大家用邊個導航？

2022年12月，Google宣佈為節省開支及減少服務重疊的工作，Waze團隊將會與Google地圖的團隊合併，但整合後兩款應用程式仍會保持獨立。

姐係冇再分邊條team 得翻一條team
只係app獨立運作

你講得好啱，你呢兩個例子都係唔可以去錯對面線。熟路嘅話一定係用肉眼喺地圖上面搵然後 pin 佢出嚟快過打字去 search 再依賴佢個 search result 俾位置你

去啲唔熟路嘅地方，我會試下加埋「停車場」三個字， let’s say 我未去過新都會/荃灣廣場，個停車場連入口都唔知喺邊，我會嘗試搵「新都會廣場停車場」 「荃灣廣場停車場」rather than 「新都會廣場」 「荃灣廣場」，再比較下搜尋結果個 pin 喺邊，hopefully 有前人另外篤過一支大頭針 mark 低咗停車場入口係同正門入口唔同嘅，就唔會俾導航水咗我去正門

你啱，係我 outdate 咗

不過作為用家，我都唔需要理佢背後係咪同一班人，我用經驗話你知，兩隻 app 真係獨立運作，其中一個例子，Google 出晒名為人垢病嘅鵝頸橋帶你巴士線入紅隧，喺 Waze係唔會發生

即係可能係同一 Team 人管，不過背後嘅地圖 data 都係分開

我覺得某程度上係有 brand loyalty，你用慣咗，就會繼續用，其他人話佢會帶錯嗰啲，你自己會 feel 唔到，因為嗰啲位你慣咗，平時知佢叫親你嗰個位 u turn 係錯嘅，你自動 ignore 咗。語音提示用嘅字你都聽慣咗，某程度上都係你同佢夾開，用開，都係好事嚟嘅

因為我都會用慣一隻，如果轉另一隻就會聽唔慣把聲

外國嘅話睇你去邊架咋喎

大陸一定係用高德(但大陸以外就唔駛諗)

台灣日本都用 Google (最近有fd話日本用 Apple 都 ok，我冇試過)

東南亞(泰國/馬來西亞)用 Waze

美國就 Apple/Google/Waze 都好發達，隻隻都咁掂

屌
我仲要揸架大車

所以有好導航都要大家識用至得
有時係要配合埋google街景圖同youtube片先會易d搵到個停車場入口
簡單講去未去過嘅地方就應該做定功課

大車應該係死症，可以試下去 settings 開 avoid difficult turns 但我相信幫助唔大。

如果你係揸搵食車(大貨車/旅遊巴)，暫時大家討論過嘅導航 (Apple/Google/Waze/高德)，應該無一隻 target 你呢類用家。

例如西營盤第三街長過七米唔轉得入去，嗰啲路應該隻隻導航都會昆你轉入去

呢啲唯有靠自己執生，信現場路牌唔好信導航，手機嘅導航程式係 for sedan 類嘅私家車或者電單車

所以唔存在邊個app好唔好
一部手機亦都無限制你裝一個導航
唔熟出入口呢d case應該先用google搵街景
再用高德/waze落大頭針
再進階d 搵高德+waze比較邊條路線快
d人成日話邊隻帶錯路
其實係好難做到精準
例如佢明明期望你行路面
但你落左橋下面 其實兩條路都通
例子連翔道地下車道同路面都出到尖沙咀
聽方向同㨂路線又係學問
導航點用同技巧我諗真係可以開班講
有d技巧你學左 你就知原來導航係咁樣用
如果仲停留係set a去b地方然後開始導航
呢d用戶最易走錯位 然後話個app唔準

我貪waze 個UI易睇啲

Google帶路正常好多
Waze唯一用處只係睇差佬speed cam

今天走過了所有彎路，從此人生盡是坦途
用高德為左聽呢句

通常事前會先用google map同高德check 下兩個app建議路線有冇分別
無既話就用google街景行一次確保條路線係正常
到真係出發就用高德
so far 無出過問題
因為自己係港島從來唔用導航

渣熟左，最多都係開waze + wespeed
未去過既地方，用安心機開高德

高德會預早提入線
waze剩係提邊個出口

兩個都成日認錯我部車身處條線
定係我部ip 打橫擺係充電位嘅問題?

Waze 都有 lane guidance 咗一排(香港嘅話起碼兩年)，你應該都好耐無用，或者睇咗啲好舊嘅 YouTube 片

至於認線嘅問題，GPS 嘅誤差率(或者調轉講係精準度)闊過一條行車線(甚至成條街)嘅闊度，所以千祈唔好期望佢可以 precise 到認到你而家喺邊(一)條行車線。呢個係 GPS 嘅限制，唔係邊一隻 app 嘅問題

而任何導航 app 都係問返智能電話個系統去拎位置(佢唔會拎到衛星原始數據自己計)，所以同一部電話放同一個(手機托/充電位)，入面唔同嘅導航 app 應該都拎到相同嘅座標位置。

當然，拎住呢啲(唔係咁 precise嘅)位置數據，唔同 app可以有唔同嘅處理方法，例如根據你過往行車嘅方向、車速，去判斷你而家究竟係喺條街嘅東行定西行方向行車線。

好多人唔明點解 Google Maps 成日會有指示係「向東行，然後轉左」，而明明你喺西行線，咁好可能係因為：
1. 你啱啱開車，仲喺室內停車場，或者啱啱出嚟見到天空，拎到第一個 GPS fix
2. 你啱啱轉咗新目的地，或者揀咗條新路線
3. 你停咗車，而個 GPS fix 有啲跳(高樓大廈影響，或者你咁啱停喺橋底，或者你手機托唔係靠近擋風玻璃而見到空曠天空嘅位置)，而令到個導航 re-route 咗

只要你唔係穩定地向住某一方向持續地行緊，基本上佢都係鳩估

解決方法得一個：就係郁車

只要你稍為向前行大概50米，唔使好遠，佢已經你 detect 到你向緊西行，佢會再 recalculate 一個由西行行車線去你目的地嘅方法。

同樣原理，垂直誤差圈基本上都大過佢可以分辨到你喺橋面定橋底地面。而為咗防止不停 re-route，導航app一般都會喺某個容錯距離之下assume你跟到佢比你嘅指示，除非 detect到你明顯偏離路線先會 re-route，所以如果佢指示你唔好上橋，因某啲原因你又覺得上橋快啲，佢未必 detect 到你無跟佢指示上咗橋，會一直assume你沿橋底地面行，咁可能就有好一段路佢俾你嘅指示都會無用，呢個都要留意番

高德我成日一出停車場出口就已經唔知應該轉左定轉右 可以點解決

香港都用導航？

睇路牌，認住「九龍站商住區」就去到

要跟返 iPhone 個 language setting

其實呢樣真係好 common sense, 我第一次用導航就已經係咁做

我已經由高德轉waze
高德有好多新起地點冇
同埋waze真係做到點到點
不過用waze小心行錯路
佢叫你靠左行有可能左面有條分叉要你走入去
地圖顯示無高德咁精美同詳細
成套野要重新適應, 要用左幾粒鐘先適應

我喺美國，用開 apple map，個dynamic map design 幾好用。

navigation 又易聽，話畀你聽邊個燈位轉，唔會講街名，少咗要睇map 嘅需要，如果轉細街，會有 bird eye view。

apple map 夾埋apple watch 會震動提示要轉彎

高德有啲路明明要轉右，佢app 都係show轉右，但語音就叫你轉左
唔望個apps 真係玩死