(繼續LIVE) (AV女優 Event遊記) 喺東京逗留一個月，可以見到幾多個女優？

因為無係po2留言就唔知會有po2存在

近排至愛

有延續方便追post d

你開過新又要重新bookmark

同埋其實係 d 人爆 po 唔知啫。
有延續主題係方便 d 架。

雖然拍過FC2 無碼依然正

你真係識講笑. google 一下 朋友

其實係咪姐係依個素人

仲未有更新？

今晚夜啲頭先有少少意外

慢慢

繼續講返早幾日嘅行程

見完未歩なな之後，亦正式踏入我喺東京嘅第三個禮拜，心態上已經有種日本當地人嘅感覺我自己性格係比較痴家嘅人，之前去旅行去到咁第三第四日，就會有少少想快啲返屋企嘅念頭今次唔知係咪逗留嘅時間好長，同埋每晚都喺同一個地方過夜，嗰種「旅居」嘅感覺越嚟越似「定居」。

唔知返到香港之後，我會幾耐先習慣返呢

而家已經開始有啲唔捨得了。

今日只有一個活動就係去年葵司間事務所「8manpro」搞嘅寫真展，叫做「8woman写真展」地點喺渋谷。


（地點唔算難搵，渋谷站行上地面過條天橋就到。）

正如之前所講，呢個聲稱係sell晒八條囡嘅寫真展，其實好明顯係用另外嗰七個去襯托葵司一個寫真展由10月31號開始，每日都會有唔同嘅女優落去企場，葵司嘅schedule係1,3,5,7,12/11，我自己暫時嘅決定係1號同埋12號都會落去見一見佢。



寫真展免費入場，而個場地都唔係好大，10分鐘唔駛就可以睇晒入面除咗指定嗰兩張大相之外，其他相都唔可以影，工作人員見到你影會叫你del咗張相



（會場只有呢兩張相可以影，入面其中一張就係呢張類似Wonder Woman主題嘅相，燈光除咗打落幅相之外仲有打落地下啲火度，現場睇個效果幾特別。）

咁啲女優企場又有咩做呢？答案就係等你買寫真展入面啲相，最低消費三萬円，買完女優會喺張相度簽名，再加會過嚟同你傾幾句計，同埋會有一張合照


（題外話有個葵司嘅加拿大FANS，鬼佬嚟，聽講只要係葵司喺寫真展出席嘅日子，每日都至少會買佢一張相）

葵司啲相係特別貴嘅，最平嘅都要¥44,000，我又冇咩興趣買相所以本來諗住今晚淨係過嚟打個卡，將上個禮拜去輕井澤買嘅朱古力交俾工作人員，叫佢哋拎入去俾葵司就算點知工作人員同我講，可以買現場嘅寫真集，葵司會即場簽名，咁你就可以同到佢傾到幾句計我即刻表示：




: 吖！又係你。
: 呢個…我上個禮拜去輕井澤觀光嗰陣買嘅朱古力，今次專登買嚟送俾你。
: 你真係好，你去咗幾耐輕井澤？
: 去咗一日喳唔夠時間去耐啲。
: 原來係咁。
: 今年寫真展啲相好靚。
: 你最鐘意邊張？
: 我鐘意你著白色衫，影半身嗰張。
: 嗰張我都好鐘意。

大致上就係咁樣傾到幾句，都夠㗎喇其他人買幾萬円都係傾到5分鐘，買得嗰幾千円寫真集有幾句俾你傾你仲想點


（當日嘅靚晚係秋葉原Yodobashi 8樓一間食燒魚嘅定食餐廳，質素普普通通。）
（越後屋平次 東京都千代田区神田花岡町1-1 ヨドバシAkiba 8F）

11月2號，今日又係只有一場event，不過都要早起身，原定有位台灣朋友今日會一齊去event，買晒飛但咁啱工作關係行唔開，於是就話俾埋張飛我去玩

有免費飛我當然好樂意接收，於是就一早過去大塚站附近去揾佢。上網㩒下地圖，發現町屋站呢邊有電車可以過去，就係我之前提過想搭下嘅都電荒川線:




都電荒川線嘅感覺同香港嘅輕鐵好似，又係起喺路面嘅站，又係輕鐵感覺嘅車廂，唯一唔同就係價錢，無論你搭幾近同幾遠都係¥170，我睇過去到大塚我要坐十幾個站，需時40分鐘，都應該抵返晒嘅:

