以下將會盡量解答呀~ 巴 (?) 提出嘅問題，不過請原諒樓豬有啲位唔可以劇透住，亦有啲位係為咗推進樓豬自己鍾意嘅劇情而 Kamchuria 扭橋鳩寫...
Here We Go! (Fabrizio Romano 上身 sor)
//
所以回答唔到中國嘅政制係你個故事變成點樣，就好難架空咁合理化點解香港仲可以保持喺帝國入邊嘅版圖同埋維持經濟繁榮（搞到2004奧運會），同埋不能係民主定係專制嘅中國？大漢族主義喺十九世紀末嘅抬頭點樣都會令到中國內部有相當一部份嘅政治家同埋人民希望直接統治香港，英國點樣處理漢族民族主義？//
故事第二同第四季將會對中國s 有進一步描述，而第三季就主要會喺香港同埋英格蘭發生，且容許樓豬賣個關子 。
哦，係呀，中國有 “s” 架，你冇睇錯我都冇打錯，因為有兩個。
(提示：請參閱黎得志元帥嘅註解)
//
同埋如果一次大戰之後嘅英國外交政策變成咁樣，一心作為英國同法國復仇工具嘅凡爾賽條約嘅懲罰力度咪會收細左？同埋戰爭早啲結束，即係死亡人數少咗，雙方仇恨咪相對低啲？咁咪令到戰後納粹主義抬頭嘅可能性降低？//
<凡爾賽條約> 落咗蝴蝶網，所以同原時空基本上一樣。
//
咁呢個一次大戰之後德國，係唔係仲係第二帝國？定係出現咗共和國形態？同埋會唔會好似凡爾賽條約咁樣嚴重限制關閉？定係好似對二戰後嘅聯邦德國咁，將德國作為面對着布爾什維克主義嘅中歐盾牌？//
一戰後德國仍然係仆大街，極右民族主義照樣崛起，所以一樣會係納粹黨上台。
(冇錯，樓豬再度懶過西，又落咗蝴蝶網。)
初稿其實有 plan 過鬍鬚仔成功做到個唔嗲唔吊嘅畫家或者戰死，而二戰嘅德國元首就會由保克做 (
https://en.wikipedia.org/wiki/Oswald_Boelcke)，但最後都係決定落蝴蝶網就算。
杜爾派解釋: 二戰嘅德國唔可以太 OP，否則盟軍唔夠打，需要元首同埋納粹黨 nerf 一 nerf 佢。
//
同埋點解波蘭好似比歷史上強大咁多咁？佢喺二次大戰嗰陣有冇好似現實世界咁樣俾人18日亡國？//
本時空嘅波蘭二戰開局有啲位仲慘過原時空，但完 game 嗰陣就係聲大大嘅戰勝國。
蘇聯同德國由 1939年9月1號開始就已經夾鳩波蘭，而唔係好似原時空咁等到17號先開戰。亦因為咁，波蘭政府更早察覺局勢陷包散，提早下令疏散，於是有更多波蘭軍人同埋平民 (仲有成個國庫) 逃出德/蘇軍魔爪，無形中避免咗原時空嘅卡廷森林慘案 [1]，安德士兵團亦冇出現 (喺熊騎兵維德嘅註解有提及)。
但有得就必有失，本時空嘅華沙圍城戰更加慘烈，Holocaust 期間亦有更多波蘭人入咗集中營被殺。
戰爭期間，(起碼)十幾萬自由波軍喺歐洲各個戰場立下赫赫戰功，造就波蘭喺停戰後嘅談判中以戰勝國身份成功攞返被蘇聯短暫佔領嘅東部 (即係原時空白羅斯+烏克蘭西部地區，包括利沃夫)，不過德國就保得住東普魯士以外嘅奧德河東岸領土。
就係咁，冇經歷過共產統治嘅波蘭成為冷戰對蘇聯/俄羅斯嘅其中一道屏障，綜合實力至少勁過原時空六成半。
[1] 卡廷森林慘案殺咗大量當時嘅波蘭社會精英，而本時空佢哋仍然在生，戰後佢哋喺各行各業繼續為波蘭民族偉大復興 (
) 作出貢獻。
//
如果係咁，咁點解仲會有第二次世界大戰呢？1929年嘅華爾街崩盤仲有冇發生？ 30年代嘅美國經濟係唔係比現實世界之中崩潰得更加犀利，直到一個程度係極左或者極右主義抬頭，甚至內戰？//
大蕭條照舊有 (又係蝴蝶網
)，不過美國本身二零年代經濟已經冇原時空咁強勁 (俾樓豬夾生 nerf 咗)， 於是崩潰起上嚟就更加慘，再加上 1932年大選有賄選嫌疑
(順帶一提，FDR 好早已經病死咗，1932 年大選暫定係 Herbert Hoover (R) vs. Al Smith (D))，於是爆發內戰；美共最終贏咗 (樓豬開外掛)，大量美國人流亡加拿大及世界各地。
//
咁如果納粹唔係作為頭號敵人，呢個時空嘅英國人點樣同布爾什維克主義抗衡呢？//
呢個會擺落 <二戰簡史>，暫定第一季季尾出，敬請期待。
//
非常欣賞你有建立世界觀嘅格局，我自己寫故事都做唔到，最多都係基於現實社會去做一啲改動，但係唔會郁到歷史。//
