(神作對決)鋼之鍊金術師VS進擊的巨人

227 回覆
1163 Like 245 Dislike
2023-09-20 21:48:24
巨人完全爛左尾啦，畫功越畫越差，故事爛哂
作者應該係傻左，靠動畫先至救番小小
2023-09-20 21:56:23
經典大場面戰鬥數量同質素
進擊的巨人基本完勝所有動畫.

進擊的巨人有幾多經典大場面戰鬥??
鋼之鍊金術師有幾多經典大場面戰鬥??
2023-09-20 22:24:12
on9仔
用數量同規模黎區分係咪神作? 咁套套高達打撚到上宇宙咪套套都神作呀?
2023-09-20 22:52:19
見你講第一季好睇 即係睇動畫 但動畫第一季第8集已經知艾倫可以變身巨人 連第一次贏巨人封城門都係靠艾倫變巨人 想問下你點樣覺得第一季好睇但又覺得艾倫變身之後就無聊？ 同埋艾倫識變身之後根本就唔係神仙大戰 佢都係一直輸 而且每次人類都係慘勝

漫畫早期個陣 作者講過啱啱畫到艾倫變身 好多人屌話變左超人打怪獸 但佢覺得如果唔係畫自己想畫既野 就唔係自己既作品 而事實都證明左佢應該堅持自己想畫既野

通常講得出得第一季好睇既人 大多數都係因為嗰陣跟風睇左第一季 之後因為隔左幾年先出第二季 熱朝過左就冇再追

我就覺得巨人係越後越精彩 好似旁觀者個集咁 講返個教官點樣以旁觀者去睇艾倫佢地嘅故事 同時收返啲伏筆 成集文戲都可以好好睇 不過我諗你應該睇都冇睇過第二季打後 淨係有睇臥底自爆個集應該都唔會講得出後面無聊
2023-09-20 22:53:01
真係要揀既話，我會投巨人一票
因為佢係呢一代既現象級作品
2023-09-20 22:57:28
都係個句啦 真唔真正哲學 有冇深度 有時係睇讀者水平 同埋睇你有冇仔細研讀 有人講過 睇老夫子都可以講海德格至少係哲學探討方面 我覺得巨人同鋼鍊唔會有咩差距
2023-09-20 23:05:34
唔係掛 善惡雙線發展得Levi 同Jean都講得出 巨人成套野就係講兩難局面 講班角色有幾掙扎 你就話佢地機械人 話一就一？ 咩人造人經歷值得人同情 咁萊納 同個班榮譽馬萊人就唔值得同情？ 睇到海既另一邊咪知大家都有血有肉
巨人甚至冇所謂嘅反派 即係你講嘅完全嘅惡 睇嘅就係觀點同角度 你都係唔理性咁分析既偏執撚
2023-09-20 23:06:52
爛唔爛尾可以討論 但講畫功越黎越差我好懷疑你有冇睇晒漫畫
2023-09-20 23:10:10
我都覺得巨人都係一套現象級作品 其實鍾意一套都唔一定要屌另一套 我心目中00-10年嘅代表係鋼鍊 10-20年嘅代表係巨人 兩套對我嚟講都係經典
2023-09-20 23:13:07
收皮啦

所謂嘅哲學啟發唔係帶出討論咁簡單，係帶出一種新嘅思考方法呀，以前正義思辨咁hit就係因為佢唔淨止舊調重提而係有新嘅切入點去討論一啲講到爛嘅議題

巨人咪就係正正係用頭幾季鋪個議題，到人人期待佢有咩新討論方向嘅時候，就由艾倫把口同你講我也不知道囉，有探訪同有深度係兩回事
2023-09-20 23:15:52
嘩你完全倒果為因喎

