(繼續LIVE) (AV女優 Event遊記) 喺東京逗留一個月，可以見到幾多個女優？

合照個陣,有冇扯旗

你最後唔係去埋葵司個Event先返黎?
有無葵司個Event既相?

呢個post幫我個女優list增加左好多

lm

推下先
就快完

我發現返到嚟香港反而仲冇時間寫

我會加油喺呢一個禮拜之內完結咗呢篇遊記佢

加油啊 我等緊㗎

加油巴打

等睇最後更新

話咁快就到返香港前嘅最後一個weekend，心入面仲係對買唔到古川ほのかevent飛嘅事有啲耿耿於懷老實講已經好耐冇試過有咁強嘅失落感，特別係喺飛鳥りん引退之後，我對於event嘅追求好多時都係「買到飛有得去，就順便去集個郵」咁嘅感覺，唯獨係古川呢一次，真係有種好強嘅失落感

又或者係佢用廣東話覆我呢件事，令我對佢嘅感覺同對其他女優嘅感覺完全唔同，所以更加增添呢一份對佢嘅內疚感，今次去唔到佢嘅event支持佢，產生咗一種對佢唔住嘅愧疚感

唔得，我知道我同佢一定會再見，係一定會，一定要。



既然今日秋葉原冇屬於我嘅位置，就無謂落去觸景傷情其實喺古川嘅event以外我都仲有一個backup嘅方案，就係搭一個鐘頭電車落去橫濱，參加啱啱病好嘅八掛うみ（八掛海）嘅活動：





橫濱只有兩間碟鋪，而且兩間嘅位置都相當接近，所以一場落到去橫濱多數都會行晒兩間睇下有冇咩好嘢執到，順便當喺橫濱嚟個半日遊；可惜嘅係今日嘅天氣同我嘅心情一樣都係灰灰地，啲風景點影出嚟都係麻麻地


（橫濱呢邊鋪頭搞嘅event最特別嘅地方，就係唔會吸印仔，而係全部用實體飛，打咗洞嗰張仲會俾返你帶走，其他喺秋葉原搞嘅event會全部收返晒。）

八掛うみ喺去完TRE返嚟之後就休養咗成個月，事務所嘅講法係健康問題，對於呢個講法今次我係信事務所嘅因為八掛うみ喺TRE嗰陣時真係太瘦，瘦到直頭係營養不良嘅地步，休息一下食返肥少少，點睇都係對健康有益無害


（當日官方出嘅event相。）



今次亦都係八掛休息完之後嘅第一個event，終於見到佢多返一啲肉，成個人嘅氣息都比TRE嗰時好咗好多，精神咗唔少，足以證明休息對於一個AV女優嚟講真係好重要

：八掛小姐你好吖，今日見到你精神咗好多，而家咁樣真係太好了。
：哈哈，咁就太好了。
：TRE嗰陣見到你真係太瘦了，咁樣講有啲唔係幾好，但真係有種瘦到好得人驚嘅地步
：我都覺得我嗰陣時太瘦。
：而且TRE第一日嗰陣，八掛小姐自我介紹仲緊張到喊咗出嚟不過大家都覺得咁樣嘅八掛小姐好可愛。
：第一次見到咁多人當時好緊張