因為樓豬蒲開
alternatehistory.com，嗰班人玩平行世界觀仲癲過我。
//
同埋愛爾蘭雖然冇內戰，但係1860年饑荒留低嘅歷史傷痕，同埋天主教同新教徒之間的衝突，又會用咩方式呈現呢？老實講我唔係好睇到和平嘅可能性，最多都係河水不犯井水。//
咁樣講啦，樓豬開 buff 都係拆唔晒啲彈嘅，只係用真.高度自治 (有找數) 將雙方最極端/勇武嘅一堆邊緣化/地下化咗。
政治上，用個唔恰當嘅比喻，本時空 Sinn Fein 算係本土自決派，大概同原時空加拿大嘅 Bloc Quebecois (1980-1990 年代) 差唔多；本時空 Fianna Fail 算係偏獨派嘅和理非；而本時空 Fine Gael 係有腰骨嘅本地建制派。至於愛爾蘭共和軍 (IRA) / 保衛奧斯特協會 (UDA) 呢類獨派/統派組織就踏上清初天地會後塵，慢慢變成黑幫 (或者可以話係俾愛爾蘭黑幫慢慢同化) 甚至恐怖組織。
//
仲有你喺一開頭嗰陣講過，故事有類似伊斯蘭國嘅極端原教旨瓦哈比派組織存在，但係呢一啲組織興起，都係因為英國同法國人刻意咁樣拆開舊嘅鄂圖曼領土，令到什葉遜尼兩派之間互相爭鬥。冇呢個歷史背景，同埋冇蘇聯二戰後對阿拉伯民族主義國家嘅援助，諷刺地加上中情局喺巴基斯坦同阿富汗訓練嘅聖戰士，現代伊斯蘭聖戰運動係好難抬頭喎，咁你又點解釋點解最後都係出現咗類似伊斯蘭國嘅團體呢？我越睇你個世界觀就引伸左越多問題想搞清楚//
極端伊斯蘭恐怖份子劇情將會喺 (暫定) 第六、(暫定) 第七同 (暫定) 第八季發生，敬請期待。
(提示：本季第一、二章有提到內志王國)
而家可以講講鄂圖曼帝國嘅下場。
由於 [唔劇透得住，下一章會講少少]，包人富 鮑延富宣言 Balfour Declaration 同沙吉士-碧高條約 (Sykes-Picot Agreement) 都冇發生。如前所述，一戰後嘅鄂圖曼帝國仍然逃唔過被分割嘅命運，不過分割出嚟嘅國家版圖就非常唔同 (地圖後上，俾住文字描述先)...
- 黎巴嫩共和國 Republic of Lebanon (同原時空一樣)；由民選政府統治
- 漢志王國 Hashemite Kingdom of Hejaz (原時空領土 + 原時空約旦西南一部份 + 原時空以色列南部 + 原時空加沙地帶)；由哈舒邁王朝 (直系) 統治
- 艾札斯華王國 Kingdom of Al-Jazira (原時空約旦其餘領土 + 原時空以色列北部連耶路撒冷 + 原時空約旦河西岸 + 原時空敘利亞西大部份 + 原時空伊拉克西部)；由哈舒邁王朝 (旁系 #1) 統治
- 亞美尼亞共和國 Republic of Armenia (原時空領土 + 原時空納卡 “共和國” 1994 年領土 + 原時空阿塞拜疆納基凡地區 + 原時空凡湖北岸 + 原時空土耳其東北部，西至特拉布宗)；由民選政府統治
- 庫德共和國 Republic of Kurdistan (原時空伊拉克庫德自治區 + 原時空伊拉克尼尼微省 + 原時空伊拉克杜浩克省 + 原時空伊朗庫德斯坦 + 原時空羅札華 aka 東北敘利亞自治區 + 原時空凡湖南岸 (唔包括被劃歸本時空亞美尼亞嘅部份))；由民選政府統治
- 伊拉克王國 Kingdom of Iraq (原時空伊拉克領土減走上述被劃歸其他國家嘅部分)；本身由哈舒邁王朝 (旁系 #2) 統治，後來被共產伊朗背後煽動嘅軍人政變拉落台，再俾由英國支持嘅 拉舒福 賴清德 賴書德王朝反政變上台，統治到而家
- 原時空土耳其歐洲部份以及施敏納地區 (原時空土耳其伊茲密) 劃歸希臘；馬摩拉海兩岸 (包括伊斯坦堡) 由英國、法國、希臘三國共管，二戰後經公投表決歸希臘
，所以本時空嘅一戰短咗好多，用少好多錢；連帶西班牙流感都冇咁勁，死少好多人，戰後生產力亦較快恢復。
!) 初初有平行時空呢個念頭嘅時候，主要係想 FF 一個比原時空好少少 (或者多多?) 嘅香港 
，而呢個虛構嘅香港如果要成功，我嘅判斷係唔可以由中國政府管治 (無論係國民黨抑或共產黨)，否則我直接話 "國家好香港好，一國兩制行穩致遠" 已經完得 
。
廣州帝國公主？
