［機不可失］無職轉生 ~到了異世界就拿出真本事~第二季（7）

格劍

係我miss左定點 魯迪唔知係希露菲嘅情況下
ED慢慢好番 咁搞法其實果個係咪希露菲都冇所謂?
如果有另一個女仔換左做菲茲個角色咁對待魯迪 佢都會慢慢好番?
睇動畫又唔覺希露菲有咩特質係得佢有而其他女角冇

其實冇話一定係希露菲
之前都有暗示過佢既ED 要有新一段感情慢慢培養
先有機會好…

咁啱同學長朝夕相對轉gay 姐
點知he 原來是個girl

認真返：其實我覺得Rudy 一直覺得學長個feel 似希露菲 但又唔肯定 所以先質疑佢似女人

我覺得有似當年涼宮春日呀虛d吐槽

係咁重睇膝枕果幕
菲茲學長把聲真係勁溫柔呀

驚就唔好上，尤其係敏感嘅人，條友透左你乜？具體講來聽下？又要問又要討論又要睇雞精，就係死都唔肯自己睇小說，你用呢啲時間去睇小說一早睇完，好過上來鳩叫馬克兔圖透你同追樓主比雞精

天下本無事 庸人自擾之

咁樣算唔算blame the victim
師兄真心有撚病

係，有集有講佢以為自己對男人有反應

你自己放空頭腦，外判啲野比人，要所有人照顧你感受，保護你權益，然後雞鳩毛小事就鬼叫，有如一個女仔獨遊印度，半夜三更飲到貓左，發生乜事我都一樣笑佢on9，你咪 blame the victim 到飽，我又無損失，最鐘意睇傻人中招

有討論區似來都係咁，次次都有人發現新大陸咁

刺激

本身唔想講 但見下面嘈起來 講句公道說話

其實佢唔算劇透到你 因為小說都冇講如果直接去幫老豆會有咩事發生
可能佢去救老母就真係一世扯唔起旗然後後悔 連hehe 都玩唔到
可能佢去咗之後冇人幫札諾巴整人偶抑鬱至死
可能去咗會幫倒忙害死全家 所以後悔

所以佢話會有人死果度你可以當佢鳩up

依個po對劇透既態度真係樓主最公道

從來人人都都有唔同標準，blame 乜鳩野，我家陣覺得有人迫害216位巴打添，有份快啲出來謝罪

我都想

其實分開左動畫同原作 post
都係因為兩種都係唔同體驗黎
我都好欣賞樓主打既補充
想動畫黨體驗到原作既美好
又順便推下大家加入原作黨
（想同樓主示愛 ）

係動畫 post 俾原作黨劇透
就好似有人預知左未來走黎一齊討論咁
有啲著重劇情體驗既人就會比較介意啦
但唔代表動畫 post 就唔歡迎原作黨
有需要都可以用四重討論

利申我都係動畫黨
係動畫 post 度唔想俾人劇透既感受我都明白
但講到拎原作黨著數 又要原作黨顧感受 顧權益
又好似誇張咗啲 
只係想有個平台一齊討論
係時間線上盡量一致既情況下分享觀賞經驗

大家都有唔同既原因所以冇睇原作既
有動畫 post 都係想多啲人討論 一齊分享 一齊見證
唔好鬧交啦 super

唔係呢個問題，討論區不嬲乜人都有，有心透你跟本唔會防得到，就目前睇爆到重要野係得一個唔小心爆響口，大部分跟本無透你 or 一啲好枝節嘅野，衰啲講句op 有時透得仲多，更唔好講果啲全身 g 點，有理無理嗱住劇透當尚方寶劍咬左先算，咬錯人有無見過出來道歉？家陣白色恐怖呀？

所以我第一句問透乜？因為好多屌乜都唔知，見條繩當蛇打左先算…老實說你咁敏感咪建議你留係安全地方，合情合理呀

第二乜鳩叫劇透？邊個定義呀？你話算我話唔算邊個啱？當你定義到點執行唔比人透呀？有乜罰則呀，有心無心點計，玩到咁個討論區仲駛唔駛要？

第三，我從來無幫過原作黨，甚至我認為發生呢啲事嘅最大責任就係佢地做多左，我係劇透 post 都一樣屌過佢地劇透post 都唔知四重做乜鳩，仲要四重啲無聊野…

今時今日連啲明有劇透風險嘅都有盲毛走入去比透就嘈然後哭訴（實際上呢度早幾個post都有件），邊個錯都好難講，我係覺得各有問題，但講到底你上得呢啲地方你都要知有乜風險掛？諾蘭啲戲我都睇完先上電影post費事中招，但不幸中左招咪算鳩數，有心嘅會怕你屌咩？無心嘅咪泠處理算，費時傷害擴大

