基督教連登堂連登堂2023年9月10日主日崇拜：義人同不義既人都要復活

完巴我多謝你就真，有好多我冇諗過既位你提出左，咁我又諗下究竟自己有幾明，同埋之前試過唔知講邊卷書好，而家冇左呢個問題

辛苦曬！

多謝1巴特登鼓勵！

咪玩喇我得個煩字
又冇貢獻

真相好多時透過問問題愈來愈明白
好過齋聽

想知點收到call

最緊要識得問問題，即係代表緊有諗野，係一個好好既態度

12歲既耶穌就係咁。
路加福音2:46-47
//46 過了三天，才發現他在聖殿裡，坐在教師中間，一邊聽一邊提問。
47 所有聽見他說話的人，都對他的領悟和應答感到驚訝。//

如果你係問我自己點收到call，就係好有衝動中個頭埋去，冇做到又成日心掛掛咁。

如果你係問一般係點收到call ，或者你點先會收到call ，咁就唔洗幫神諗埋，佢自然有方法令到你知。問題永遠都係肯唔肯去做。通常都唔舒服架。

其實話時話，上星期個post 講緊點打仗，我走去聽道溫下書，聽到一半今日繼續，點知一繼續就講緊點收到call 既問題（我完全冇印象），我就知神又做小動作提我佢係度

咁我好有衝動離開教會，係咪都係神嘅calling
定會變左撒旦嘅calling
最後都係人決定個call係嚟自神定其他beings,包括自己？
就算refer to bible又係咪實在？例如明光社反同性戀話係上帝嘅call，有人創立同志教會都可以話係上帝call，兩者都引經據典咁講，咁上帝嘅calling有冇被誤解？

神call 人做一D野既話，件事一定係符合神心意。
有神既同在就會知道做啱。睇通聖經就會知神心意。
一定要自己睇聖經先分到，而且得出黎既結論係要受得起聖經既批判。

（1）離開教會

離開呢個動作本身係中性，個問題係：出教會，入邊度？

彼得前書2:9
//9 然而你們是蒙揀選的族類，是君尊的祭司，是聖潔的王國，是屬　神的子民，為要叫你們宣揚他的美德——他召你們離開黑暗，進入他奇妙的光明。//

咩係黑暗，咩係光明，神面前係唔會搞錯。神既同在會係光明果邊。
教會黑暗唔係未試過，所以500年前，有人離開教會建立改革既教會，可以係神既calling。
如果離開教會，係為左過討自己喜悅既生活，咁係唔會光明左，咁就唔係神既calling。

耶穌在世果時，猶太宗教體制都好多黑暗野，耶穌將問題指出左，天父一直同佢同在。

（2）明光社

我冇細心研究過「明光社反同性戀」實際內容係咩。我第一時間諗到三段經文：

哥林多前書5:12-13
//12 審判教會之外的人跟我有甚麼關係？難道你們不審判教會之內的人嗎？
13 至於教會之外的人，　神會審判他們。你們要把那邪惡的人從你們中間趕出去。//

利未記18:22
//22 你不可和男人睡，像和女人睡一樣，這是可憎的事。//

馬太福音5:13-16
//13 “你們是地上的鹽；如果鹽失了味，可以用甚麼使它再鹹呢？它不再有甚麼用處，只好丟在外面任人踐踏。
14 你們是世界的光。建在山上的城是無法隱藏的；
15 人點了燈，不會放在籃子下面，而是放在燈台上，為家裡所有的人照明。
16 同樣，你們的光也要照耀在眾人面前，讓他們看見你們的好行為，就把榮耀歸給你們在天上的父。//

（3）同志教會

同志教會如果係分緊係咪同性戀者（按呢個名我理解做係），咁就唔係做緊：

歌羅西書3:11
//11 在這新的人裡並沒有希臘人和猶太人、受割禮的和沒有受割禮的、化外人、西古提人、奴僕和自由人，惟有基督是一切，也在一切之內。//

多謝你細心同詳盡嘅解答，好欣賞你呢啲基督徒。

姐係講到尾都係要通曉聖經先「知」係咪符合神嘅心意，
而我舉嘅兩個例主要意思係，當兩邊都認為自己與神同在、通曉聖經、符合真道嘅時候（先不論誰是誰非，但我相信由平信徒行到建立群體呢一步一定相信自己有神嘅calling），但兩者嘅立場係對立嘅時候，咁以上所講define屬於神calling嘅證據嘅野咪姐係唔實在。

不過都明白呢啲信仰問題係難搞，畢業信仰就係在乎個人嘅「信」。

利申雖然係離教者但我好支持基督教

唔洗客氣，都多謝你回應返。

神call 人，我覺得其實唔係講證據，神有冇call 其他人根本唔係我要諗既問題，神call 我（每個人都會有）點生活我跟唔跟先係問題。

係咪去到「通曉」先會知，我又唔敢好絕對咁講，只係當越熟聖經，犯低級錯誤既機會就越低，而當越熟聖經，就越容易聽得明其他人指出既相反意見（接唔接受係一件事）。

因為你上面提及離開教會，而「離開教會又符合神心意」係極端既情況，呢個情況要成立既話，通曉聖經係必須，而上面講既耶穌，同馬丁路德等改革者，都係非常熟聖經，有能力指出對方解經既盲點（對方聽唔聽係一件事）。

