2023/2024 Signing
連登阿狗FPL league code:
歡迎大家Join
【冇達波集中唔到精神】阿仙奴23-24球迷討論區 MMCMXX
レックス
1001 回覆
0 Like
3 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
達，攬住我，唔好講野
仲有十日先有達球
為何達波就像半枝煙
愁緒揮不去 苦悶散不去
為何我心一片達波
為何我心一片達波
【 鞋底踩波 唔再只係五人足球或場區球員嘅技巧 】
細細個學踢波嗰陣，通常教練都會叫學生第一下控球唔好用鞋底踩停個波，應該預先諗咗之後去邊先，然後就用腳內檔或者腳外側一控就控向你想移動嘅方向，咁先會快人一步。
到大個咗開始有睇五人足球，就發覺其實鞋底踩波同搓波其實係五人足球入面好常見嘅技巧。因為將鞋底擺喺波頂可以令到個波向 360 度任何方向移動都可以，增加變化性，同時好細動作已經可以令個波移動，而五人足球場咁細嘅空間，最緊要就係動作要夠快，利用最短嘅時間爭取最多嘅空間。
之但係近年腳底踩停個波喺十一人足球入面愈嚟愈常見，使用呢個技巧嘅仲要係中堅甚至守門員。
最常用呢個技巧嘅一定要數曼城守門員艾達臣、白禮頓門將守門員史迪爾 以及阿仙奴門將拉也。呢幾位守門員經常會喺自己半場用鞋底踩停個波，一係等到對方逼到埋身先傳畀隊友，如果對面唔逼，可能真係一路等，令到場波好似完全靜止咁，引來唔少現場球迷鼓譟。
究竟點解佢地要咁做呢？純粹為咗拖慢節奏咁簡單？定係有其他戰術上嘅考量？一齊睇睇以下節錄自 The Athletic 由 Mark Carey 編寫嘅一篇關於守門員用鞋底踩停個波嘅文章，睇下大家可唔可以從中有所啟示。
－－－－
Goalkeepers stood still with the ball at their feet: Dull or an interesting tactical development? (節錄)
・究竟逼定唔逼？好亂呀
時間去返今季英超第十週賽事，熱刺作客以 2:1 擊敗水晶宮一戰當中。65 分鐘當時熱刺仍然以 1:0 領先，水晶宮排出嘅 4-4-2 陣式入面最前面嘅韋曉士以及艾度亞都完全無意慾去逼搶熱刺門將域卡里奧腳下嘅波。
連熱刺中場靴爾堡都做曬手勢叫隊友慢慢嚟，域卡里奧一等再等，最後就簡單橫傳畀羅美路。而呢個情況除咗 65 分鐘，仲喺 61、72、81、88 以及 91 分鐘發生。
話曬熱刺都領先緊，又真係無乜必要咁快將個波運上前場，而且域卡里奧永遠都有三個傳球選擇（兩位中堅以及一位中場），把握呢個人數優勢令水晶宮球員唔敢亂咁浪費體力去逼搶。
其實近年已經有唔少球隊利用球員喺後場用鞋底踩住個波呢個技巧去令球隊更有效地向前場進展。諾域治守門員教練 Paul Clements 表示：「愈嚟愈多球隊開始留意應該點樣逼搶同埋應該幾時揀目標一齊逼搶。咁相反地，控球在腳嘅球隊自然就要考慮點樣破解逼搶。」
「其中一個方法就斬個近波比隊友再組織上去，一係就斬個長波比前場嘅隊友去追，再唔係就引到啲逼搶球員逼得更加緊密，咁你自然有足夠空間猜走個波甚至去打穿佢地嘅逼搶線。」
當你隊波領先緊嗰陣自己隊個守門員踩停個波拖慢節奏就無乜所謂啫，但如果你隊波落後緊，對面守門員咁做就唔同講法。
如果決定去逼搶對面個守門員，就只係幫佢做埋決定傳去邊，亦要冒住失位畀對手破解逼搶嘅風險。如果你唔去唔搶，又間接幫埋對手拖時間，現場睇波嘅自己隊球迷睇見你唔搶亦都肯定會開曬汽水，唔會對你客氣。中立球迷角度亦都唔會支持你，只會覺得個守門員咁樣踩低個波等人逼搞到場波好鬼悶。