要講就係咁多，反正我又管你唔到，你又管我唔到，自己事，自己負責

補充多句，近排越來越多人追樓主比雞精，連劇透post 都有，而且越來越多要求，例如太長加四重呢個又係做多左嘅例證，只會覺得理所當然⋯⋯不過樓主可能好享受比人追，所以好多時費事多講

無你咁大愛
劇透就係劇透

再嘈扑鳩你

劇透狗一世ED

第二季第十集補充

我會出呢啲補充除咗係推廣原作之外就係想個po 少啲劇透，喺動畫黨發問之前就答咗條問題先，經過咁多集補充唔知呢個效果發揮到幾多，不過希望至少大家睇得開心先啦

1. 盧迪同魔王嘅對話唔止咁少，呢幕好重要，唔知點解會刪走⋯⋯
魔王久唔久會去指導武術，見到盧迪日日都咁勤力喺度揮劍

魔王問：你做呢啲有咩意義？唔練鬥氣係唔會變強架喎⋯⋯
盧迪同各位動畫黨都聽過好多次「鬥氣」呢個terms，但一直都冇人解釋係咩來，所以盧迪就問魔王究竟鬥氣係乜嘢。

魔王：鬥氣姐係魔力，將魔力覆蓋全身並且鎖實就係鬥氣！一般人只要有足夠多嘅緞練就會不自覺咁用到。

然而盧迪點練都冇辦法纏上鬥氣，然後魔王就話當年拉普拉斯都用唔到鬥氣，但佢都好勁。

正當盧迪想請教當年拉普拉斯點做到果時，魔王就開始動畫果段對白：變勁有咩用，溝條女好過啦！


2. 承上，呢度係全作第一次仔細解釋咩叫鬥氣，同時算係解釋咗點解劍士可以無視物理條件咁乜都劈得開又跑得快。

下面拓展多少少，大家可以諗成鬥氣係一種被動型身體強化魔法，一旦練成就可以加攻加防，而呢一樣都係成為上級劍士嘅條件之一，如果要再上到聖王帝級，就要學識控制身體嘅鬥氣，由被動變主動。

澄清少少，有人以為要到上級先會有鬥氣，其實唔係，所有人只要好似有碼巴咁日操夜操，多少都會有鬥氣，只不過有唔代表識用，上級劍士就係會不自覺地咁用到鬥氣。


3. 出面明明落緊雪，但2條友仲：天氣真好啊⋯⋯


4. 原作猩猩女更加可憐，佢驚到喊出來，然後一班同學以為盧迪要為當時猩猩女老屈自己報仇，後尾「二當家（貓狗）」出面解決呢件事。漫畫呢一幕還原得比較好，可以一睇。


5. 已經睇到盧迪已經成為學校勢力嘅頂點，即使佢唔想，但全世界都已經當咗盧迪係final boss


6. 詛咒呢樣野對當地人來講係與生俱來嘅事，冇得改變，所以聽到呢樣野原來可以轉移比物品果陣克里夫先咁驚訝，另一樣令克里夫驚訝嘅原因係因為盧迪講嘅「斯佩路德族故仔」同自己由細聽到大嘅完全唔同。


7. 記唔記得第一季盧迪想買一本關於召喚魔術嘅書？但結果有人搶先一步買走咗本書。果個人就係七星，然後佢依家將呢本書扔咗比盧迪。


8. 由於克里夫好憧憬冒險者，所以死都要跟盧迪去見識下S級冒險者。


9. 佐爾指住麗潔話估唔到你呢隻淫娃都會有安定落來一日，克里夫聽到就好嬲，先嬲唔過2秒，就比麗潔氹翻了⋯⋯但好失望動畫呢part 克里夫竟然變咗做背景⋯⋯


10. 盧迪撞到路克同「菲兹」有一刻以為佢哋兩個hehe ，加上菲兹又唔理自己，所以好hurt 。


11. 盧迪去到圖書館，又見到菲兹，加上菲兹講嘅「理由」一聽就知係提前準備好嘅說辭，所以盧迪就知道咗菲兹嘅真正身份（公主替身），然後就好識做咁扮唔知。


12. 揾副校長問菲兹性別果時，盧迪從佢嘅口吻就知道果個係官方答案，所以盧迪都冇再為難副校。


13. 二人跌倒，盧迪從手感就知道呢個一定係女人！呢個係作為非處男嘅自信！除咗腰，佢仲摸埋屎忽，如此纖細柔軟嘅body 冇可能是個boy ！！


14. 盧迪鬆一口氣嘅最大原因係發現自己唔係基佬。