖搽藥膏但都一直唔好
阿哥習慣日日都飲勁多茶 係講緊1L以上既份量
上網睇話茶有茶毒 即刻叫阿哥唔好飲
一個月就好左大半 易家已經好翻曬
樓主朋友真係要搵下過敏原 如果搵勁都無就可能真係環境因素嚕...

嚴重患者注意：一切要飲落肚既偏方最好都唔好試住。
試左冇事由自可，刺激到皮膚既傷口，後果你承受唔起。所以我都唔建議睇中醫，中醫只作康復後調理用。

外用既(包括各種沖涼，潤膚/藥膏)
通常外用品即使冇效都好少話會惡化，可以比較放心試，當然方法唔可以過份刺激。
但我曾經中過一個大伏，係何樹勛中醫既七味洗，洗過既地方會爆疹爆瘡極度辛苦唔知我係個别Case定點。

仲有唔好信啲人話，谷曬啲疹出黎就會退，特登食啲野谷佢。呢個方法一唔適用於濕疹，試過你就明。

濕疹一切以舒緩穩定為主。