－－－－
・回傳例真係解決到浪費時間？
時間再回帶去返 1992 年，當年嘅丹麥國家隊一直比人話就係靠大舒米高嘅回傳大法令到球隊贏得當年嘅歐國盃。因為當年仲未有回傳條例，守門員可以用手接隊友用腳嘅回傳，丹麥只要成功領先就不停用呢個方法去浪費時間，令到比賽變得非常沉悶。而呢屆歐國盃亦都因為咁，成為立回傳例前嘅最後一屆大賽。
回傳例成立就係為咗避免守門員濫用手接波去浪費時間，令比賽速率提升，提升返比賽嘅可觀性。而時間去返今時今日嘅 2023 年，咁多年嚟為咗解決浪費時間，球例都做咗唔少修改，但浪費時間嘅技巧其實仍然未被杜絕，只係你有張良計，我有過牆梯。
相信今屆英超以及 2022 年年尾嘅世界盃當中，大家從補時嘅長度已經知道其實一場波入面浪費咗幾多時間。補咁長時間究竟實際比賽時間有幾多改變呢？由 2018/19 球季去到今個球季，呢五年比賽真正嘅運行時間亦都由以往嘅 55 至 56 分鐘提升至非常接近 60 分鐘。
不過雖然實際比賽時間係長咗，但比賽途中個波靜止嘅時間又有無因為近年嘅反逼搶戰術而增加，變相個波郁緊嘅時間可能不升反跌？
－－－－
・守門員喺反逼搶戰術中嘅角色
近年愈嚟愈多腳下功夫好嘅守門員出現，令到唔少球隊可以好好利用埋守門員製造人數優勢，從而成功破解對方嘅逼搶。而亦都曾經有數據分析得出，一個計劃得好嘅短龍門球，其實比起開長龍門球，控球一隊有更大機會率喺 60 秒內去到對方禁區內掂波。
不過當守門員同一眾隊友喺自己禁區附近慢慢猜波，同對方逼搶球員形成貓捉老鼠嘅局勢，通常球迷們都唔多歡喜。Paul Clements 再道：「通常教練都會叫守門員唔好咁心急咁快傳走個波，等對面逼到埋身先傳，咁先可以有效地破解逼搶。有時賽後會同守門員睇返片，一陣就同佢講如果呢球你等多一陣先傳，咁就對球隊更加好，一陣就話唔係叫佢等到咁耐，左右做人難。」
喺今季阿仙奴對曼城嘅比賽，拉也喺接應加比爾嘅回傳之後，拉也足足用咗 27 秒去搵傳球選擇以及等到適合嘅時機（見到有曼城球員埋嚟搶）先將個波傳畀迪勤懷斯。
自 2018/19 球季後，呢 27 秒已經打破咗一場英超比賽入面守門員等得最耐先做下一個行動最長嘅紀錄。而呢個排名嘅頭十位入面，有五個時間紀錄都係今季比賽入面錄得，而今季英超踢咗一半都未夠。
阿迪達表示：「球迷可以開我汽水，因為我覺得拉也做得好好。拉也有一個大心臟，聽住咁多現場球迷嘅聲音都仍然可以執行到我嘅戰術。唔係個個球員都做到，有啲頂唔住壓力就開始亂咁踢走個波，所以我同拉也講你唔可以咁。」
－－－－
・踩停個波究竟為比賽帶嚟啲乜？
雖然有啲球迷都會覺得咁樣係好刺激，因為當守門員傳失一刻，入波就會就好大，球迷都係想睇入波啫係咪？
例如之前白禮頓對般尼茅夫一戰當中，白禮頓門將華布根接應達賀特嘅回傳之後，見到附近四位隊友都比對手人盯人睇實，咁佢就慢慢推前個波。7秒之後，般尼茅夫嘅基士堤決定去逼華布根，華布根心急下本身想 chip 個波去遠少少嘅隊友到，但被企喺中間蘇蘭基搶到，並成功射入空門。
五至十年前呢啲入球出現嘅機會微乎其微，不過白禮頓教練迪沙比話佢並唔會要求佢嘅守門員改變踢法，令到佢嘅守門員得到更大嘅信心，放心繼續沿用一直嘅控傳踢法。
Clements 表示：「守門員喺場內就係要不停做決定，佢地喺球場上面個位置睇到嘅嘢以及空間感同我地喺後備席或者觀眾席見到嘅好唔同。」
球迷角度，每個人都有佢睇波嘅原因。有人鐘意睇戰術比拼，亦有人淨係想睇一場刺激嘅比賽。但相信大家都會認同嘅，就係大家都想見到個波一路移動緊，唔會想見返 1992 年歐國盃嘅景象。