（八掛同涼森都係有營業mode嘅女優，傾計嘅回應公式，連簽名嘅內容都係咁公式，「多謝你嚟，下次見！」，然後就冇然後了。）




（當日第二場event嘅水著。）

當日嘅靚晚係同啱啱去完天使もえ off會（即係貴啲嘅FANS見面會，節目會豐富一啲）嘅王桑，喺上野求其搵嘅一間燒肉：


（焼肉&ホルモン酒場 エンジョイ 東京都台東区上野4-5-7 上野山口ビル 1F）

食燒肉至少都係要兩個人先好去食，至少嗌嘢食方面都可以放肆啲，唔駛太擔心食唔晒嘅問題：


（呢間啲高麗菜又幾好食。）


（呢張相影到好似啲小朋友煮飯仔玩具咁嘅感覺）


（需要自己剪開嘅厚切牛脷。）

有之前天海つばさ介紹嗰間做比較，今晚食嘅呢間水準方面就真係普通咗少少而且都算係幾貴，兩個人食咗成萬円，性價比唔係好高。


（左邊嗰盤內臟係即場喺google map入面寫間餐廳好評嘅話，就會免費送嘅禮物，唔知係咪因為唔駛錢，成晚覺得最好食好似就係呢碟嘢）

（最後一個星期日嘅早餐揀返上一個星期去過嘅cafe，老奶奶仲認得我上個禮拜有嚟過，有人情味嘅餐廳真係特別有味道）

嚟到最後一個星期日，今日最後仲有幾個event要去，首先係一場radio節目嘅公開收錄活動，亦係我成個月咁多個event入面用得最多錢嘅一個詳細費用我去到總結再同大家講，不過睇到主角係呢兩個女優嘅話，我諗有唔少巴打都會覺得值。

兩個女優都係我喺呢一個月見過至少一次嘅女優嚟，一個係石川澪，一個係香水じゅん（香水純），兩個都係業界當紅嘅美少女，今次係兩個人難得嘅同場活動。



今日一共有兩場嘅公開收錄，一場係香水做主持，石川做嘉賓，另一場就主持嘉賓身份調轉，因為下晝仲有其他活動要去，所以我報咗香水做主持，12:00嘅一場。


（位置幾好，相當正中。）


（呢個係事前報名參加radio嗰時嘅物販清單，8同16都係全餐嚟，買全餐先至會有私人簽名同傾計時間90秒；另外每張3人合照要再俾錢，現場仲可以俾錢加碼啪啪啪。）

話明係radio咁就梗係只有聲冇畫啦所以全程都係聽住佢哋兩個吹水，我哋做觀眾嘅負責適當時候陪下笑拍下手就得節目內容都係清談吹水居多，我記得嘅內容係：

- 石川想變成一隻兔仔
- 香水最近啱啱睇完進擊的巨人
- 石川最近沉迷睇Produce 101，香水諗極都諗唔到最近有咩沉迷，石川幫佢打完場話可能因為你呢排好幸福，咩都有了。
- 香水問石川最近去完台灣攝影會覺得點，石川話好多嘢都好好食，香水話我上次去台灣淨係有飲酒

香水因為由舞台劇嗰時開始已經開始唔舒服，而且公開收錄嘅前一日仲出咗成日嘅攝影會，成個人都冇咩精神，睇到我心都痛埋所以影合照嘅時候我都冇咩諗啲好麻煩嘅pose：




（同埋我都好少影三人合照冇咩idea）

最主要都係要影到呢一張：


（鳴呀呢張可以拎嚟做wallpaper全家幅做牆紙貼屋企做揮春咩都得了。）

上面都有提過呢個公開收錄係有個人簽名同傾計環節嘅，本來仲諗住每人90秒我啲垃圾日文應該頂唔到咁耐，冇估到又俾我同兩個女優都傾到夠鐘：

：石川小姐你好，最近你去完台灣搞攝影會，喺海外越嚟越受歡迎呢。
石：真係嘅！？其實我都唔知，好似好受歡迎咁，但我又唔係好肯定。
：當然係啦，你都有唔少香港FANS，下年TRE一定會再請你嚟，不過啲飛到時肯定好搶手
石：哈哈，都應該會係咁。
：TRE嗰三日有成20萬人入嚟參觀呢。
石：真係架！？下年我都要努力啲先得。
：我聽晚就返香港，臨走之前可以參加到你同香水嘅活動真係好開心今日你好可愛，辛苦你了，之後會一直為你加油打氣。
石：好吖，多謝你。




