[遊記] [非自駕] 四日三夜快閃沖繩

緊係跟住行啦
馬路黎架 你以為賽車場咩 鬥快

要有心理準備教練都會開得好撚快
上次落雨去玩
個教練同前車開得好撚快
為左唔甩太遠我都跟住渣快啲
有兩次差啲失控
同埋泊住啲大車一齊行都好撚恐怖

Day 2

琴日早出晚歸要好好補眠
結果瞓到差唔多2點先出門口
第一時間食個琉球料理brunch


自己叫左個苦瓜炒蛋set
除左苦瓜同蛋，仲有豆腐同少量肥豬肉

苦瓜冇平時食既咁苦，帶少少回甘
其他配菜有住家feel

個飯應該落左昆布同杞子一齊煲
帶點鹹鮮味之餘
仲有陣先甜後甘既味道

右上角係凍食既海蘊
屬於海藻既一種
煮熟左之後非常滑捋捋
感覺十分清爽兼開胃
係個勁消暑既小食
唔鍾意山藥泥嗰種質感既話
建議唔好貪得意試食

另一半叫左個連埋拉麵既course
除左苦瓜炒蛋之外
仲有涼拌豬耳、花生豆腐同沙翁


拉麵湯底用左清淡既柴魚湯
麵質似上海麵
加埋魚片同埋豬肉
有少少似自己喺屋企煮麵

豬耳落左麻油撈，幾香口
花生豆腐得個樣似豆腐，入面冇黃豆
花生味非常濃郁，煙煙韌韌似年糕
沙翁好似係沖繩名物
但係覺得好硬好乾身，麻麻地

所謂既沖繩料理好似中華料理
同平時食開既野有幾分相同
send左張相俾兩老睇
老豆第一時間問我係咪叫錯野
然後再笑鳩我去到沖繩都要食住家餸


不過第一次去沖繩
唔食過地道既沖繩鄉土料理係唔會心息
同埋野食味道都正正常常
如果同長輩黎食野既話
相信可以克服唔岩胃口既問題

首里天楼
https://tabelog.com/okinawa/A4701/A470101/47001971/

https://www.youtube.com/watch?v=bXWfIFGp0UA
沖繩巴士例遲

有同長輩食過呢間 佢地幾鍾意
整體黎講沖繩料理係真係好似住家菜

9月頭都去左沖繩自駕5日4夜沖繩d風景真係好靚 國際通夜晚都好熱鬧留名睇樓主旅程

有咩要學
係香港操好手車先緊要, 咪出去做炸彈已經夠

沖繩是個好地方
完全冇諗過國際通係不夜天

冬天去無得玩水仲多唔多野玩？

食完野搭巴士去波上宮
可以選擇由縣廳前搭2、5、15或者45號巴士
搭四個站去到西武門落車
車程大約10分鐘，單程收240円
或者可以搭輕軌去旭橋駅，再行15分鐘

途中見到已成廢鐵既的士


搭巴士掛住吹水
去到西武門唔記得落車
唯有再搭多個站
好彩只係行多兩個路口


落車再行大約5分鐘
就去到琉球八大神社之首既波上宮


波上宮位於懸崖邊
係沖繩唯一一個沿海興建既神社
所以吸引左好多從事漁業既人黎參拜
祈求航海安全同大漁豐收
不過喺二戰期間
成個神社幾乎都被戰火破壞
所以依家見到既建築物
基本上都係戰後重建而成

門口有個大鳥居

可惜早左少少黎
睇唔到一年一度既波上宮例大祭
據說祭典期間可以睇到相撲同拔河比賽
仲有得唱埋K

樓梯隔離仲有條車路去停車場
如果有揸車可以直接揸埋上去
連行幾級樓梯既體力都慳返



波上宮係廿四小時開放
不過賣御守同繪馬既地方只開朝九晚五
過到黎已經4點幾
即刻衝去買返個御守先


買完御守又順手抽下籤文


短短地既參拜道


最後行去本殿參拜

雖然唔知參拜係咪真係有用
但係唔如意既時候總係想搵下神明庇佑
於是跟足步驟誠心祈願
當下既願望最後驚險地實現了
下年要去哂今年拜過既所有寺廟還神先得

波上宮其實好細
十分鐘左右已經行完
跟手去埋隔離波之上海灘望下海

首先經過波之上駕駛學校

揸車黎講
香港同日本似乎都係填鴨式教學
學完都唔代表真係識揸.....

跟住行上天橋



行上頂見到即將要去既海灘
同埋山崖上既波上宮


呢個沙灘啲海水都幾清
由高處望落去都仲見到水底


落橋之後行入若狹海濱公園


兜左個大圈之後終於黎到波之上海灘


呢到係那霸市唯一既海灘
可惜唔容許玩火
想玩下煙花既話
唔通要南下或者北上先得


由沙灘望出去係一條天橋
呢個設計都幾特別

岸上有得賣沙灘用品


沙灘不遠處泊左幾架小食車
都係賣下小食、雪糕同飲品為主


行到個人熱熱地
最岩就係坐喺石壆上面
一邊吹住海風一邊啪返碗冰

左邊驟眼望落去以為係可樂味
點知原來係酸酸甜甜既梅味
夏天食啲咁透心涼既野就岩哂
不過兜冰溶得好快
食到一半已經滿瀉咁濟
右邊藍色嗰兜係藍色夏威夷味
聽聞係食刨冰既不二之選
每間鋪頭口味都唔一樣
不過今次食到既係藥水味
我都係專心食返手上既梅味冰啦

