樓主
我濕疹都好嚴重，人生十八年都應該睇在幾百次西醫。中醫唔啱我睇，因為一係冇q用，一係會令深疹更嚴重。但我每次睇完西醫，食完敏感丸，搽完藥膏，過一排又嚴重返。十八年都返返覆覆。雖然我重未揾到斷尾嘅方法，但我見到你朋友咁慘，我都好心痛，我完全知道佢嘅感受。
我每朝早起身都會成床皮，出水，紅，痛，皮膚乾烈，條頸郁啲就痛，細菌感染極嚴重。嚴重到發燒，而家成身淋巴核都腫起。但嚴重時都係短時間，週期性發作。唔知你朋友係咪長期都咁嚴重。不過真係乾嘅地方要搽cream，感覺都冇咁扯住扯住。
如果真係連類固醇都冇用，真係要揾其他辦法，搽cream保濕係一種。
或者揾其他野做令自己分心，例如打機。以我為例，我係屋企覺得㾗會r，但坐低專心打機又唔會覺得㾗。
仲有，唔好食咁多垃圾食品。以我經驗，我好中意食零食，但發覺食得多零食嘅嗰一排，濕疹會嚴重左，所以都係唔好食咁多。
仲有可以聽下歌，依個作用唔大，但有少少令自已情緒放鬆嘅都對病情有幫助。
作息時間非常重要，作息時間非常重要作息時間非常重要。以我為例，每晚訓覺時間如果相差超過兩個鐘，濕疹會變差。最好每日作息時間同長度一樣。試過玩通宵party room ，原本皮膚好地地，嗰晚之後幾日濕疹都好嚴重。
打住咁多先。
好想識你朋友，始終同病相憐，見你朋友同我嘅濕疹性質都差唔多，只係你朋友比我更嚴重。希望你朋友加油。
共勉之
斷唔到尾 呢把熱都係會出返