我覺得 Waze 同 Google 比較似係如果嗰個交叉路口你係直去嘅，佢會 skip 咗無提你
例如你前面分別 200米同400米都各自有路口，而你應該200米嗰個直行、到400 米先轉，咁呢個情況你會完全見唔到200米要直行嘅指示，只會見到400 米前要轉彎嘅指示
呢個設計(我估)應該係源自外國啲人多數行 highway，你可能嚟緊20 個 exit 後先離開，佢唔會每個 exit 都講19次叫你直去，而係直接叫你20km後離開，司機亦已睇慣咗「無指示」就等於「直去」
換轉到香港，市區路較多，就一定要專注留神佢嘅指示係邊一個路口。我都係用 Waze，已經用慣咗，高德我冇用幾年，都outdate晒，唔知高德嘅新手mode 多唔多會每個路口都提直去？可能呢個就係個 differences，新手嘅話我都推薦高德
通常我大概心裏有個數，細過 100米就代表即刻轉，200米就前面呢個燈口轉，300米以上就下個燈口先轉。多啲習慣喺佢報話仲有 xxx 米 時再望下實際情況有幾遠，記住咗個距離感就 ok，去外國自駕遊好有用，呢招係我前幾年去美國，佢轉咗用呎做單位，我乜柒都唔明，後尾睇多幾個路口就記到個距離感
不過你用導航用得咁熟，仲話可以開班，我唔擔心你
上面嘅長篇大論，只係希望幫到其他新手司機
