(繼續LIVE) (AV女優 Event遊記) 喺東京逗留一個月，可以見到幾多個女優？

全部都要親身去鋪頭買

松本一香正呀

可惜都係有整個鼻

推多野

繼續入嚟執個橙先

其實幾羨慕東寶巴

我自己都鍾意睇av，亦有唔少女優都好鍾意，但見住佢地一個又一個引退左，好似除左個番號就無其他同佢既回憶交集過咁。

見到你個post，你都叫做幫我完成左我既遺憾

我信東寶巴呢D小事點會背唔出 (頂，D故仔咪一L樣)

上次就講到新東寶傻下傻下，賴低咗成袋AV喺東京地下鐵嘅車廂行李架上面，而因為要趕終電嘅關係，車站職員只係俾咗張失物登記同認領嘅指引就打發咗我走之後會發生啲咩事呢

收到張指引之後，我即刻當晚就按住指引上面嘅網址上網登記，睇下可唔可以儘快搵得返/拎得返袋碟如果網上真係搞唔掂嘅話，先至等第二朝起身打電話去失物認領中心做登記




根據網站嘅解釋，搵到嘅失物會放喺飯田橋站嘅失物認領中心四日，之後就會轉送到去警視廳遺失物中心，保管3個月。而如果失物入面有物主個名等等個人資料嘅話，仲可能會需要你提供一啲個人資料嚟確認你係咪真係物主。



網站入面有中文介面可以揀，所以填起上嚟都唔係太難，填好晒聯絡資料，仲有漏低嘢嘅大約時間同地點，包括地鐵線同地鐵站名，之後就係填物品嘅詳情，我就好簡單咁寫咗「DVD」6隻落去，之後就等回覆了。




第二日瞓醒冇耐，大約中午時間就收到回覆，問我「DVD」嘅詳細資料：



而我亦都冇諗住要隱瞞，直接就係答佢「成人影片DVD」我仲俾埋封面圖片佢去核對：



又隔咗大概幾個鐘頭，就收到另一封email，表示已經搵到疑似嘅物品，叫我呢幾日去確認同拎返：



成個過程用咗大概半日左右嘅時間，我都覺得自己算係好好彩，袋碟冇俾其他人攞走到，東京地下鐵嘅職員亦都好快速咁幫我處理好呢件事不枉我一直都係東京地鐵72小時pass嘅長期支持者

但因為當日有幾場event要去，唔夠時間過去池袋站，唯有等第二日去飯田橋站嘅失物認領中心拎返袋AV碟了

先將袋AV碟嘅事擺埋一二邊先，我哋繼續AV女優event之旅11月5號呢一日本來會係相當精彩嘅一日，本來我可以參加到SOD Star嘅小湊よつ葉（小湊四葉），同埋Moodyz專屬嘅水卜さくら（水卜櫻）嘅活動，但呢兩位女優都喺當日一齊雙雙射波

https://x.com/sod_eigyou/status/1720463525674729832?s=20
https://x.com/archemiura/status/1720677312793100481?s=20

當中最可惜嘅就係水卜さくら，因為佢而家活動係相當少，冇咩機會見到佢真人，今次見唔到又唔知要等到幾時


（同埋水卜病親通常都係會唞好耐）

https://x.com/riko_hoshino/status/1720551313241768110?s=20
（11月5號同日一共有三位女優射波，第三位都係SOD Star專屬嘅星乃莉子，不過呢個因為今次過嚟10月嗰陣已經見咗，所以我冇買佢今日嘅活動。）

所以話呢有時就算俾你飛到過嚟日本又成功買到飛都好，一日個女優未換好衫行出嚟，個event都係會有延期同取消嘅可能


（補返早兩日本庄鈴嘅簽名，事實上嗰日傾計傾到冇咩話題嗰陣，我都有同本庄鈴講叫佢最近小心啲唔好涷親，因為最近好多女優都病咗）

冇咗兩個大粒嘅，都仲有啲冇咁出名嘅女優event可以參加，今日第一場event就係都有唔少巴打鐘意嘅さつき芽衣（沙月芽衣）：



上一次嚟見さつき芽衣係6月嘅時候，俾我嘅印象就係佢係一個好活潑嘅女優，好鐘意笑，可以好放鬆咁同佢傾計嘅女優嚟

今日嘅Cosplay係唔知豹女郎定係貓女郎嘅主題：







：沙月小姐好耐冇見，今次我過嚟日本一個月，食咗好多好嘢食，好似尋日咁就去咗食韓式嘅豬肉料理。（俾相佢睇）
：真係好，好多都望落好好食。
：最近沙月小姐喺台灣搞完攝影會，希望有一日你都會嚟香港。
：我喺香港其實多唔多人識？
：都多架，特別係有一段時間你出片出得好密嘅時候
：哈哈哈哈！