而當耶穌vs 猶太領袖 大家都睇同一本聖經，大家都話對方「再唔改就死硬」咁嚴重，結果，耶穌去到邊有神蹟去到邊，非領袖既猶太人聽左耶穌講，領袖自己都驚訝耶穌既答案。所以如果係都要搵calling既證據，個結果就係？（申命記18:20-22）

要留意既係，立場對立，唔代表有一方違反神既心意。神既言行都係好diverse ，唔單一，聖經都咁大本。
就以連登做例子，神叫我出po 巴打留左好多言，有位芝巴絲唔同意（當時既名），但係我自己係因為見得多佢呢D有爭議性既留言，反而開始講多左野甚至去到而家咁。
（我係另一個地方提過聽神把聲，睇落唔係咁講，因為果邊特別討論緊神指定某個教會決策）

另外，你提到畢業信仰，呢樣野本身就同聖經教導完全相反。
呢幾個字我淨係喺一個網見過，我留意到個網既作者都相當唔明白聖經。


申命記18:20-22
//20 “‘但是，如果有先知擅自奉我的名說我沒有吩咐他說的話，或是他奉別神的名說話，那個先知就要處死。’
21 也許你心裡會想：‘我們怎麼知道耶和華沒有說過這話呢？’
22 先知奉耶和華的名所說的話若不成就，沒有實現，這話耶和華就沒有說過，是那先知擅自說的；你不要怕他。”//

唔係好明，pin 咩？

ching你講得好好，請問你返開邊間，我都有啲興趣去參加下

同埋唔好意思，我最後唔係想講畢業信仰，我係打錯字，想打「畢竟」

打錯字唔緊要

香港教會名錄：
https://hkcccu.org.hk/zh-hant/churchs/

我諗我比唔到一間教會名你，唔好意思，我已經離開左香港都幾耐下。
我而家返緊一間B城浸信會（既兒童主日學）
唔該其他主內既巴絲幫幫手






不過我講到比你聽，我係邊度學返黎（即係，比我好既大有人在），如果幫到你。

（1）信望愛聖經資源中心：書卷註釋

https://a2z.fhl.net/bible/

（2）中國神學研究院：生命之道課程（網上/實體）

https://teach.cgst.edu/tc/wol/online-course/

（3）夏達華研道中心：用猶太文化睇新舊約聖經

https://www.youtube.com/playlist?list=PLWaiUZn3gz2OFvpyFKnRCM5UzdO4ve5IZ
https://hadavar.org.hk/

（4）舊約專家李思敬博士：舊約詮釋、用舊約理解新約

https://www.youtube.com/playlist?list=PLtrnB_vqQmqRyjncMtKuL7wFoFZOsgYkn

（5）已故楊錫鏘醫生牧師：活出神既呼召既生命（召命）

https://yeunge.blogspot.com/
https://www.youtube.com/playlist?list=PLtrnB_vqQmqTl1e7JajpTgoNaVVo42Hul

（6）靈修學專家溫偉耀博士：聆聽神既聲音

https://www.youtube.com/playlist?list=PLtrnB_vqQmqTo3gyVW0kPBDnIhrgBFzL1
（應該 #51，48，47，46，218 比較有關係）

（7）以下既應該唔方關事，不過萬一萬一真係關，我以前學原文就係呢度
https://www.hebrew4christians.com/
https://ntgreek.net/

敢係到宣傳基督教，Respect and Support

其實冇一間堂會可以喂到師兄你咁大
堂會日日都有初信，講道都要就佢地程度

真係靠神俾熱心你
自己睇聖經同唔同參考資料
返教會都只係一個群體去互相支持同俾你去實踐信仰

多謝你支持鼓勵，只要我仲有得上連登我都會係度

濛巴講得啱，的確喂係要自己肯喂自己，神先喂到我地，靠講道本身唔太足夠，反而好多時會係及時既提醒。

見長絲問到參加教會，我唔係好熟香港各教會，所以都係靠大家介紹下

多謝你推薦嘅網，我有部分都有用
李思敬溫偉耀真係唔錯
以前都有睇開唔同釋經書同有讀下神學course

暫時都係想喺教會親身接觸唔同人嘅信仰
所以自己睇嘅就算啦
anyways 多謝你

主要係依家基督新教有太多唔同宗派
唔同宗派之中又有好多唔同主張or教導嘅取向
冇話邊種唔好，但其實教會文化都會影響一個教徒基礎神學觀或者信仰生活種種
我有時想接觸多啲基督徒同學下聖經，但會驚去左唔適合嘅教會
所以想問下

神經病

唔洗客氣
原來係咁，我自愧不如，神學course 我自己冇讀過，試過拎起一本系統神學textbook ，都係淨係睇左一個chapter。
願主祝福你！