即使守門員用鞋底踩停個波有唔少戰術上嘅好處，不過相信大眾仍然會繼續就住呢個行為去討論，咁樣究竟對睇波嘅中立球迷係一件好事定係壞事呢？
－－－－
。結論
以往成日都聽到唔少球迷一見到守門員等到對手真係逼到埋身先傳走個波，然後就話「喂 唔好玩啦」，只會覺得個守門員純粹想賣弄腳法，同埋無諗清楚傳畀邊個。
而其實事實多數正正都係相反，就係佢地好清楚球隊需要佢嘅腳法去幫助球隊保持控球權並向前推進。亦都係教練對佢地有信心，知道佢地夠冷靜等到最佳時刻先傳個波比隊友，等對方逼搶撲空浪費體力。
如果隊友回傳之後，明明對手都未逼到埋嚟守門員就心急傳返比場區隊友，其實只會令到一眾隊友繼續變返最少要一對一嘅情況，咁使乜用埋個守門員去傳波咩？
當然對手如果知道守門員腳法有返咁上下，可能真係會好似上屆歐聯決賽咁，哥迪奧拿直接叫球員唔好嘗試逼奧拿拿，等佢推到上嚟真係無得揀一定要傳先去搶。當對家守門員又真係咁冷靜同你慢慢嚟，中立球迷角度確係會睇到發呆，但相信每隊球隊為咗贏都會無所不用其極，你話佢錯咩？又好似唔係。
而非中立球迷呢？相信領隊或者守門員就可以學劉華講返聲「你想過足癮輸，定係想悶悶地贏？」
－－－－
Goalkeepers stood still with the ball at their feet: Dull or an interesting tactical development? - Mark Carey
https://theathletic.com/5027979/2023/11/07/goalkeepers-ball-at-feet-premier-league/
#守門員 #Goalplayer #Goalie #Goalkeeper #GKUnion
細細個學踢波嗰陣，通常教練都會叫學生第一下控球唔好用鞋底踩停個波，應該預先諗咗之後去邊先，然後就用腳內檔或者腳外側一控就控向你想移動嘅方向，咁先會快人一步。
到大個咗開始有睇五人足球，就發覺其實鞋底踩波同搓波其實係五人足球入面好常見嘅技巧。因為將鞋底擺喺波頂可以令到個波向 360 度任何方向移動都可以，增加變化性，同時好細動作已經可以令個波移動，而五人足球場咁細嘅空間，最緊要就係動作要夠快，利用最短嘅時間爭取最多嘅空間。
之但係近年腳底踩停個波喺十一人足球入面愈嚟愈常見，使用呢個技巧嘅仲要係中堅甚至守門員。
最常用呢個技巧嘅一定要數曼城守門員艾達臣、白禮頓門將守門員史迪爾 以及阿仙奴門將拉也。呢幾位守門員經常會喺自己半場用鞋底踩停個波，一係等到對方逼到埋身先傳畀隊友，如果對面唔逼，可能真係一路等，令到場波好似完全靜止咁，引來唔少現場球迷鼓譟。
究竟點解佢地要咁做呢？純粹為咗拖慢節奏咁簡單？定係有其他戰術上嘅考量？一齊睇睇以下節錄自 The Athletic 由 Mark Carey 編寫嘅一篇關於守門員用鞋底踩停個波嘅文章，睇下大家可唔可以從中有所啟示。
－－－－
Goalkeepers stood still with the ball at their feet: Dull or an interesting tactical development? (節錄)
・究竟逼定唔逼？好亂呀
時間去返今季英超第十週賽事，熱刺作客以 2:1 擊敗水晶宮一戰當中。65 分鐘當時熱刺仍然以 1:0 領先，水晶宮排出嘅 4-4-2 陣式入面最前面嘅韋曉士以及艾度亞都完全無意慾去逼搶熱刺門將域卡里奧腳下嘅波。
連熱刺中場靴爾堡都做曬手勢叫隊友慢慢嚟，域卡里奧一等再等，最後就簡單橫傳畀羅美路。而呢個情況除咗 65 分鐘，仲喺 61、72、81、88 以及 91 分鐘發生。