：香水小姐你好，身體冇咩事吖嘛？
香：咳咳...冇事，好返好多了。
：尋日又攝影會，今日又公開收錄，今日完咗工作之後返去一定要好好休息。
香：我會吖，多謝你新東寶
：唔好俾自己咁辛苦，大家都好擔心你。
香：不過呢，我下個禮拜又要去台灣做嘢了
：...一定要休息多啲，我聽晚返香港了，臨走之前仲可以見多你一面真係好
香：嗯嗯～你返去要小心啲吖。


（睇相都feel到香水有幾攰。）


（簽名今次唔簽色紙，揀咗我今次過嚟去佢哋兩個各自event嗰陣影嘅招牌pose，晒相出嚟俾佢哋簽，打算返嚟香港買個大相架一次過裱起晒兩幅相。）

完咗呢場又貴又滿足嘅公開收錄活動之後，我去咗渋谷交一交人，今日係葵司事務所搞嘅8woman寫真展嘅最後一日，葵司當然都會在場。



講就講到係去交人，但其實我真係過去蒲個頭出現下嘅啫啲相太貴了真係買唔起寫真展嘅最後一日喺17:00左右完結，葵司出嚟同大家講最後感言嗰陣又講喊咗自己畢竟呢個寫真展連續搞咗三年，除咗係事務所嘅心血，葵司作為領頭先鋒都唔容易，呢三年，辛苦你了



因為唔影得葵司嘅相，所以都幾難用文字去同大家講述返佢嘅感受同心情，有興趣嘅大家可以睇返8manpro事務所嘅Twitter，藤かんな（藤環奈）用工作人員嘅角度紀錄晒寫真展每一日嘅過程同經過，包括有邊啲其他事務所嘅女優都有嚟參觀，甚至仲有各個女優嘅家人同朋友都有嚟等等，呢啲都係其他事務所唔會見到嘅景象嚟


（miru同桃乃木都有去，不過事務所專登安排一個時間淨係俾業界人士參觀，所以冇咩可能會撞到。）

https://x.com/8manpro/status/1723918266740224439?s=20
（另外呢13日嘅展期，事務所賣相足足賣咗2354萬円，差唔多120萬港紙，恭喜社長發大財）


（至於我呢，每次去到都係俾其他葵司嘅日飯問，「頭先又去咗邊個女優event吖」，當然大家都係講笑，應該係除非唔係）

去完寫真展交完人，返嚟最後一晚嘅秋葉原，我仲有兩場event要去，第一個係最近轉咗做企劃單體女優，個名同狂賭之淵個角色一樣嘅五十嵐清華。



22年5月喺Moodyz出道，當時都覺得冇咩特別，轉咗做企劃單體女優之後開始有返啲起息，我最深印象係佢喺Attackers拍嘅一套強姦女教師題材嘅作品，呢一類作品好少見封面笑得咁開心，但同時又有種反差嘅期待感，係我覺得幾有意思嘅一個做法。


（SAME-042 輪姦計画 女教師編 五十嵐清華）



至於女優真人呢呢一個月去過佢同安達夕莉嘅Halloween event，感覺都幾好，係一個幾活潑嘅大姐姐女優，影相嘅時候都相當多花款。





合照嘅時候係主動挨埋嚟嗰種，我郁都唔敢郁





今次嚟五十嵐嘅event，除咗係因為同場有另一個我想見嘅女優，所以順便集埋郵之外；仲因為上次同我一齊去萬聖節event嘅香港朋友對佢一見鍾情，所以傾計嘅時候我就提返呢件事：

：是咁的五十嵐小姐，上兩個禮拜我同朋友一齊參加你同安達夕莉嘅萬聖節event，我個朋友對你一見鐘情我朋友真係唔係我，佢返到香港之後一直對你念念不忘。（開個Twitter俾佢睇）
：哦！我認得佢吖！
：佢仲叫我問你下次禮物想要啲咩，佢會買俾你。
：咁吖～咁你叫佢買香港嘅OOXX俾我，我想試下！
：好吖，我一定會轉達俾佢知，今日近距離見到你真人，五十嵐小姐好有大姐姐嘅感覺。
：係咩，但其實我仲好後生
：聽晚我就返香港了，可以嚟到你event玩真係好開心，希望你嚟緊喺海外會有event。
：好吖好吖多謝你今日嚟，下次再見啦


