(神作對決)鋼之鍊金術師VS進擊的巨人

唔記得邊個外國動漫評分網
鋼鍊依家好似仲係第一名

井多少少

從來唔覺得巨人係神作
集集都整幾幕 成班人痾唔出屎便秘樣
好地地打巨人又要講到超越時空

依啲叫反串

論漫畫, 巨人畫功真係唔夠鋼鍊
巨人會有面盲嘅情況,打鬥分鏡都唔夠成熟

吓巨人最撚好睇就係未認定巨人係人變嗰陣喎人類面對巨人嘅恐懼感 同埋點鬥志贏巨人係最好睇 由艾倫變巨人嗰刻就開始變神仙大戰 好無聊所以第一季好撚好睇 由第二季開始已經變曬質

到最後面已經好左，成個前中段真係屌你老母個撚個一樣樣 每次一驚恐樣就唔知佢係乜水咁大個人都係第一次睇漫畫係唔係兩個角色太似樣唔識分 而係個個都唔識分

鋼啦

成套嘢冇bug
收哂所有伏筆
用自己度門（鍊金術）去等價交換返細佬
呢個結局堪稱漫畫界最好嘅結局之一

如果要挑剔嘅
都係樓主講嘅戰鬥場面
愛德華次次都係用手刀

其實手刀都冇乜野 角色要有iconic 武器好緊要 好似鳴門次次都係螺旋丸一樣 劇情舖排得好戰鬥都可以好好睇 招式多少冇關係

有啲浪費左佢嘅能力
明明佢可以鍊成任何嘢
但次次都用手刀埋身戰

第一季個個都識變巨人嗰陣好多人屌，之後第三季收伏筆就上咗神枱

開頭有用下矛,之後差唔多結局先再用

我覺得作者浪費左鍊金術戰鬥系統,環境,物件有咁多唔同成份,元素,根本戰鬥可以更多變化,不過大總統戰鬥好有迫力

邊忽哲學深好多層？ 巨人鑽牛角尖唔等於哲學深

由真理開始到七宗罪人造人，等價交換，一即是全，仲有最尾想成神嘅瓶中小人，再「打破」等價交換，一整套神學思考 + 存在主義嘅探討貫穿成個故事，哩啲全部都係真正哲學問題嚟

因為戰鬥唔係重點 鍊金術係一個「人類以為自己能夠得到神嘅能力」嘅符號

證明牛媽由始至終都好清楚自己想講嘅故事係乜

都真 不過都唔反對鍊金術嘅設定的確可以令戰鬥有無限可能 可以寫得更加精彩

寫太多嗰啲無限可能就會崩晒佢想傳遞嘅思想，淨係紅蓮同上校兩個爆爆爆都夠晒威

由人體鍊成失敗，到用妮娜質疑鍊金術嘅能力，喺泉師傅口中叫兩兄弟唔好乜都靠鍊金術，到最尾小人妄想成神，其實一路係踩緊鍊金術 咁樣仲點會寫咁多能力出嚟

冇爭議

鍊親D武器都好弱
考試鍊左支槍比大總統一野斬爛槍頭
打蘭芳鍊支鐵棒比條頭帶整斷
後期手刀上碳化反而最岩佢 可以屈速

鋼鍊真係少數世界觀玩到咁大 設定又咁繁複 角色又咁多之餘 但每一part都handle得好好嘅作品嚟
常見嘅收唔翻伏筆 戰力崩壞 設定矛盾呢啲
以我所以鋼鍊直情係冇 成個故事仲要勁流暢

你講03定09先
09個政治環境都叫畀小學生睇嘅建議你睇返天使得得b

一個雲尼都贏晒啦

鋼煉太完整
宜家套套出名既都攞黎同鋼煉比
證明鋼煉仲係天花板

巨人粉自high打飛機？巨人最大問題係所有野都比作者寫到‘咁發展係理所當然’ 角色感情係有但極之單一 全部人嘅思想都好極端 得Jean 係正常人寫到一憎恨就係永遠嘅憎恨 所有角色動機都用劇情去解釋到‘合邏輯’ 但係人唔係機械人 係有感情 唔會唔係一就二 有善惡雙線發展嘅角色就只有Levi同Jean 成班主角群都係怪人角色描寫已經比鋼鍊完美屌打 人造人都非完全嘅惡 佢地嘅經歷係會令人同情 故事收尾就更加冇得比 巨人係我睇過世界觀咁龐大而最撚荒謬嘅結局同你講Mikasa用愛嘅力量殺左艾倫 前面講到幾理性幾多伏筆都好 最後作者同你講用愛打破一切 你所講嗰啲哲學政治全部係笑話Cls劇情以為睇緊細佬仔童話故事作者都同你暗示左咁理性分析睇巨人嘅你係on9你仲敢吹奏佢哲學意味 都幾撚柒