如果要用讀者自己造藝去評論個故事有冇深度，咁即係是但搵條茂利畫個蘋果畀個物理學家睇，物理學家聯想到萬有引力所以嗰幅蘋果就好有深度？

問題係巨人淨係不停將「自由」掛喺嘴邊然後啲人就覺得講緊自由意志好犀利，然後又有意無意影射現實政治令人覺得佢政治味好重，但明明講故能力上兩樣都掂唔到咩真係稱得上哲學／政治嘅位同其他王道波嗰種中二病冇分別（op之類）。 即係一條友冇基礎地去思考，就算諗幾多諗幾耐都唔一定會（in this case 我會話諫山創係「唔會」）將嗰啲所謂思考上升到哲學層次。
2023-09-20 23:22:03
戰力系統：鋼鍊＞=巨人
事件邏輯：鋼鍊＞＞巨人
哲理思維：鋼鍊＞＞＞巨人
……
可以話鋼鍊係唯一毫冇缺點嘅史詩級神作，每個人睇都會有唔同嘅領略，反映咗好多社會／政治／科技嘅爭議……
2023-09-20 23:33:48
第一季 艾倫變身後無聊足17集 但又好撚好睇？
2023-09-20 23:36:18
個人會揀巨人，鋼練對我黎講係各方面都寫得好完整嘅熱血漫，但巨人嘅世界觀真係宏大好多，由最初人類對抗巨人，到慢慢發現牆外嘅秘密，格局上升到國家同種族問題，最正係後期你知道左呢d真相之後諗返開頭嘅章節，發現原來伏筆一早已經埋好晒，全部野都一次過解得通，真係好精彩，好似作者由畫第一集開始已經諗好晒故事咁

打戲好睇唔多講，劇情好多都深刻，例如第一季艾倫選擇信隊友結果兵長小隊團滅，馬萊雙人組爆自己係巨人，兵長痛苦二揀一，吉克身世，艾倫搶戰錘巨人etc.. 結局係收得一般，但我又唔覺得係爛尾，會覺得少少可惜但我都唔知地嗚可以點收科
2023-09-20 23:38:50
鋼鍊OP ED都贏唒
2023-09-20 23:45:45
我係講你睇一套作品有冇深度有時有自己嘅偏見 詮釋學本來就係咁 而巨人係我睇點都有做到哲學討論 存在主義一樣有 第一集艾倫俾老豆點解咁想出去城牆 佢嘅答案都已經點左題 而去到團長個演說更加係將存在主義 仲有人作為群體嘅集體存在 做到極致既解釋 消極自由 積極自由 巨人入面一樣有探討
我當然唔係話樣樣都可以解釋到哲學 但你冇花時間 或者你唔鍾意套野就緊係唔會有深刻既感受
2023-09-20 23:52:31
你班爛尾撚咪就係個班冇討論空間嘅人囉 淨係地嗚應唔應該發動 應該殺晒定殺幾幾多 安樂死計劃好唔好？ 明顯已經有好多爭議 已經帶黎左好多討論 艾倫講我不知道只係佢對現實嘅無奈 並唔係真係唔知 哲學咪就係將問題帶出 然後一齊討論 成班柒頭就咬住艾倫最後變柒頭 咩都冇改變 你最後答唔答到電車難題咪又係咁應該揀邊一面？ 地嗚都冇唯一最好方案 一套作品有咁多討論就係有佢既價值
2023-09-20 23:54:36
鋼鍊 無拖泥帶水 完勝
2023-09-20 23:58:03
好似上面個巴打話齋，有探訪同有develop 係兩件事

佢可能有quote 下啲xx 主義金句，但根本睇唔到佢點用個故事哲學地探討提過嘅道理，套套漫個主角都係要自由，都係與眾不同，都係正邪大戰又有時正邪倒轉，都係有班人受敵人壓迫要解放㗎啦，咁到底阿諫山創想講啲乜？


所以先話冇基礎嘅人見到佢講兩下自由就覺得好犀利
2023-09-21 00:03:12
鋼鍊，諫山狗鐘意玩讀者，
特登寫爛個結局撚狗引人屌
2023-09-21 00:22:10
一嚟哲學入面電車難題你揀邊一面都唔係話應唔應該，而係你揀邊一面都有道德矛盾；二嚟正義思辨裏面嘅電車難題亦完全唔撚係想同你探討應該揀邊一面

個情況就好似我反問條出題友，如果五個人係你loved one，另一個係唔撚識嘅乞丐，你會揀邊一面呀？正常人都會揀死個乞丐啦，無context嘅情況你呢條電車難題根本就無意義嘅

正義思辨個作者話你知大部分道德難題係fixed context嘅原因就係唔想你有咁多如果，只係想好純粹探討你到底會揀死一個定死五個嘅outcome之間嘅道德矛盾

講返巨人，你講得啱呀，原本地鳴應該係個矛盾位去比讀者討論，但係依家艾倫鳴鳴下stop撚咗，個outcome都未撚出，轉個撚頭愛與感化就和平共處咗，咁邊撚度有矛盾討論點啊
依家唔洗你揀死一個定死全部，諫山創話埋比你知艾倫係小丑，個討論點變咗點樣用愛發電呀
2023-09-21 00:33:25
2023-09-21 00:42:44
2023-09-21 00:44:03
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