終於嚟到大塚站附近，揾咗朋友拎飛之後，我就喺附近揾咖啡室食早餐，好衰唔衰，入到去先發現自己揾咗一間可以食煙嘅咖啡室


（ルノアール 大塚店 東京都豊島区北大塚2-2-2 ランドマークビル 2F）



唔坐都坐低咗，食完先走啦嗌咗一份呑拿魚沙律三文治，一杯涷咖啡，另外跟餐仲有一個細沙律同細湯，食完之後仲會有杯類似清湯嘅嘢飲，俾你漱一漱口相當貼心


（唔知係咩湯嚟，有少少咸，但又唔係濃味嘅感覺。）

拎完飛返去民宿寫下遊記休息下之後又出發去秋葉原，玩event之前食個拉麵先:


（家系ラーメン 武将家 東京都千代田区外神田4-2-7 1F）

（嗌錯咗有大蔥，食落個味道好重。）

今日去嘅係早幾日睇咗佢舞台劇嘅香水じゅん(香水純):



本來香水今日嘅event係會著水著，但因為佢本人唔舒服所以改成著cosplay，主辦方係專做寫真影片嘅Rebecca，佢哋都好識做，今日每個嚟參加嘅人都會送一張額外嘅即影即有相做補償:







香水本人雖然明顯冇咩精神，但影相嗰陣都仲係keep住想俾個最好狀態出嚟:

: 香水小姐你冇事吖嘛？
: 咳咳…舞台劇嗰陣攝親。
: 今日event完咗之後要多啲休息。
: 好，知道。
: 今日OO (台灣朋友)嚟唔到，所以我拎埋佢張飛過嚟，你呢個簽名簽返佢個名就得
: 吓~~你哋FANS之間關係真係好，會咁樣互相幫手。
: 大家都係因為鐘意香水小姐你先認識到，關係當然好啦




（影返張拎住石川澪張相版本嘅三人合照。）

: TRE冇過嚟揾你真係唔好意思
: 傻啦好小事啫。
: 我喺台下面影咗好多你嘅相，俾好多香港朋友睇，佢哋都覺得你好靚好可愛。
: 真係嘅！？咁就好喇。
: 係呢，我哋幾個香港朋友一陣想去食燒肉，香水小姐有冇咩推介？
: 燒肉…隔離附近万世就已經好好食，你哋可以去試下，仲有串燒！一定要去食，東京好多都好正！
: 收到，咁我哋揾機會去食，有冇餐廳名？(遞手機俾佢)
: (㩒我部電話) 餐廳名呢…
: 香水小姐你一直望住我部手機就得，我就可以一直望住你
: 嘻嘻…俾你咁講我好怕醜。



邊個話毒撚唔夠膽撩女仔我撩AV女優都得添吖

然後當晚去翻啅天海つばさ介紹嘅燒肉：


（味楽来 東京都中野区中野5-56-16 オスカービル １Ｆ）



（都係嗰句一個人嚟食嘅話唔係幾適合，兩個人或以上嗌嘢就容易好多。）

跟住以下內容就係關於小弟我行秋葉原AV碟鋪嘅次序，同埋唔同碟鋪嘅小小介紹

因為有啲碟鋪只有日文名，為咗方便辨識，每間碟鋪我都會俾個中文/英文名佢，等大家理解同揾嘅時候會易啲真係唔知我講緊邊間嘅可以獨立問返我

首先第一間係賣主要寫真集同年曆嘅，書泉(秋葉原)


（書泉ブックタワー 東京都千代田区神田佐久間町1-11-1）

而家寫真集同年曆都搬晒落4樓一個角落頭，除此之外成幢書泉每一層都有唔同嘅書籍、雜誌等等，同屋企人、女朋友、老婆嚟嘅話，我會建議大家扔低佢哋喺度慢慢行，自己出去做正經嘢

之後係呢間ソフネット，我會叫佢做「softnet」，又或者「地牢嗰間」，因為咁多間碟鋪只有佢一間喺地牢


（ソフネット本店 東京都千代田区神田佐久間町1丁目6-4）

Softnet只有一層，賣嘅碟其實唔算好齊，但勝在冇乜人行，而且走廊都闊算係好行，只係落地牢有啲唔方便，同埋喺下面電話多數都收唔到，唔理係揾資料，定係喺event嗰陣想㩒翻譯app都好唔方便，所以我唔太推薦大家揾嘢嘅話嚟呢間，但純粹行下嘅話，softnet係OK好行嘅。

