箍煲嘅人應該要點樣處理自己嘅情緒？

同男朋友一齊好多年，但我地去完一個長旅行之後佢話有想分手嘅唸法，可能唔係咁愛我，因為我俾太大壓力佢，無空間。

我當然仲好想同佢一齊，都會keep住改善自己，但依家每日都好難受…因為接受唔到我地嘅感情動搖左同埋佢可能唔再愛我。

之前吵交都未試過，仲一直以為情比金堅。依家雖然係我箍煲但我都有好想逃避唔想被hurt嘅情緒。

點算好

我試過跪低求個ex，又嗌生嗌死…
但咁真係冇意思你越箍佢越煩你就越想走
嗱嗱臨分咗手算啦

我依家未去到呢個地步嘅
佢都好珍惜我地嘅感情所以我地係繼續working on it
純粹我因為佢有呢個唸法覺得好心痛

點解話你俾太大壓力無空間？
係咪你成日話要見同chur住佢所以佢唔想一齊？

我唔覺得我有chur佢
但佢覺得有
依家唸返起以前，我會話佢好遷就我，可能過程中有d過度遷就而佢自己都無太realize而旅行中就爆了

咁撚柒

真係好撚柒條仔仲會嫌你好撚冇面

同白卡拍過拖係尷尬啲

呢D情況就比個時限自己

可以留多陣睇下點

但唔好拖拖下一個月兩個月咁

佢都講到出口，諗撚咗好撚耐㗎喇
唔係琴日有呢個諗法今日就講，谷咗幾個月半年一年你唔會知
唔好嘥太多時間，趁呢個時間學習接受，慢慢放手，勉強無幸福

我都想練習分手，不過覺得呢d係會越準備越練習就會成真

同埋之前我問佢係咪想分手佢嘅答案係未想住
我同佢提出話分開一段時間唸下佢又唔要
除左俾多啲時間佢我都唔知可以做咩

好肯定無
有時唸我寧願係有咁簡單

無得搞 忍左好耐，仲有係一面對你情緒就變得好差

咁又無喎
其實我地依家生活同以前一樣
除左我有嘗試跟佢嘅建議收斂下

既然係咁，點解會分手呢？

即係嫌你扑得太chur

https://www.youtube.com/watch?v=ewQiFEUKhrY

陪我心酸 陪你抽煙
極了解感情 難怎發展
誰都沒有直言 貪戀多點溫暖
非不得已 聽你親口說改變 也繼續欺騙

放手啦施主...

未分啊
依家係當調整期，睇work唔work囉

唔想俾自己留遺憾

跪港女就見得多，跪仔真係得你

嗰陣好細個

其實與其喺段感情到咁被動，不如諗下點樣同自己相處，佢留就留，走就走，大家最緊要財務上冇瓜葛。

兩個人一齊係珍惜段感情自然會留低，想走只係唔再愛，冇其他原因，咁樣諗會輕鬆啲

當你係真絲
比D建議你

我會認為你搞清楚佢覺得你咩唔好
你自己嘗試去改善，然後搵過第二個好過
有時你覺得你無，但佢好覺既
你咪當借呢次機會聽下一個咁近距離同你相處過既人，比Ｄ咩意見你
認識下你自己

佢叫得分手，我會覺得你唔好諗復合
男士做決定相對客觀現實少少
通常會係諗過搞唔掂先出聲

最緊要，千萬唔好情字行先
呢個世界，愛情真係無你想像中咁緊要
由其是結婚

真心講句

呢啲人最賤唔知自己想點 拋返個波比你

其實拍左好多年 唔係應該坐低自己傾下咩
傾完佢要走 你都係唯有放佢走 人要走 你阻唔到 佢要唔走 你點趕 佢都唔會走