[遊記] [非自駕] 四日三夜快閃沖繩

留明
我都唔敢出動個雪藏牌
但又想去沖繩

我報團都6日5夜
兩位都係大佬級

食完野就繞場一周
周圍都係白色小屋同階梯



雖然純白建築群佔地唔大
但係無論行到邊到都係一式一樣
好容易會盪失路

最底嗰層有個足湯
據說係用緊地底抽取既溫泉水
不過天氣唔凍就冇浸了


跟住行左落草地諗住影下日落



望多兩望呢個畫面有啲似曾相識
一個海邊既大草坪
邊皮種滿棕櫚樹
差啲以為自己去左浩和街

現場都聽到唔少港女話呢到似屯赤
不過都無阻一眾女士打卡

如果嫌草地景太多屯赤味
可以行多幾步落沙灘
屯赤附近咪一樣有沙灘，仲要打孖上


再普通既景色
有鹹蛋黃都會自動加十分
何況呢到有大海襯托住
即刻加到爆哂分




正值黃昏時分
走過既每一處都風景如畫


竟然有條友企喺海中心釣魚


眼見唔少人都係揸住架車黎到海邊
散下步、放下狗
或者買杯野飲坐埋一二邊吹下水





旅遊景點總係鍾意擺個地名出黎俾人打卡
呢到都唔例外


瀨長島內唯一既酒店
正正就喺巴士站對面

酒店入面仲有得浸溫泉
如果想休閒地享受海天一色
喺到過返晚應該係一個唔錯既選擇

姐係點

搵師傅補2堂已經足夠
沖繩真係易揸到仆街 除非你而家手腳完全唔協調

9日果個基本上可以一次玩盡
4日跟本就快閃, 好趕

我兩隻都接受唔到

去到沖繩自己慢慢揸當補鐘算啦
沖繩真係勁易揸，d路又闊又直

留名 啱啱去完 但無去首里城

我驚佢雪到連點起步都唔記得
最安全補2堂啦 幾舊水買個安心

支持樓主
我都好鍾意沖繩呢個地方, 生平只去過1次, 一定會再去.....上次去都係冇揸車, 同朋友玩足8日7夜
想知樓主day 1 見到既street kart 咩價錢, 一直想玩

話說有個friend真係考完牌都冇揸過成十年
都膽粗粗去沖繩揸
唔好講起步連撻車都唔識
不過之後佢都話輕鬆揸

以前都試過步兵去墾丁搵巴士搭
係好唔方便但都叫做去到
不過有d位都要行出行入先到

你入禁區冇用到自助部機



登機部機都唔會用到

冇記錯大約500蚊港紙
如果成班fd一齊揸實好開心

但係用馬路玩, 想知淨係跟前車行定真係可以俾油鬥快先
兩個完全唔同既感覺黎

加油 CHING

日落過後搭巴士返國際通
半夢半醒之間
突然見到夕陽西下啟航既郵輪
成個畫面靚到

肉眼睇個天再橙啲同暗啲
同閃閃發光既郵輪對比再明顯啲
比起睇相震撼好多

回程用左半個鐘左右就返到縣廳前

落車既時候要準備現金找續
但係嗰刻仲未瞓醒
唔小心跌左個10yen落地下
正諗住烏低身執返個銀仔既時候
前面條泡菜妹已經九秒九執起左
心諗佢咁好人既時候
條女竟然自己靜靜雞袋起左嗰10yen
將個銀仔據為己有
屌佢老母幾毫子都偷
有冇咁窮啊