（萬聖節之後到而家喇！可以再見到你真係好開心！咁快就要返香港真係好傷心，希望下次快啲再見面啦。by 五十嵐清華）

最後嘅一個event，我去咗搵上次去完佢event之後印象幾好嘅，浅野こころ（淺野心）：



有趣嘅係佢今日嘅cosplay，係同上次望月つぼみ嗰件一模一樣






點解會對浅野こころ印象幾好呢？主要係佢俾到我一種好pure好true嘅感覺，同佢傾計影相嗰陣好多反應都唔似係扮出嚟，咁樣講大家未必信，但我去得多event見得多女優，開始真係識分



：浅野小姐你呢個event係我今次過嚟一個月，最後嘅一個event了
：吓！真係嘅！？
：係吖，能夠有你呢一個event為我呢個一個月嘅旅程收尾，我覺得好開心。
：多謝你新東寶。
：上次你叫我去試吓辣嘅拉麵，今次都冇機會去試到，下次我過嚟日本一定會去試下，到時返嚟話你知好唔好食。
：好吖！一定要！


（新東寶多謝你今次最後揀咗嚟我嘅event，下次一定要試吓辣嘅拉麵！我會睇你OOXX！by 浅野こころ）
（OOXX嗰段係我同浅野之間嘅秘密同埋講咗出嚟就同自爆冇分別所以都係遮咗佢）

最後喺秋葉原嘅晚餐，我同王桑好簡單咁食咗一個麥當勞就算，聽講係New York主題嘅限定menu嚟，我嗌咗一個蝦堡嚟試：


（其實本來仲有其他提議，不過王桑每講完一個提議佢就補一句「你呢個月都食厭架啦？」，我話照你呢個講法我可以每一樣都係食厭）

最後，同呢個流連忘返咗一個月嘅地方影多兩張夜景，就返民宿執行李了。





（以一個旅居一個月嘅香港人嚟講，我啲行李其實真係唔多，當然都因為大件嘅寫真集同年曆都已經寄晒返嚟；細箱嗰箱係AV嚟，大箱入面係今次過嚟買嘅嘢，同埋少少食唔晒攞返嚟嘅嘢食。）


（還原返間房俾人，呢一個月感謝呢間房嘅照顧）

喺日本嘅最後半日，本來諗住去古川食過嘅一間cafe打個卡，點知上網check咗又冇開於是去咗一間我呢個月成日經過，但又冇機會試嘅cafe試下：


（淡路坂珈琲 お茶の水店 東京都千代田区神田淡路町2-9 JR紅梅橋高架下4号）




叫咗一份好簡單嘅三文治加咖啡，自己開住部iPad睇片，感受一下東京嘅空氣，JR橋上面火車經過嘅聲音，晒落喺附近路軌上嘅陽光，好簡單咁就過咗一個中午。





然後去咗上野公園行咗個大運，唔知仲有冇下一次機會，可以好似今次咁任性，一嚟就嚟一個月咁耐呢？

嗯～就用呢樣嘢作為自己每年嘅其中一個搵錢目標啦







係時候，要回家了我冇忘記過，我一直都係一個香港人

以上就係呢一個月，33日嘅日本AV女優event之旅嘅遊記內容了

先答返po名嘅問題先，33日入面，我最後係去咗57場event，見咗45位女優，合共買咗大約100隻AV，當中有一半以上都喺日本放售咗，帶返香港嘅大概有20-30隻

而駛錢駛得最多嘅event，係最後一個星期日嘅香水じゅん石川澪公開收錄，呢一場event嘅參加費連埋物販，一共駛咗74000円
至於最平嘅event，就係8woman嘅寫真展，免費入場


