醫療保問題（各年齡層嘅人可唔可以講吓你地諗法）

新式危疾所謂嘅好處，其實根本只係保險公司用好多話術去包裝，令到你覺得好抵

有幾個原因，我自己只會買"非儲蓄型危疾"

1. 如果你只係20 - 40 歲，其實你會中危疾個堆病嘅機會係好細 (唔好話新聞有邊個中咗無錢醫好慘，機率嚟講只係極細，如果你咁都覺得自己會中，應該同時相信自己會中六合彩）

2. 假如你係40歲打後中，基本上你而家買嘅危疾額係絕對追唔上醫療通脹，換言之你第日真係需要呢筆錢救命係絕對唔會夠用，除非你買極大額啦

3. 機會成本問題：假如你有咁嘅閒錢買大額，不如拎同一舊錢去月供etf, 食水比起保險公司幫你投資少極多，以同樣供款周期嚟講（just say 10年），你投資滾到嘅錢必然大過你用同一舊錢供危疾大好多，而且靈活性大好多

4. 咁你話，你真係好驚中危疾，咁你直接買一份非儲蓄型嘅危疾就可以，如果一樣額，非儲蓄型（或者有啲人叫消費型啦）只係儲蓄型嘅10份1或以下，講緊30歲左右都係200蚊鬆啲就買到100萬，儲蓄型就需要超過2000 蚊一個月

5. 真係再驚，其實你買份要墊底費嘅高端住院都好，都係講緊每月500 - 700, 講緊每年已經包你500 萬醫療費（或以上）

6. 保險公司或者agent 最鐘意sell 嘅，就係話你到時候供完無用到，可以拎返曬筆錢，但係好多係講緊需要25 - 30 年以上，到時你拎返呢舊錢，個實際購買力我諗得返唔夠一半，而呢一半你損失嘅購買力，其實就係保險收嘅「費用」

7. 你話驚癌症會復發唔夠錢醫？直接買份3-4 倍保額嘅非儲蓄式危疾，你一中cancer 收到嘅錢已經多過你要復發3次先收到嘅賠償，保費仲平好多。你話驚啲病唔包，所以要買儲蓄式危疾？想要醫藥費就乖乖地買份高端住院啦，儲蓄式危疾槓桿得2-3倍架渣，除非你第一年買就中啦，不過通常呢啲case 保險公司唔會比你咁簡單claim 到

當然，如果你係懶到出汁，每月搵十幾萬唔愁錢，再加埋每個月㩒個制月供etf 都唔肯做，啲錢只係擺係銀行，咁你可以買儲蓄式 / 新式危疾嘅 畢竟你多錢到唔介意損失呢筆錢潛在嘅7%+ 回報加30 年嘅購買力損失

利申：前保險agent, 已經無做好耐

其實我就咁睇落你似係講緊醫療融資
講白啲係儲蓄保
唔一定要10年， 1年、5年、18年都得
公司個system 有得揀你想幾時開始攞錢黎供醫療保
心急既供5年，第6年就開始每年攞啲出黎都得

你問我伏定唔伏， 好耐以前果啲plan 就好_伏（特別係英x保x隻雋x伏到出晒名），但近幾年多左保監做監管， 所有公司既儲蓄保既紅利實現率都派得幾足，大多數公司都派緊around 95 -105% 既紅利

唯獨要留意嘅係分野係派 *週年紅利* 定係 *歸原紅利* 2者差好遠

1邊係你每年穩定收錢/可以唔攞繼續碌大嚿錢

另1邊係就算間公司話份野可以攞100蚊， 到你攞錢既時候先知會攞到幾多， 相對冇咁穩陣

咁用佢嘅融資有咩風險？
會唔會到時加保費
或實現率不足
供斷咗融資我仲要每年交醫保咁

同富衞果個啲手續費行政費係點？
果個融資要唔要我揀投資選項

Ching 你應該大概25歲？

如果你唔想煩既話就直接揀0自付尊衛您啦， 簡單直接啲， 不過保費相對會易衛+250k自付尊衛貴少少

Cigna 就主打用網絡醫生+ 冇agent follow ， 有事既話只可以星期1-5 既office hour 搵佢地啲care manager 幫手

同埋C記重有公務員discount咩， 我係佢個網到搵左勁耐都搵唔到，只係見到啲去到23年6月底既promotion leaflet

只能夠話fwd部份agent唔可信，只係為咗開單，唔會care客人claim唔claim到

有小病大病 咁中病呢？

大家點睇Bowtie
CP值好高

Ching 你講既都有道理， 不過反而我咁睇：

1） 我自己會prefer 儲蓄+非儲蓄2樣同時進行
我buy你買重第一次中果個額呢個point ， 但中完第一次，係咪真係個個都確保自己中完之後啲錢唔會亂咁用 + 會留黎just in case 復發果陣先用？ 買非儲蓄危疾， 中1次之後就冇乜機會再買其他危疾保， 個人覺得個風險有少少過大，安全少少做晒2樣，就算再中都會有啲錢攞得番先