話曬熱刺都領先緊，又真係無乜必要咁快將個波運上前場，而且域卡里奧永遠都有三個傳球選擇（兩位中堅以及一位中場），把握呢個人數優勢令水晶宮球員唔敢亂咁浪費體力去逼搶。
其實近年已經有唔少球隊利用球員喺後場用鞋底踩住個波呢個技巧去令球隊更有效地向前場進展。諾域治守門員教練 Paul Clements 表示：「愈嚟愈多球隊開始留意應該點樣逼搶同埋應該幾時揀目標一齊逼搶。咁相反地，控球在腳嘅球隊自然就要考慮點樣破解逼搶。」
「其中一個方法就斬個近波比隊友再組織上去，一係就斬個長波比前場嘅隊友去追，再唔係就引到啲逼搶球員逼得更加緊密，咁你自然有足夠空間猜走個波甚至去打穿佢地嘅逼搶線。」
當你隊波領先緊嗰陣自己隊個守門員踩停個波拖慢節奏就無乜所謂啫，但如果你隊波落後緊，對面守門員咁做就唔同講法。
如果決定去逼搶對面個守門員，就只係幫佢做埋決定傳去邊，亦要冒住失位畀對手破解逼搶嘅風險。如果你唔去唔搶，又間接幫埋對手拖時間，現場睇波嘅自己隊球迷睇見你唔搶亦都肯定會開曬汽水，唔會對你客氣。中立球迷角度亦都唔會支持你，只會覺得個守門員咁樣踩低個波等人逼搞到場波好鬼悶。
－－－－
・回傳例真係解決到浪費時間？
時間再回帶去返 1992 年，當年嘅丹麥國家隊一直比人話就係靠大舒米高嘅回傳大法令到球隊贏得當年嘅歐國盃。因為當年仲未有回傳條例，守門員可以用手接隊友用腳嘅回傳，丹麥只要成功領先就不停用呢個方法去浪費時間，令到比賽變得非常沉悶。而呢屆歐國盃亦都因為咁，成為立回傳例前嘅最後一屆大賽。
回傳例成立就係為咗避免守門員濫用手接波去浪費時間，令比賽速率提升，提升返比賽嘅可觀性。而時間去返今時今日嘅 2023 年，咁多年嚟為咗解決浪費時間，球例都做咗唔少修改，但浪費時間嘅技巧其實仍然未被杜絕，只係你有張良計，我有過牆梯。
相信今屆英超以及 2022 年年尾嘅世界盃當中，大家從補時嘅長度已經知道其實一場波入面浪費咗幾多時間。補咁長時間究竟實際比賽時間有幾多改變呢？由 2018/19 球季去到今個球季，呢五年比賽真正嘅運行時間亦都由以往嘅 55 至 56 分鐘提升至非常接近 60 分鐘。
不過雖然實際比賽時間係長咗，但比賽途中個波靜止嘅時間又有無因為近年嘅反逼搶戰術而增加，變相個波郁緊嘅時間可能不升反跌？
－－－－
・守門員喺反逼搶戰術中嘅角色
近年愈嚟愈多腳下功夫好嘅守門員出現，令到唔少球隊可以好好利用埋守門員製造人數優勢，從而成功破解對方嘅逼搶。而亦都曾經有數據分析得出，一個計劃得好嘅短龍門球，其實比起開長龍門球，控球一隊有更大機會率喺 60 秒內去到對方禁區內掂波。
不過當守門員同一眾隊友喺自己禁區附近慢慢猜波，同對方逼搶球員形成貓捉老鼠嘅局勢，通常球迷們都唔多歡喜。Paul Clements 再道：「通常教練都會叫守門員唔好咁心急咁快傳走個波，等對面逼到埋身先傳，咁先可以有效地破解逼搶。有時賽後會同守門員睇返片，一陣就同佢講如果呢球你等多一陣先傳，咁就對球隊更加好，一陣就話唔係叫佢等到咁耐，左右做人難。」
喺今季阿仙奴對曼城嘅比賽，拉也喺接應加比爾嘅回傳之後，拉也足足用咗 27 秒去搵傳球選擇以及等到適合嘅時機（見到有曼城球員埋嚟搶）先將個波傳畀迪勤懷斯。
自 2018/19 球季後，呢 27 秒已經打破咗一場英超比賽入面守門員等得最耐先做下一個行動最長嘅紀錄。而呢個排名嘅頭十位入面，有五個時間紀錄都係今季比賽入面錄得，而今季英超踢咗一半都未夠。