自己跳樓既士多啤梨


食左大半碗冰
突然有一男一女走埋黎
話要送上祝福、淨化心靈
然後請我地瞌埋雙眼
跟住噏左一大堆野
又感覺到頭上好似有野郁下咁
好似隔左一兩分鐘之後
就話可以擘返大對眼

完成所有儀式(?)之後
嗰兩條友問我地中間有冇感受到乜野
其實過程中就乜都感應唔到
不過出於禮貌就話好似放鬆左少少
點知條仔就盛意拳拳
想邀請我地去佢地所屬既教會
我地唯有表明由海外黎旅遊
同時拒絕佢地既好意
好彩佢地都冇乜野
笑住祝福我地旅途愉快之後就走左

現場仲有其他人接受嗰pair人既「祝福」


事後search返附近既教會
估計嗰對男女係天理教派出黎招攬信徒
個人唔太肯定算唔算係邪教
不過可以肯定佢既規模都唔細
喺日本甚至海外都有唔少信眾
估計佢地都唔會喺大街大巷做奇怪事掛
只係人生路不熟又語言不通既情況之下
突然被陌生人祝福
感受到既係驚多過喜
所以拿拿淋食埋淨低既冰之後
就急急腳離開沙灘了

離開沙灘之後
行左去隔離公園睇喵


仲有好心人幫貓貓整左個安樂窩


兜左個圈之後行返樓梯上波上宮



附近有好多無料案內所
可能未正式入夜，感覺都幾冷清


唔係好想行回頭路
決定行二十分鐘去旭橋駅



由旭橋駅望出去
唔知點解會諗起屯門臭河

幾寫意

酒店幾靚

沖繩真係好正

太陽落山後係時侯要搵地方kill time
搭幾個站去小祿aeon mall就岩哂
地點極度方便
一出車站有天橋直達
仲開到夜晚11點
食完晚餐再直落shopping都仲得


去到首先行下daiso同睇下衫 (冇圖)
買完一輪退埋稅去左食くら寿司


黎食くら寿司最主要係想測試自己既運氣
食夠5碟可以抽一次獎
結果第一次抽就中左卷鬼滅膠紙



壽司質素平平，勝在幾抵食
連稅先115円一碟
右下角既吞拿魚盛合都係1000円有找
納豆壽司有伏，千奇唔好嗌


用米發酵而成既汽水
飲落有少少似可樂，幾得意


期間限定既royal級芒果芭菲

上面有個芒果雪芭
底層白色嗰d係杏仁豆腐

大鄉里第一次見到餐廳有得自助付款


無添くら寿司 イオン那覇店
https://tabelog.com/okinawa/A4701/A470101/47028640/

請求燒肉舖名

天理教派即係之前槍殺安倍個條友個教會
韓國人開既邪教黎
睇日本新聞而家佢地全面聲討緊

而家5.25算
平撚到

西都咁，10yen都貪，垃圾泡菜人

去嗰陣5.8算
不過都係抵

食完飯轉戰超市
到底點樣將堆購物籃疊到高過人


超市格局同香港差唔多
不過大好多同多野睇好多


仲有一大堆黎到沖繩唔少得既海鹽


行到閂山先捨得走
最後買左三大袋返歸


買到要搭尾二班輕軌返酒店


搭到某一個站
無啦啦聽到車外有個大叔大叫一聲
之後地下多左枝未熄既煙頭

呢個舉動驚動左車站職員同運轉士
幾條友一齊去到月台圍住條煙視察兼密密斟
擾攘咗幾分鐘之後
終於有個職員一腳踩熄枝煙
已經燒到張黃紙黑左一撻
跟手準備開始寫report
同時架車亦終於開走左

返到酒店放低戰利品之後
打算去附近便利店買宵夜
點知竟然落狗屎
仲係有遮都會濕撚哂嗰款


不過都無阻食宵夜既決心
轉眼間已經濕住身走入lawson買奶昔飲

青提奶昔好甜好漏唔太好飲
但係入面啲啫喱幾好咬

點解最想飲既菠蘿味咁快賣哂


過左十幾分鐘買好哂野
準備返酒店嗰陣
雨就突然停了
原本匿埋哂既人都出返哂黎
飲酒既繼續飲酒，拉客既繼續拉客

直到離開沖繩之前
個天都冇再倒水
嗰陣專登買把透明遮黎托柒
最後仲要唔記得拎返香港

返到酒店即刻衝入浴室浸返個熱水浴
想講一邊浸一邊食雪糕真係好撚正

Day 2 完

Day 3

朝早食返前一晚買既mister donut做早餐

冬甩面鋪滿哂糖
咬落一粒粒好邪惡

又hea到兩點幾先捨得出門口
原來星期日下午既國際通會劃做行人專用區


今日想行下首里城
於是又搭單軌
二十分鐘後就去到首里駅
一落車明顯感覺到係個鄉下地方



落車後行左一公里路
終於望見首里城既蹤影


再行多五分鐘終於到公園門口

行完呢二十分鐘路程
未正式上山對腳已經攰了
開始後悔冇渣車了