武藤遊戲
2023-09-22 17:29:40
是咁的
前幾次用App約女出街都溝唔到,原因係因為大家用嘅電話唔一樣。
我帶Apple嘅時候,條女咁啱係用Android;我帶Android嘅時候,對方咁啱係用Apple。
最後條女拒絕我嘅理由都係:道不同不相為謀。
所以呢次出街為咗萬無一失,我同時帶咗Apple同埋Android。
我將兩部電話收埋係袋入面,我嘅計劃係:條女用邊部,我就拎邊部,盡量保持一致。
但係我都知道事情肯定唔會咁簡單,條女都可能會同時拎出兩部電話,咁到時點樣判斷對方嘅立場?
其實唔難!只要觀察條女點擺兩部電話。
如果兩部電話疊埋放就睇下邊個壓住邊個。
例如Android喺上面,表示Android壓住Apple,暗示條女更支持Android。
如果佢哋左右並排,位次都有講究。喺華人社區,左為尊;喺國外,右為大。
透過呢個規律都可以判斷條女嘅立場。
我入咗間Starbucks,全場得一個靚女坐咗係到,不過枱上面冇擺任何電話。
我內心即刻有啲慌,唔通條女同我一樣,將部電話收埋喺袋入面?
如果我哋兩個都唔暴露身份,那點樣判斷我哋係咪志同道合?
正當我疑惑嘅時候,佢開始從袋入面摷嘢。
佢竟然摷咗部精妙嘅機械旋轉裝置出嚟,上面有兩部電話,一部Apple,一部Android;兩部電話喺個裝置度360度無規律咁旋轉緊,我再三確認,兩部電話既冇疊放,亦冇上下左右,運動軌跡處於混沌狀態。
我根本判斷唔到邊部先係佢嘅主力機。
情況開始有啲複雜。
唔通佢嘅立場係處於量子疊加狀態?
定係佢有明確嘅立場,呢個行動只係想試探我嘅反應?
唔通係一個誘餌,佢係想叫我上釣?
接下嚟,我一定要好小心,我嘅任何一個動作,都可能會暴露身份。
好在我都唔係等閒之輩,我靜雞雞將手伸入袋入面,做咗我呢世人最機智嘅決定。
呢時候,佢其中一部電話響咗,係Apple。
睇嚟,Apple係佢嘅主力機。
我喺冇暴露身份嘅情況下,探測出咗佢係果粉。
佢嘅表情由一開始嘅得意,到震驚,再到恐慌。
佢唔知我點解可以探測到。
佢好嬲好似city條友咁反曬枱,一野走過嚟,錦住咗我係袋入面嘅手。
佢尖叫咁講:咪撚扮野啦!俾我睇睇你係咩料!
佢係我個袋到捉我隻手出嚟。睇住我手上嘅電話之後佢就癲咗。
「無可能㗎!」佢癱坐喺地,摷到頭髮亂曬,「你到底係邊個?你手上拎嘅係乜撚嘢裝置?」
我講:「Nokia3310。唔係你以為我點解可以唔睇都打到比你?」
佢問:「Nokia?用Nokia嘅人係乜嘢成分?」
我同佢展示Nokia嘅開機畫面,兩隻手拖埋一齊。
我同會講:「人同人之間,應該攜手同行。電話發明出嚟最初嘅目的係為咗對話同溝通,而唔係用嚟劃分人嘅身份。」
之後我就頭也不回咁走咗,留低錯愕嘅佢,不帶走雲彩