（最後上車去機場前影到町屋站附近嘅景觀。）

至於大家最關心嘅問題，今次成個旅行一共駛咗幾多錢呢

淨係event嘅話，一共係¥556,816，大概係港幣$28,000；機票大約$3,500，住宿$5,600；交通因為有買地鐵pass，連埋嗰幾日去遠啲地方用嘅JR PASS，大約係$2,200；食飯有平有貴，唔知點計，每日平均$150，大約計$4,500 。

連埋今次見yen平所以shopping買嘅嘢，大概總消費係$50,000-$52,000左右值唔值呢，留返俾各位定奪喇

最後趁人少少同大家講下呢幾年積積埋埋嘅心底話冇咩興趣嘅可以skip

返到香港嘅屋企靜靜地咁坐低，望住啲相，打埋呢篇最後總結嘅遊記，先至發現原來自己今年做咗一件咁癲嘅事。如果我第日老咗冇老人癡呆，應該都仲會記得自己後生嘅時候，曾經有呢一個月咁癲嘅旅行。



喺東京嘅呢一個月每日都好似過緊同一樣嘅生活咁，去同一個地方，做同一樣嘅嘢，拎起相機㩒住快門，同女優閒話家常，我又練下日文佢哋又學下廣東話，每日都好似好重複，但因為見嘅人唔同，所以每日嘅感覺都唔一樣。

每日瞓醒就係望住電話嘅日程表，睇下今日見邊個女優，諗下想同佢講咩，諗唔到？開佢個作品list同Twitter出嚟望下，一定會諗到想講嘅話題；睇返前一日啲相執好晒未，遊記諗到點寫未，寫完就出門口去event，日日如是，晚晚如是，閤住眼瞓咁寫文同執相，然後第二日又仆出去秋葉原。

攰唔攰？悶唔悶？當然會攰，同埋見得多女優，真係都會悶。有幾日我都想放低新東寶呢個身份，去返一個「正正常常嘅日本旅行」。

係，冇人逼過我要咁做，傻嘅咩去旅行仲要每隔兩三日打遊記同執相仲勤力過啲收錢去旅行嘅Youtuber但係你係連登新東寶喎，個個都嗌你「香港劍大」喎，你實寫到啲好嘢出嚟，實有啲精彩內容俾到大家，大家都等你update今次去日本見咗邊個女優，有咩好嘢食推介快啲埋位開始寫文

呢幾年其實慢慢無形中我都對自己有越嚟越高嘅要求，我開始要求自己嘅遊記一次要比一次精彩，要有進步，我唔想辜負大家嘅期望，我想做到最好。

但無奈地發現，我一定會去到我嘅極限，同埋會有我好想做到，但最終都係做唔到嘅嘢。



其實呢幾年，特別係開咗關寫埋AV女優event遊記之後，問得自己最多嘅問題就係：「係咪仲enjoy做呢一件事」，每個月睇咁多AV trailer，每日都要mon住最新嘅AV業界同女優資料，然後仲要有自己嘅睇法同idea。好坦白講，一早就已經對AV有職業疲勞，但之後都係發現...

我真係好鐘意呢個咁奇怪嘅興趣

唔係真心鐘意嘅話，又點會堅持到咁耐，同埋真係肯花咁多錢同時間落去，去做自己想做嘅嘢

做到壓力爆煲，一定有，因為對自己有要求，但每次抵受到個壓力完成咗嗰個月要做嘅嘢之後，個滿足感真係大到不得了，我諗呢一股滿足感，都係我堅持做落去嘅原因之一。

我都係一個普通人，會脆弱，會崩潰，可能仲會扭下計但希望大家會陪住我，直到我搞唔掂，宣布放棄嗰一日到時大家唔好留住我，因為一定係我真係捱唔到落去先忍唔住，要忍痛放棄