孔子童年：明明孔子有個老虎咁好打嘅老豆，點解《史記》話「孔子貧且賤」、係「野合之子」，仲話孔子要將母親嘅棺木泊喺大馬路？

孔子嘅說話，你就聽得多（咩學而時習之／三人行必有我師）。但你有無諗過孔子嘅人生係點呢？最簡單咁問，孔子嘅童年係點？點解《史記》所講嘅野合之子會成為萬世師表？今次，就用十五分鐘嘅時間同你一齊用《史記》回顧孔子嘅童年。

你會發現，孔子嘅故事唔係紙上談兵、議論天地嘅貴族之子。
孔子係聖人，但首先佢係一個有血有肉、從現實掙扎嘅平凡青年。
佢成長於單親家庭，自出生就唔被視為貴族，然後，營營役役、捉住機會，依靠亡母嘅棺木去換取貴族身分。

對於當時人嚟講，孔子嘅行為係壞過凱婷。

一齊睇下，被人稱為「累累若喪家之狗」嘅孔子到底點樣去追夢。

牛哥講經志於編寫廣東話文章以及用廣東話去為香港人講講書本，內容主要有關歷史、政治、哲學。希望每講一本書，唔只做到簡介／推介人去睇呢本書，我更想以我嘅理解去講講呢本書有趣嘅地方、值得反思嘅地方，希望真真正正同大家去了解一本書。用思考，去陪伴你過一小段時間。

近排仲增設youtube，用心製作，有興趣可以睇睇。

牛哥講經Youtube
今集：https://youtu.be/5jXjbnIMBYA?si=JM3_yuZrUWnSglsH
上集：https://youtu.be/tZeSZknMWQ4

牛哥講經Wordpress
（排咗版同加咗啲相，我會不定時修改內容，請以Wordpress版為準）
https://cowgortalk.wordpress.com
依家會將完整文稿放到patreon，大家都可以自由觀看

牛哥講經Podcast
（內容已經製作成Podcast，有興趣可以聽聽）
Apple Podcast: https://podcasts.apple.com/hk/podcast/%E7%89%9B%E5%93%A5%E8%AC%9B%E7%B6%93/id1572447901
Spotify: https://open.spotify.com/show/0yFR7YKUcAhkoEM6HWlJPA?si=A-rx6vM9R1qK0UQNJqC--g
KKBOX: https://podcast.kkbox.com/channel/HXptHA4hSuBHVkYNQU
Google Podcast:
https://podcasts.google.com/feed/aHR0cHM6Ly9hbmNob3IuZm0vcy81ZDZkYTIxMC9wb2RjYXN0L3Jzcw
牛哥講經IG
（歡迎畀comment / 參加投票講邊本書）
@cowgortalk: https://www.instagram.com/cowgortalk
平台連結可以去：https://linktr.ee/cowgortalk

虎父孔紇
要講孔子之前，首先要講講孔子老豆。史書對孔子老豆無太多記載。孔子老豆叫孔紇（音：核）、字叔梁。孔紇家族嘅根源係喺宋國，可以話係宋國嘅大貴族。如果你熟歷史就會知道，宋國即係周王室封畀商朝遺民嘅領土，基於當時國君同貴族多有通婚，睇嚟孔子係有前朝遺民──商人血統，照呢個趨勢，孔紇會繼續喺宋國叱吒風雲。只係，喺孔子出生前160年，宋國發生一場內戰，孔家失勢，被逼離開宋國，其中一支血脈就由宋國走到去魯國安居，於是，孔紇就要喺魯國落地生根。

正所謂虎落平陽被犬欺，宋國大貴族去到魯國，亦自然唔受重視。孔紇只能夠跟住啲魯國大貴族南征北討。史書記載孔紇時又稱作郰紇，將個「郰」字擺喺個名之前，其實就好似依家記黎青龍可以寫成港大黎青龍咁。而郰紇嘅意思係孔紇管理過郰呢個小邑，你當係市長之類。孔紇一生有兩件威水史記錄喺史冊，第一件事就係「孔紇頂城門」。

既來之則安之
既然來到 就安葬於此

《左傳·襄公十年》：晉荀偃、士匄請伐偪陽，而封宋向戌焉。荀罃曰：「城小而固，勝之不武，弗勝為笑。」固請。丙寅，圍之，弗克。孟氏之臣秦堇父輦重如役。偪陽人啟門，諸侯之士門焉。縣門發，郰人紇抉之以出門者。以出門者，狄虒彌建大車之輪，而蒙之以甲，以為櫓，左執之，右拔戟，以成一隊，孟獻子曰，詩所謂有力如虎者也⋯⋯）

話說當時晉國聯合幾個小國（包括魯國）去攻打一個南方小國──偪（音：bik1)陽，魯國大貴族孟獻子就帶住啲小貴族應戰，小貴族又帶住僕人去打仗，呢個係春秋嘅戰爭形式，孔紇亦作為小貴族參與咗呢場偪陽之戰。

偪陽係一個易守難攻嘅小城，所以聯軍只能夠包圍住偪陽但攻唔到入去。呢個時候，偪陽突然打開城門，聯軍見到咁大隻蛤乸隨街跳，即刻衝晒入去，點知原來係一個陷阱，當聯軍嘅先頭部隊衝入去嘅時候，城門就垂直咁樣落閘嚟想困住啲聯軍，落完閘自然要放狗，咁偪陽人就可以嚟一場困獸鬥。唔知道係城門落緊嘅時候定城門已經落地，總之就係孔紇托住個城門等喺城入面嘅聯軍走出去，所以孟獻子就稱讚孔紇係《詩經》入面所講，好似老虎咁大力嘅人。

子不語，怪力，亂神

有本漫畫講孔子又係講到佢好好打

https://www.cup.com.hk/2022/09/23/zhaozilong-ep-150/

諗起依個

不語
但係用怪力可以

照計都真係

好癲線 仲畫得咁認真

個個有錢佬都話白手起家興家，細個家境清貧啦

尤其係靠外父發達嗰堆

Lm

三十而立，一個打三十個先要企起身打

咁春秋戰國係個瘋狂嘅時代
佢白手興家又唔出奇

是 好型

四十不惑，一打四十都毫無猶豫

鐵拳無敵孫中山?
不過孔子應該識開馬車同射箭
唔係文弱書生

第二件威水史就係「三百軍士救權貴」

「秋，齊侯伐我北鄙，圍桃，高厚圍臧紇于防，師自陽關逆臧孫，至于旅松，郰叔紇，臧疇，臧賈，帥甲三百，宵犯齊師，送之而復，齊師去之。」

話說有個叫臧(音：樁）紇嘅貴族被齊軍捉咗，於是孔紇、臧疇、臧賈就組織咗一隊三百人嘅小隊，殺入齊軍，救返臧紇，呢件事之後，齊軍怕怕，仲退埋軍。

嗱，老實講個記載就誇張過小說，托住城門、春秋版戰狼三百（仲要贏咗，人地西方戰狼三百喺溫泉關係覆滅）呢啲記載唔理有無/有幾多水份，但基本可以肯定孔紇好打得之餘，更係好大隻。根據記載，孔紇身高十尺，換算成今日單位就係兩米，喺當時營養不足嘅世界入面，身高兩米明顯就係一個巨人般嘅存在，正正係一個巨人，佢先做到超乎常人所唔能夠理解嘅行為。

六十而耳順係點

係古代中國階級流動嘅大時代

六藝=文武全才

一打六十，打到對面講啱聽嘅說話條氣先順到