阿迪達表示：「球迷可以開我汽水，因為我覺得拉也做得好好。拉也有一個大心臟，聽住咁多現場球迷嘅聲音都仍然可以執行到我嘅戰術。唔係個個球員都做到，有啲頂唔住壓力就開始亂咁踢走個波，所以我同拉也講你唔可以咁。」
－－－－
・踩停個波究竟為比賽帶嚟啲乜？
雖然有啲球迷都會覺得咁樣係好刺激，因為當守門員傳失一刻，入波就會就好大，球迷都係想睇入波啫係咪？
例如之前白禮頓對般尼茅夫一戰當中，白禮頓門將華布根接應達賀特嘅回傳之後，見到附近四位隊友都比對手人盯人睇實，咁佢就慢慢推前個波。7秒之後，般尼茅夫嘅基士堤決定去逼華布根，華布根心急下本身想 chip 個波去遠少少嘅隊友到，但被企喺中間蘇蘭基搶到，並成功射入空門。
五至十年前呢啲入球出現嘅機會微乎其微，不過白禮頓教練迪沙比話佢並唔會要求佢嘅守門員改變踢法，令到佢嘅守門員得到更大嘅信心，放心繼續沿用一直嘅控傳踢法。
Clements 表示：「守門員喺場內就係要不停做決定，佢地喺球場上面個位置睇到嘅嘢以及空間感同我地喺後備席或者觀眾席見到嘅好唔同。」
球迷角度，每個人都有佢睇波嘅原因。有人鐘意睇戰術比拼，亦有人淨係想睇一場刺激嘅比賽。但相信大家都會認同嘅，就係大家都想見到個波一路移動緊，唔會想見返 1992 年歐國盃嘅景象。
即使守門員用鞋底踩停個波有唔少戰術上嘅好處，不過相信大眾仍然會繼續就住呢個行為去討論，咁樣究竟對睇波嘅中立球迷係一件好事定係壞事呢？
－－－－
。結論
以往成日都聽到唔少球迷一見到守門員等到對手真係逼到埋身先傳走個波，然後就話「喂 唔好玩啦」，只會覺得個守門員純粹想賣弄腳法，同埋無諗清楚傳畀邊個。
而其實事實多數正正都係相反，就係佢地好清楚球隊需要佢嘅腳法去幫助球隊保持控球權並向前推進。亦都係教練對佢地有信心，知道佢地夠冷靜等到最佳時刻先傳個波比隊友，等對方逼搶撲空浪費體力。
如果隊友回傳之後，明明對手都未逼到埋嚟守門員就心急傳返比場區隊友，其實只會令到一眾隊友繼續變返最少要一對一嘅情況，咁使乜用埋個守門員去傳波咩？
當然對手如果知道守門員腳法有返咁上下，可能真係會好似上屆歐聯決賽咁，哥迪奧拿直接叫球員唔好嘗試逼奧拿拿，等佢推到上嚟真係無得揀一定要傳先去搶。當對家守門員又真係咁冷靜同你慢慢嚟，中立球迷角度確係會睇到發呆，但相信每隊球隊為咗贏都會無所不用其極，你話佢錯咩？又好似唔係。
而非中立球迷呢？相信領隊或者守門員就可以學劉華講返聲「你想過足癮輸，定係想悶悶地贏？」
－－－－
Goalkeepers stood still with the ball at their feet: Dull or an interesting tactical development? - Mark Carey
https://theathletic.com/5027979/2023/11/07/goalkeepers-ball-at-feet-premier-league/
#守門員 #Goalplayer #Goalie #Goalkeeper #GKUnion
下次改例就守門員控球唔可以超過6s
上次公布咗VAR錄音之後而家有咩跟進？
隨時不太高興將那英超放一邊
以後唔錄音
啲飛有冇咁難買
All in 中場 傻狗死返上前面打前鋒咪算9數
一月派狗應該要躝了
咩飛
睇達波
飛雷神之術。
講到底咪就係隊隊都唔想失波先, 然後重兵防守打反擊唔出黎
想入波多咪改禁區唔准多過5個防守球員囉, 上季初咁鬥攻好呀
想入波多咪改禁區唔准多過5個防守球員囉, 上季初咁鬥攻好呀
冇跟進
我覺得表現唔相差太遠，佢就係個種六角形球員，咩都有少少，但無一樣係最亮眼，但我牙達可以令佢進步
神的不在場證明。