(神作對決)鋼之鍊金術師VS進擊的巨人

兩套都係公認神作,都係屬於同一類漫畫
兩套都有出色而獨特既世界觀,出色既戰鬥系統,大量金句,名場面,要熱血有熱血,要感人有感人
兩套既愛情線都係比較少,角色既愛情都係含蓄,似舊時社會既愛情

個人認為
結局-鋼鍊>巨人,巨人結局爭議性大,而鋼鍊好圓滿,好感動,好正面

戰鬥場面-巨人>鋼鍊,立體機動裝置好出色,仲有巨人戰鬥,而鋼鍊戰鬥系統理應可以刻劃得更好,偏向鬥智,不過大總統戰鬥係好睇

感情線-鋼鍊>巨人,愛德華/雲尼,上校/中尉完勝艾倫/三笠,阿明/阿尼,女王/農夫




整體黎講邊套好啲?
鋼之鍊金術師
進擊的巨人

細個睇鋼鍊覺得好神，大個重睇一次覺得鋼鍊比較適合小學生～中學生睇

但巨人係for大人睇嘅

鋼鍊

巨人收尾唔岩我心水
唔係話悲劇 係收得唔好

鋼鍊結局雲尼話成日係屋企既男人好無聊,作者去到結局先咁樣串班毒撚

前半巨人嬴, OVERALL鋼鍊嬴

有冇人覺得傲慢同大總統關係描述唔夠,傲慢本身係大總統大哥,但平時又要扮佢個仔,佢對同伴又冇感情,但臨死時諗起全家福又有大總統份,咁佢係唔係當左大總統係阿爸?

鋼鍊最出色嘅地方係完整度

個主線故事完整
每個主要角色各自都有完整嘅發展

巨人開頭悶，係第二季尾先開始有睇頭，第四季又悶過
鋼鍊由頭好睇到尾

鋼鍊用而家標準其實無咁高分故仔普通, 不過佢設定收得好
巨人就哲學政治等等野都深好多層, 不過個尾少少柒
巨人略勝一籌

鋼鍊用而家標準其實無咁高分故仔普通, 不過佢設定收得好
巨人就哲學政治等等野都深好多層, 不過個尾少少柒
巨人略勝一籌

我就係想表達呢個意思

巨人 公認神作???????????

有咩哲學?政治?
睇巨人到結尾係睇故仔完 冇任何寓意係入面 只係普通陳述文

巨人集集都死人，睇見都慘

我投鋼鍊
故事完整程度滿分，每個事件環環相扣，最後集結成一個大結局，對應返鍊金術嘅一即全，全即一
角色唔使多講，人物描寫得恰到好處
個個角色都有佢嘅作用但你又唔會覺得佢哋係工具人
巨人其實都接近鋼鍊嘅水平，喺政治、宗教、歷史、種族等議題都有探討下
但後期馬萊嗰啲新角色有啲工具人feel，同埋結局嗰集強差人意，所以我會覺得佢差過鋼鍊少少

重睇啦。。。

咁睇故事又唔洗下下都哲學書上身嘅
鋼鍊就係一套教材級熱血漫，有血有淚

same thought
要完全收返哂每一個伏筆仲要唔係夾硬而係環環相扣
呢件事本身已經難 牛媽完美達成
成個結局完得有少少急 但最後答案簡單而直接
用自己鍊金術嘅門同知識 去換返當初被換走嘅野

一個鍊金術嘅終極天才 最後用唔到鍊金術
同樣緊扣作品入面對神嘅行為模式 - 給予相對的絕望
但對兩兄弟黎講係重生嘅希望 真正戰勝了神

巨人的確係探討好多不同嘅議題
但睇得出有不少部份都係唔完整的
最後啲角色都有好多流失左喺故事洪流當中
整體黎講一定係冇鋼鍊咁完美 完成度都冇鋼鍊咁高

當有新作品都係搵鋼鍊做比較多
就知道神作一直都係鋼鍊

巨人 純粹個人喜好 巨人個世界觀更加宏大 同埋劇情上好多位都令我覺得好震撼 至於深度 哲學探討其實有時係睇個讀者點解讀 有冇細讀作品 巨人對我而言 係有哲學上啓發 存在主義 同埋個種面對兩難嘅處境都令我好深刻

巨人對我黎講一直存在呢D問題

首先係故事邏輯問題:
故事用前9成時間寫牆內人同生共死到發現真正敵人, 到結尾對2個馬萊小朋友同對舊識艾倫派既態度對比上黎完全唔合邏輯;
仲有艾倫唔知始祖揀上三笠原因, 唔知滅世可唔可行/有冇另一條路, 唔知自己死後阿爾敏會唔會真係受牆外人推祟, 係一問三不知 完全唔知起因經過結果既情況又唔同至親好友商量鳩行落去殺人, 根本係白卡佬既思維

設定唔完整 伏筆求其
始祖點解會認為三笠係獨特例子呢樣係連登嘈到口臭都冇人答到, 姐係作者話係就係, 仲有條蟲又係 擺明後加上去, 好明顯係因為要消取巨人之力而又諗唔到咩合理方法而設計出黎, 簡單黎講又係作者話係就係, 類似問題係條蟲點繁殖? 點解殺左艾倫果條蟲就代表全部巨人之力冇哂? 呢個世界會唔會有第2條蟲變18大巨人? 講到呢度一定有人同我講設定係作者定 聽故唔好駁故 咁係咪好故仔

三係有中心思想爛尾
我之前都反駁過 巨人只係帶左自由同種族問題, 結尾作者根本冇寫到佢自己睇法出黎, 只係完左個故就算, 有人就反駁打稻草人話畫漫畫要識救世; 我想講既係 依家唔係要佢俾方案救世 係巨人呢套野係點左 自由 / 族種呢個命題最後又啟發唔到觀眾; 金庸寫郭靖同蕭峰2個「俠」都可以帶出佢自己套大中華膠思想俾觀眾, 至與觀眾贊成與否係呢一回事; 巨人係最後只係完左個故根本冇啟蒙到我 可能係我本身對佢要求太高啦

最後再講多次
結局係好撚重要 係故事最重要一環,
結局係好撚重要 係故事最重要一環,
結局係好撚重要 係故事最重要一環,
如果爛尾都可以叫神作, 鐵血孤兒 東京食屍鬼 連黎緊既咒術迴戰 只要開頭夠精彩夠神 虎頭蛇尾都可以稱神啦 無限點題 寫到天花龍鳳好多作者都得, 有冇能力自圓其說先係考驗作者同套作品

係我眼中巨人絕對唔係糞作, 但一定唔會係神作級別

睇完鋼鍊成個人會好滿足
覺得個故事劇情推進既節奏同個結局埋尾都做得好完美
巨人去到後面真心有種大暴走既感覺
個作者控制唔到個節奏

鋼鍊由頭神到尾
巨人後尾爛
冇野好比

你唔發覺7個人造人既死前感想都係自己代表既另一面？