2）投資唔=賺硬
投資唔係唔好， 你靠etf 搵到姐， 唔代表人地都得嘛， 衰啲咁講最差情況係可以輸晒啲錢， 但保單係有法律規管嘅合約黎，起碼唔會輸到爆廠先

3） 非儲蓄成份續保保費全部都係非保證
非儲蓄成份危前期緊係平啦， 但保險公司既leaflet 入面會寫到明保費加幅係玩緊非保證，姐係加幅加幾多冇人會知，就算而家話將來要A呢個數續保， 將來都可以變

反而有儲蓄成份係寫到明唔會係你續保果陣突然間加你保費，起碼買左都大概會知自己total 要比幾多錢先

4） 有儲蓄成份既危疾入面係有保費豁免條款
如果賠咗保額嘅100%，之後係唔洗再交保費，如果覺得年紀唔大就覺得唔需要買定危疾， 只係因為你好彩冇事姐，唔係個個都咁好彩， 下下都奶左野先黎後悔咩

呢度講既融資其實係名黎， 可以係退休基金、旅行基金，、醫療融資、保費融資 呢啲都得

真身係儲蓄保黎， 保費你自己揀咗A就係A， 唔會中途有變動， 除非你減額（只可以中途減，冇得中途加）

實現率不足反而有機會遇到，睇下sell你果個老唔老實啦， 正常係要講清楚 最高同最低既數既 同埋近呢幾年既儲蓄，每間公司條數都唔會差得去邊， 大多數都95%以上實現率，不過都係果句： 留意清楚佢係唔派咩紅利比你

醫保保費率行非保證既， 供斷個融資之後主要睇2樣野：
1）你自己儲落個pool 係幾多，夠唔夠cover 醫保/其他保險條數 ， 目標係cover 到幾歲
2）你買果份醫保多唔多人買， 個pool 夠唔夠大，會唔會太少人買搞到要加保費

冇手續費/行政費架， 佢唔係投資相連產品/ 基金 /mpf 呢啲野，冇任何投資選項需要揀

咁撚癲咁你都幾唔好彩，遇唔到個好既，同埋個agent 係唔識既？

冇agent 跟、你唔熟啲條款既會難搞少少、睇醫生/入院果陣講錯野會好易claim 唔到、有事果陣屋企人唔知點幫你， 通常都係呢啲

經歷過agent 不停轉同孤兒單, 最終都係要自己搞

就係識我識佢條女，不過而家佢哋散咗，我要郁佢都無後顧之憂

最初個agent 係Fd ,做左冇耐就走？

通常如果係公司轉agent俾你既， 新agent會少啲理你，因為佢係冇錢收

要幫手既出聲， 要跟好易

仲做緊

不過問心講，而家信唔過agent，你都好難要人信一個連登識嘅人要有track record先可信

最初agent 係朋友,之後不停轉新agent
有幾次轉完會打黎傾下計,介紹下新PLAN. 但無咩人做得長

另外好多agent經驗唔夠,就算睇醫生前佢地都要問問佢地上司意見同醫生應該點對答.

我自己係墊25k既半私家plan

主要係因為細病自己俾到錢醫（本身都冇咩病痛）

有大病先用份保險

所以25k墊底對我嚟講係ok

反正25k以內既病我醫得起（仲有公司保險cover少少）

大病就有份半私家頂

咁如果唔買保險有咩事自己比錢做檢查得唔得？
唔識公立流程，
但如果我係私院檢查到大病cancer，公院會唔會照拖？

一年一次body check around $4000都幾全面
啲癌症測試都係千幾蚊一次，之前做鼻咽癌測試好似幾百蚊就得，7日內拎report

其實我初初都有咁諗。
做檢查喺私家自費
做完就去公立醫
但都係等咖咋

喺私立有錢有保險
就乜都快做