（睇咗咁多作品！愛你喔！多謝你今次嚟我嘅活動，香港LOVE！下次再見！ by さつき芽衣）

然後今日嘅第二場活動，係涼森れむ（涼森玲夢）嘅年曆活動：



呢啲年曆活動福利通常都麻麻地，因為都係代朋友嚟玩，所以都冇咩資格嫌三嫌四只可以影三張相：


（鳴呀涼森你不如帶我走啦）


（合照只可以影即影即有相。）

秋葉原書泉搞活動嗰一層嘅窗門玻璃，排隊嗰陣可以反射睇到少少event會場入面嘅情況，於是我就成日望住塊玻璃偷睇佢前一個FANS仲同佢影緊相嘅時候，佢好似發現咗我，間唔中又望住玻璃個反射望返出嚟

：頭先見到你係咁望我！
：係吖！我見塊玻璃反射望到你吖嘛，於是咪望多啲
：哈哈。
：下個禮拜我就返香港了，臨走之前仲可以見到你真係好開心。
：哈哈，我都係。
：嚟緊出年1月台灣嘅TSE（台灣成人博覽會），我都可能會嚟參加
：真係嘅！？咁到時見啦

葵司就冇event，涼森就差唔多每個月都有event，點解你兩個可以相差得咁遠


（TSE我都未參加過，唔知係咪同TRE一樣，淨係買入場劵入去做免費仔最划算）

最後就係今日嘅第三場event，佢係近期S1最多人留意嘅新人之一，叫做五条恋（五条戀）：


（現場仲有賣佢嘅即影即有相，買夠三張嘅話會幫你簽埋名，最後我都買咗一張留個紀念。）

最近大半年S1不斷簽咗好多大波波嘅新人，大部分都係除咗大波之外就冇咩其餘嘅記憶點五条恋算係比較好少少，佢喺下海之前有七年嘅寫真女優經驗，再加埋J Cup嘅巨乳，算係比較多人留意嘅一個巨乳新人女優：


（呢個J Cup好似比起我早幾日見恋渕嘅O Cup仲要再震撼，應該係件衫嘅問題。）

五条恋嘅Debut作品其實已經出咗，有唔少人都覺得佢個樣唔係好得，我見真人又覺得唔算太差可能個妝扮都有唔少影響

不過以一個做過七年寫真女優嘅女優嚟講，五条恋影相擺嗰啲pose好似有少少hea





：五条小姐你好，我係香港嚟嘅。
：你好你好，多謝你嚟我嘅出道event
：今日見到五条小姐真人身材真係犀利呢，有機會請你一定要嚟香港玩。
：多謝你嘅讚賞，其實我計劃咗出年會去一次香港，想去迪士尼。
：真係嘅！？除咗迪士尼之外，香港嘅嘢食都唔好錯過。
：哦～我知吖，香港有好多好嘢食，我知有樣嘢叫蛋撻。
：仲有好似燒賣咁，都可以試下（搵相俾佢睇）。
：哦～同日本嘅好唔同呢，香港嗰啲我記得有蝦喺上面。
：有好多款，仲有啲有蛋喺上面。（唔識鵪鶉蛋嘅日文）


（多謝你嚟嘅我嘅出道event，跟住落嚟請你繼續為我加油！by 五条恋）

喺分享是日靚晚之前解答返大家一個問題先，就係去咁多event買咗咁多AV點樣處理以往每次嚟我都係會拎晒返香港嘅，但由於今次數量真係太多，再加上除咗AV之外仲有其他嘢要拎返嚟，所以今次我係決定除咗幫人買嗰啲之外，自己一隻AV都唔拎返嚟

由13/10第一個event開始，直到5/11呢一日，我一共有62隻AV需要處理去留問題，由於外國人喺日本係賣唔到二手嘢（因為要有日本在留證做登記），所以今次專登搵咗一個喺日本做嘢嘅台灣朋友幫手賣碟：


