《白日之下》集中討論區（11月2日正式上映）

唔知係咪餐餐，wave呢個post有整合返呢幾年院舍問題出嚟


https://www.instagram.com/p/CzdgWYJugbQ/?igshid=ODllb3J6ZHBhbmg4

所以入面有講外判係連個責任都外判
外判價低者得下咁佢又要賺咪再用低價請人 人手不足根本價錢同質素都要考慮。

佢邊算利己
一開始提醒無證據唔係報導係誤導，院長上嚟又一眼睇穿佢想點提醒唔好嬲唔係就告唔入佢。最後唔做第一時間唔係講條team唔夠人(睇上去得三個人，余仲要係最資深果個）。而係直接講洗唔洗彈份Pr俾你最多佢咪關心篇嘢夠唔夠爆。而且人設上都應該係佢都經歷過咁熱血想追求真相公義嘅事

我覺得係佢開咗窗之後見到光同埋感受到風，記起美好嘅回憶（有一個小朋友背影打千秋嘅畫面）佢想捉住呢個感覺，所以意外跌咗落樓

其實除咗個政府外判佢哋出去之餘，佢哋屋企人咪又係外判佢哋出去

媲美美國果套<集點追擊 spotlight>咁精彩

一樣係追查組深入調查真相
一樣係一班仆街冚家剷人渣
一樣係真相大白但繼續無天理咁延續

不得不大叫一句屌你老味

照顧細路都外判工人啦
更何況更難照顧嘅老豆老母
好難企道德高地屌呢啲人

明仔同小玲嘅老母都係迫於無奈先送去院舍， 一個搞唔掂一個要返工無時間照顧。

其他老人家好似都無乜見過家人探訪好似真係放棄咁

有錢少少的家庭連正常細路/長者都搵外傭照顧
更何況D殘障人士
生理心理負擔都好大，負責照顧者健壯都話，好似戲中唔少都上左年紀，要照顧好似小玲果D咁，真係除非唔返工全天候照顧。。。。。

連身為最應該照顧弱勢社群的社署都唔做野，先令私營市場有利可圖

人老咗就係包袱

唔一樣囉，Spotlight好睇咁多

都最後咪又係咁
記者辛辛苦苦咁揭秘完, 班仆街依然無事
相對林保怡係呢套演奸角比焦點追擊入邊班牧師好好多, 有深度好多

原來剛才打錯字

<焦點追擊 spotlight>

引爆咗全世界都揭發已經好唔同啦，咁樣案例真係好少數，而且《Spotlight》劇本都紮實好多，睇完真係知道調查記者係點做，記者自省都做得好足。

咁係因為果個教會全世界都有, 又同樣咁做, 唔死都無用啦
記者來來去去咪又係咁做, 搵料, 調查, 影相錄影, 將資料砌成一篇稿/文章/影片再發佈

而往往高層/總編輯就會多一層考慮, 出版後的影響, 金主們的想法
呢D係另一套港產片 導火新聞線 / A1頭條 內都有提及

香港院舍問題爆唔起, 唔係院舍問題個別, 亦未必係記者的懶惰, 反而係制度上的局限問題大D, 就好似果場法庭戲咁, 連最有權力檢控的一方都放棄, 不作為, 試問再報導再揭發又點? 另一日又有其他新聞掩蓋

你想檢控可以點作為？無料夾硬告，好似而家第啲案咁？

檢控本身就係要搵料去告
唔係坐係到等個犯自認控罪, 或者等其他人幫
律政司同警方有冇深入調查每個職員?
連記者都識搵到咁多料, 作為檢控一方未免顯得無作為吧
當然, 有心搵同無心搵的結果可以好唔同, 橫掂告唔入, 檢控果方又唔洗受罰

唔係想企道德高地屌人，都唔係要為政府洗白
只係我自己覺得當親人因為好多因素而要外判佢哋出去嘅時候，政府都有一定理據要外判佢哋出去
外判制度固然有佢嘅缺點，但其實重點係要有監察，啲屋企人掉咗佢哋畀人照顧後就完全唔理，都係做成呢個現象嘅其中一個主因
再者連第四權都覺得改變唔到任何嘢嘅時候，普通人如我哋可以做嘅反而真係要畀多少少時間關心身邊嘅屋企人

我唔明係m記工友話章院長對我地好好 唔係應該話佢對啲細路女好好咩

佢明顯唔想講到太白 講到好隱晦