隻戒指係魔道具黎 講關鍵詞會變色 同一對戒指既另一隻都會變色
佢係用變紅色去指示其他人放雨
第二季第十一集補充
1. 路克同盧迪嘅對話其實又係搭錯線⋯⋯盧迪以為路克係來找自己算帳,因為佢意外得知菲兹嘅真實身份(女性aka 公主替身)
;而路克單純係想問佢記唔記得希露菲。
盧迪:我已經知道佢真實身份(替身),但我會扮唔知!
路克:咩話?你知道咗佢真實身份(希露菲)仲想扮唔知?
2. 承上,盧迪呢個人嘅設定其實係政治冷感,甚至乎係討厭政治,加上佢以前做艾莉絲家教果陣見識過少少呢個世界嘅政治鬥爭。所以會見到佢極力咁迴避呢類政治鬥爭。
3. 為咗幫希露菲諗作戰計劃,愛麗兒同路克向希露菲詳細打聽佢同盧迪嘅過去,得知細個發生過意外剝光豬事件,路克明白到點解盧迪會小心翼翼咁對待得知「菲兹係女性」呢件事。
4. 承上,原作有個細節,講到剝光豬果陣,希露菲其實係好怕醜,開唔到口,然後路克好識做咁捂住耳仔扮聽唔到,比空間兩個女仔講野。
5. 愛麗兒叫希露菲意淫同盧迪嘅婚後生活,為咗再刺激希露菲,愛麗兒叫佢將啱先意淫嘅畫面換做自己情敵。然後希露菲第一時間諗起七星。佢諗到七星代替自己做晒所有想同盧迪做嘅嘢,仲去窗邊用勝利者嘅姿態去嘲諷自己。
6. 今鋪畫公仔真係畫出腸啦,希露菲同愛麗兒同路克真係好好朋友,佢哋嘅關係並不是上司與下屬咁膚淺。
7. 雖則已經好好朋友,但希露菲一直唔敢坦白自己本身係綠色頭髮
8. 小說有進一步解釋點解盧迪見到長耳族+無咏唱+後生呢幾個點都冇聯想起希露菲。
一、盧迪自卑,以為自己都做到,世界咁大,好多人都做到都唔奇,所以唔知無咏唱原來係極稀有枝能
二、見親嘅都係強者 龍神魔王神子劍王⋯⋯所以對世界嘅平均戰力有好大嘅錯誤估計
三、如果喺其他地方或者唔一樣,偏偏係魔法大學,而且係公主近身護衛,咁嘅人就算再勁都唔出奇。
9. 喺餐廳入面,札諾巴加盧迪同魔王探討緊有關人偶嘅問題,例如點先係好嘅人偶,人偶有乜咁好,幫佢整魔界大帝嘅人偶好冇⋯⋯其實就係喺度r緊贊助,希望魔王出面幫自己賣人偶。
10. 好彩菲兹有做足功課先去拜託盧迪,如果係9up 一種植物一定會比盧迪悉穿。
11. 由於菲兹強調一定要「佢哋兩個」出任,所以佢都唯有照做,希望自己可以解決到路上嘅刺客。
12. 入到森林,菲兹講到買起盧迪果刻,腦入面聯想起之前去奴隸市場啲人剝光豬企上台任人擺布嘅畫面,再ff 係盧迪剝光豬企喺上面⋯⋯
13. 拎魔杖果part ,啲對白⋯⋯大家明就明啦
14. 菲兹隻戒指係一種魔道具,佢只有一個功能,就係同另一隻對戒換顏色。算係呢個世界唯一一款即時通訊設備。所以見到菲兹念完咒隻戒指就變咗色,其實係用來通知公主已經到達目的地,可以開始落雨了。
15. 愛麗兒利用自己人脈請咗2個上級法師來做呢場雨,佢哋冇睇小盧迪係水聖級法師,中途一直有揾方法減少佢嘅魔力,包括沿途所有魔物都比盧迪打,同埋拎走佢枝法杖。
16. 菲兹就算用埋盧迪枝杖都要用盡全力先可以抵消到盧迪嘅施法,如果盧迪加埋枝杖真係落唔成雨了。
17. 有人問點解盧迪拎翻枝杖唔即刻停雨,原因係佢發現自己都用全力都阻止唔到場雨,一定係有人搞鬼,不如將計就計睇下班人想搞乜。
18. 入到洞穴,盧迪用土魔法整咗幅石牆遮風,而且特登留翻個頂罅做通風for 生火用。
19. 為咗比菲兹放心除衫,盧迪9up 咗個理由出來,講完自己都笑,心諗:如果係真嘅話咁麗潔就係一隻識行識走嘅禁忌了。
20. 幫菲兹除衫果陣,盧迪心諗:莫非呢個就係傳說中嘅仙人跳!如果唔幫佢除咁菲兹就會凍死,公主就可以出師有名,派人追殺自己;如果除咗,中途就會跳出幾個大漢指控盧迪偷睇國家機密!幫又死唔幫又死,所以盧迪選擇死前可以爽下先死。
21. 小說仲有講除希露菲手套果陣見到佢手上面嘅疤痕,令佢再一步確信佢係希露菲。
22. 其實搞咁大壇嘢都只係想盧迪同希露菲相認翻⋯⋯原本唔洗咁複雜,真係除低副超,講我係希露菲葉特呀,咁就得。
多得路克一直帶歪路線,一時又話盧迪100%已經唔記得你啦,一時又話諾托斯血統只愛大波妹架咋,你贏嘅機會係0!最後決定要重演一次2人都最印象深刻嘅情節,就係幫忙剝光豬啦!
23. 承上,本身仲有諗其他方案,例如係請一班人同時襲擊盧迪同希露菲,等盧迪英雄救美果陣就順勢相認,奈何根本冇人可以同時打得贏呢兩位高手⋯⋯莫講話打贏,連苦戰都做唔到。
24. 再承上,佢哋今次仔細調查盧迪,發現「泥沼的盧迪烏斯」唔係一個容易攻略嘅人,本身武力值高,而且人脈比想像中廣,西隆王子,魔王,S級團隊,獸族大佬,無論喺邊一方面都係攻略唔到嘅高牆。所以最終放棄所有武力方案。
25. 懶人包講多次公主三人組嘅計劃全貌
首先揾理由約盧迪單獨出來目的地
然後借機削弱盧迪嘅魔力(solo 打魔物,拎走魔杖)
跟住通知準備就緒(戒指)
開始落雨,淋濕入山洞避雨
最後靠希露菲執生。
26. 愛麗兒:如果做到咁都失敗,證明呢個盧迪烏斯冇拉攏嘅價值。