（最後係執咗三大袋AV，搭地鐵嗰時有啲驚一個唔小心整穿咗個袋跌到周圍都係嘅話，咁就真係社會性死亡。）

至於62隻碟最後賣到幾錢呢？答案係大概三萬円，以一隻碟平均3000円嚟計，呢度只係拎得返大約1/6嘅價錢不過都要考慮埋我呢堆碟入面有新作有舊作，舊作好多都只係值幾百円，所以呢個價錢都算係相當可以接受


（最值錢嘅係五条恋嗰隻Debut作，賣到1900円同埋最後職員會俾你揀想要現金，定係喺返碟鋪可以用嘅現金劵，後者會再多幾千円，最後我梗係揀現金。）

分享返當日嘅靚晚，就係我問さつき芽衣日本有咩好食嘅時候，佢推介我一定要去試大阪燒，跟住主持人就寫咗間餐廳名俾我，喺秋葉原嘅UDX裏面：


（ゆかり AKIBA-ICHI店 東京都千代田区外神田4-14-1 秋葉原UDXビル 3F）

今次又係同一個台灣朋友一齊嚟食，我哋兩個都冇食過大阪燒，所以我都有問さつき芽衣食嗰陣係咪一定要自己整佢話佢都唔敢肯定，總之你就去試下啦於是就膽粗粗咁入去坐低：


（最近仲有同人中之龍嘅合作款式。）

最後我哋一人嗌咗一個唔同口味嘅嚟試，台灣朋友叫咗個廣島燒，我就叫咗個芝士咖哩，然後我哋再嗌多咗一份人氣no.1嘅豚平燒，上菜嘅時候已經整好咗，所以只係喺個鐵板上面煎一陣就已經食得：



（豚平燒其實就係豬肉荷包蛋，但食落幾開胃。）

因為第一次食嘅關係，所以我都唔識點評價好唔好食總之呢個份量就係兩個人食啱啱好夠飽嘅程度嚟，味道方面店員都有叫我哋自己跟口味嚟落醬，所以大家有機會食嘅就自己自由發揮啦


（最後每人埋單都係2400円左右。）

然後就係禮拜一嘅行程，今日只有一場event要去，而朝早就係去飯田橋站嘅失物認領中心拎返袋AV，同埋仲有一樣嘢要做，就係將手上啲年曆寄晒去集運倉再運返嚟香港




其實年曆最麻煩就係掛牆年曆好大卷，超過兩碌嘅話基本上冇可能塞到入喼，所以只可以用寄送呢個方法，日本本地寄送唔算好貴，呢度寄去東京嘅集運倉都係1300円左右，但由集運倉寄返嚟香港就要$300-400港紙

之後就出發去飯田橋站，我都係第一次嚟呢個站，個站比我想像中大，由月台出發足足行咗400米先去到嗰個失物認領中心：




拎返袋碟嘅過程都唔算太麻煩，我初時以為淨係俾返email入面嘅個案編號佢哋就得，原來佢哋要返成個case嘅資料做核對，即係時間地點嗰啲，最後都係要我講一次「成人DVD」做確認先至拎得返袋嘢

喺度都係要多謝東京地下鐵嘅職員失而復得嘅感覺真係好

食嘢冇咩特別就唔特別講了，直接去到event嗰part，今日見嘅係個名好特別嘅女優，佢叫做藍芽みずき（藍芽水月）：



藍芽平時喺Twitter P相有啲過份，直頭連塊臉嘅輪廓都唔係好睇到，今日見真人有啲驚喜，除咗比例幾好之外，仲係幾靚女。





傾計嘅時候我有讚佢隻腳好修長好好睇佢話佢嚟過香港，好鐘意食香港嘅麵但佢又唔記得個名，於是我又唯有叫佢有機會就去試下日本嘅譚仔


（初次見面！好開心可以見到你！下次再見啦！by 藍芽みずき）




（明明皮膚都唔係差 點解要開美肌開到咁誇張呢）

喺東京已經正式踏入最後一個禮拜了直至走嗰日都仲會繼續參加唔同女優嘅event

喺呢度先多謝一次由頭睇到落嚟呢度嘅巴絲打我會堅持捱埋寫落去唔爛尾

有冇同你逐隻逐隻對

東寶Ching啲衣着品味好似好咗

我上次佢話搵唔到，最後我要飛返過去警察廳個邊個失物中心認領返

比借口再去多次 XDD

時間真係過得快，好快又再去啦

唔帶番碟番黎 咁哂果然有米

要確認封面咁正