一切發生喺電光石火之間
同另一半都呆左一呆
你眼望我眼唔知點算好
但係一來個個都落緊車唔想阻住人
二來唔想為左一蚊幾毫大開殺戒
唯有默默拎多10yen出黎磅水

即刻要買件炸雞下返頭先啖冤氣

family mart既炸雞一如既往地外脆內軟
入面既雞肉一咬開就爆哂汁，勁juicy

炭燒雞脾肉又係好香炭燒味

好耐之前都試過靠巴士去墾丁同宜蘭
行到腳都斷

仲諗住睇樓豬自駕,想學野

會唔會係佢以為自己跌左

食完件雞就去食晚飯
雖然上次旅行已經食左三餐燒肉
但係另一半似乎都未夠喉
返到香港兩個星期已經想燒
呢個時候要好好滿足下佢既燒肉癮

去到燒肉鋪
可能係普通座席咁岩冇位
店員竟然開左門口附近既包廂俾我地坐
入面擺左一堆漫畫同figure


仲有個牛牛咕𠱸


一坐低冇耐就擺低左幾款醬汁
有燒肉汁、鹽醬同辣汁


前菜係咖哩牛肉飯

個汁好甜好香肉味勁送飯
牛肉亦燉到好軟好淋
但係不致於碎開哂，或者溶哂入個汁到
好味到極速食清光

和牛他他
上面一條條黃黃地色嗰d係蘋果絲
連埋蛋黃、麻油、花生同紫菜撈埋一齊就食得


雖然係生肉，不過完全唔韌
仲好滑好香麻油味
蘋果絲咬落脆脆地又甜甜地
正好平衡返入面淡淡既鹹味
同埋生肉偏軟既口感

蕃茄沙律

主要都係想食下菜
同埋中和下牛肉既油膩感
點知入面有生洋蔥，少少辣又幾刺激

菠蘿果汁酒

呢杯野係餐廳推薦單品之一
另外有無酒精版
用左沖繩出產既菠蘿汁
再加幾舊清甜既菠蘿肉
超級無敵勁好飲
吞左落肚之後仲有少少酒香回甘
好容易令人一飲再飲，無法自拔
不過菠蘿酒好似係季節限定
過左季會轉其他口味

小弟有一次落暴雨去 直入唔洗排隊

會長盛合
故名思義就係店長當日推介既牛肉
有牛舌、肩胛肉、橫隔膜肉、大脾肉等等

除左右中舊牛腩超多肥膏好油膩之外
其他都好好食
個人最推薦係橫隔膜肉
牛味夠濃又軟熟

另外單嗌既牛舌

呢份係舌尖位置
人生從來未食過咁嫩口既牛舌

阿古豬豬頸肉

燒到焦焦地勁香脆
不過就食唔出有咩咁特別

荷爾蒙盛合 (安全版)
由左至右分別係牛沙瓜、下巴、牛小腸同牛肝

四樣當中最易入口係下巴
下巴肉冇乜脂肪，食落比較彈牙
除此之外同普通肉冇乜分別
牛肝口感同豬潤無異，一樣咁軟綿
相信有食開都唔會抗拒
牛沙瓜即是牛既第四個胃
面頭有層薄薄既油
燒走層油之後都幾好𡁻
最後係切到成粒丸仔咁既牛小腸
外面白色嗰層係厚厚既脂肪層
就算燒完咬落口都會爆油
油膩到差少少就反胃想嘔返出黎

牛小腸太多肥膏
燒到個火旺一旺
乾燒左一陣個火都冇減弱既跡象
搞到要搵店員黎幫拖


呢個特殊部位盛合
除左安全版之外仲有危險版
直覺覺得會由一堆千奇百怪既部位當中
揀返幾個黎做拼盤
即係膀胱直腸睾丸子宮等等既極品
呢啲咁刁鑽既東西
都係留返俾識食之人啦

雖然呢間燒肉唔係主打食沖繩牛
不過分類好仔細，而且有好多稀有部位
重點係好多都好好食
尤其係牛舌同自家調製既酒
雖然兩條友連埋加一食左接近二萬羊
遠遠超出預算
不過下次再去沖繩既話都會想翻啅

肉の変態集団 疾風ホルモン 久茂地本店
https://tabelog.com/okinawa/A4701/A470101/47007248/

返到酒店再食甜品埋尾
首先係牛奶同雞蛋布甸

兩個都好好食
好滑好動L，而且唔太甜
食完有少少欲罷不能，好想食多個

仲有早排香港都有既哈根大師雪糕

布甸味做得唔似，焦糖味太重
寧願食返真布甸好過

Day 1 完