之後就行返出去秋葉原嘅大馬路，呢度望向上野方向右手邊有三間同一個名嘅碟鋪，都係叫「Lammtara」，首先係第一間，喺正賣鯛魚燒嘅鋪頭隔離，我嗌佢做「media world」


(ラムタラ メディアワールド アキバ 東京都千代田区外神田1-15-2 ﾐｵｽ本館ﾋﾞﾙ)

Media World係咁多間碟鋪入面，連碟特典最多一嘅一間，連碟特典嘅意思係即影即有相、劇照大相細相、簽名版等等，而且呢間仲係唯一一間，秋葉原可以退稅嘅AV鋪，所以我會優先推薦大家行呢間media world

但呢間都有缺點，就係鋪頭入面嘅走廊偏窄，唔太方便帶大背囊同大喼入去，所以大家入去行嘅話儘量輕裝，會舒服同容易好多。

繼續沿住大馬路行落去，會見到第二間「Lammtara」，因為佢喺正三間鋪嘅中間，我會叫佢做「中間嗰間」


（ラムタラ秋葉原店 〒101-0021 東京都千代田区外神田１丁目１３－３）

呢間鋪頭就比較普通，同埋走廊係咁多間碟鋪入面最窄，最唔好行，唯一可取之處就係佢嘅特典都唔輸蝕過media world，如果有時間嘅，我會建議行晒media world同呢間，比較下想買嗰隻碟喺邊間鋪嘅特典比較吸引，先去扑鎚，但需要留意呢一間鋪頭冇得退稅，所以比較嘅時候都要考慮埋。

最後沿住大街繼續行，過咗馬路同BIC Camera，會見到最後一間「Lammtarra」，因為佢離JR站最遠，所以我叫佢做「最遠嗰間」。


（ラムタラ エピカリ アキバ 東京都 千代田区外神田 4-3-2 システムOAプラザ東京本店ビル）

呢間鋪嘅特典係最少，但有時都會揾到啲冇人要嘅冷門碟同特典，由於地理位置問題，都係夠時間先過嚟行會比較好；另外呢間嘅5樓係重口味樓層，咩屎尿SM盜攝都喺晒呢一層，想買啲富有特色嘅AV，又或者有晒心理準備，想打開新世界大門嘅朋友，歡迎挑戰

最後一間我哋行返轉頭，去返JR橋下面，沿住JR橋向右手邊過馬路一直向前走，會去到我自己最鍾意行嘅一間碟鋪，叫做「Mulan」，我叫佢做「橋底嗰間」。


（買取販売市場ムーランアキバ 東京都 千代田区外神田 1-4-21(JR高架下）

我自己鐘意呢間嘅原因有二，第一係佢只有3層，1樓係賣Game，2樓係賣二手AV，3樓係賣全新AV，唔駛上上落落去揾碟；第二係走廊好闊好好行，唔駛驚轉個身會掃跌啲碟，係咁多間秋葉原碟鋪入面最好行嘅一間，所以會係我推介嘅頭兩名。


（門口有隻好易認到嘅鐵人28公仔。）

至於行嘅順序，會比較取決於你喺邊度附近開始，如果係秋葉原JR站嘅話，我會覺得係:

秋葉原JR站電氣街出口，轉右行出去大馬路➡️左手邊「media world」➡️沿住大馬路去「中間嗰間」➡️之後「最遠嗰間」➡️過對面馬路，行返轉頭去「橋底嗰間」➡️跟住最後去softnet同書泉

如果係秋葉原地鐵站出嚟就會係:

秋葉原地鐵站5號出口➡️書泉➡️softnet➡️轉出去大馬路media world➡️橋底嗰間➡️中間嗰間➡️最遠嗰間

如果真係得好小時間，又或者淨係想最有效率咁揾碟/特典嘅話:

Media world➡️中間嗰間➡️橋底嗰間

以上嘅建議俾大家參考有問題嘅可以隨便發問

嚟緊1月會去轉日本
多謝樓豬