《白日之下》集中討論區（11月2日正式上映）

睇之前洗唔洗睇左白日青春先

最好就睇左烈火青春之後再睇白日青春
然後先睇白日之下

最近真係睇咗烈火青春
真係唔識欣賞跳脫嘅故事線

烈火戰車都要睇喎

查訪情節像細路仔玩泥沙，所有人都惡劣表現惡劣面相砌造惡劣環境惡劣真相。明明第一場出死老鼠就夠做頭條了，只是上司（朱栢謙飾）不希望只呈現單一事件個別案例，然而看下去還是只此一家院舍的爆料。影片作為調查類型，以全知交代章劍華（林保怡飾）跟黃小鈴（梁雍婷飾）「玩耍」是敗筆。使猥褻事件在敍事上藉明仔（周漢寧飾）目睹揭發出來，竟然只是院長在這家院舍的第一次單一事件，他是「慣犯」的往績就要等後續新丁（許月湘飾）來發現。

調查工夫自製懸點，真相辯論更教我失望。我不是說檢控官（朱栢康飾）vs 凌曉琪（余香凝飾）那些法律程序利弊的老掉牙，調查組阿頭與頭馬鬥犬儒才是那狡辯的精彩：這次你踐踏「鐵腳馬眼」的光環，我堅守專業回應，下一次由我拆「神仙肚」的使命感，你就說謙卑堅持有價；互相扮老鬼適時飄忽，今時今日出了一部記者片，知道你們在迴避時代身世，說下去倒是立場模糊，情感去向失焦。

若然將影片最後一場看成為在預視今天大環境新聞界被打殘的狀況，影片明顯閃避開一代人前仆後繼的激情。就算2015年後凌曉琪真的沒有退出，然而她帶著濃烈不散的失敗主義進入下一個大時關，對她身心未必是壞事；我覺得犬儒主義會再走出來給她一個自我保護機制救生圈，最終讓她變節全身而退，起碼不至於鋃鐺下獄。她準會不時喚起芳姐（寶珮如飾）這類人的敵意目光，不是早說了做記者改善不了這愚昧無知的世界嗎？


好少認同張偉雄（因為通常睇唔明佢寫乜春）
今次基本上講得好中

想講余香素都幾靚女

我都有睇呢篇
其實都幾啱
不過我見評論學會其他幾個都好似好留手

推

「做啱嘅嘢」呢句好困擾我
一方面記者報道無錯
但同時都真係觸發到人瞓街
套戲缺乏記者角度自省，咩「真相」、「公道」價值到底係邊
靠通伯一句帶過令我覺得院長啲狡辯真係錯唔晒

咁呢樣我覺得同故事未必有關
直頭係編導對個世界嘅睇法係咪sophisticated 有關
我認為佢真係相信呢個價值，而且deliver 左

所以呢個都係我話齋，說服力嘅問題
睇返出面嘅反應，其實說服力就夠嘅

但對某啲觀眾黎講，包括你同我，呢啲已經唔係好夠說服力
要睇George RR Martin 嗰種質素嘅思辯
甚至錢齒銅牙嗰段已經係，和珅同紀大春袋講嘅，貪官將人糧換成狗糧，實際上救多左人
咩係正咩係邪？
如果佢係探究到呢個位，應該會更加精彩
但都肯定好多人會話唔知想講乜

你講得好好
完全係我諗既野（不過我無辦法表述得咁清楚）
真係一切太容易啦
我唔知現實個位記者係咪都係咁順利，即使係，都應該比啲障礙佢

下晝睇完
想讚吓攝影同某啲場嘅設計
天台沖涼，拍得好好睇
揸車場喊戲、余香凝一個返office，用太陽光同office光管又用得靚
水哥死咗執位畀下位嗰度都好深刻
大部分角都演得好
Peter 周寧 寶珮如
梁雍婷令我諗起非同凡響嘅fish
支持梁雍婷同周寧

劇情上面
周寧跳樓嗰幕
唔知係咪特登要focus 性侵單嘢而放過咗
定係同佢老母講嘅咁，佢等緊呢日到所以冇攪大佢
有個鏡影住隻窗已經加返鋁窗架
余由開始到佢喊，雖然自己冇喊但感覺佢喊係包含咗內疚同姜對佢嘅意義，同埋黑白公允
呢套戲可以用幾個切入點睇
會唔會好似朱謙噉講，要變通(知道改變唔到大局所以唔影響班長者)
定係要相信自己，好似姜所講
另一個角度就係保怡，企喺高地真係唔會100%理解
公開件事嗰班又有幾多係真心關心呢班人

我覺得神來之筆嘅位係上credit
見到姜 周健通(通伯)
直接諗，周伯通？
所以戲入面佢咁醒懂得扮懵，亦好似睇通咗噉
(部電話啲片都應該係佢拍，仲有佢答余 轉去邊間都差唔多)

唔知喺咪我過分解讀啦
覺得導演都好想帶出 唔想人咁善忘呢點

熊仔餅 係其中一個位我咁諗 咁多零食唔揀 就係揀熊仔餅

雖然善未必有善惡，惡亦都未必有惡報
擇善固執 相信自己堅持信念

善報

姜B 扮傻入院舍係真實應該有例子
一個床位係幾咁難求

2015嚟講叫唔叫平 覺得都唔算好平
不過係喺佢哋份綜援俾 好撚痴線

朱康個款似係滑瓦大狀
姐係出道嗰陣想幫人
做多兩單發現幫唔到所以算鳩數嗰類

咁烈火奶奶呢

睇咗 姜大衛啲戲