大家用邊個導航？

高德香港幾時有沉浸式？

高德有啲地點search唔到
有冇方法解決？？

waze 都有 wor (英國)
香港無?

地圖王
香港街道地圖2023

waze 比起 Google map 唔好既係佢冇得係電腦 search 完就 sync 去 app 有 history record

用waze搵完
再search 街名

香港導航係唔準 特別港島 要記

Waze


試過咁多隻導航, 如果唔係成日去d多橫街既地方，waze應該係最好

介面就應該係高德最好，但高德成撚日老點，不準轉右就叫你轉右，不準u turn又點你u turn

試下用Google港島入紅隧就有答案

嗰個係俾同胞用嘅廣東話，咩環島上坡，你聽埋我嗰份

同公司，唔同 team，Waze team 繼續喺以色列

英國用waze，警察快相死車樣樣都提足
係封路冇google咁update
成日會懶醒諗住俾條最快既路你，導你行啲奇怪路，有時會走左入啲農田路入面，條路超窄得一架車咁闊，仲有機會有對頭車

高德地圖應該得大陸自駕先好用

要指定搵某一間舖就用Google
搵街道，大廈，商場，公共設施就高德，功能細節強唔少

高德屌打晒

真。成日入左山路 又窄 開慢少少後邊都迫埋黎 勁大壓力

有冇教學

我有friend喺香港仲P緊但過左英國，就係因為咁唔敢用Waze。但google map update快相又唔多waze黎，結果佢俾人影左
好似懶尿牛肉咁溝埋咪好囉

我自己用google maps search 門牌號碼搵到exact location
再去高德手動碌去嗰個位再用地圖選點pin做目的地，煩但係最準

一唔跟佢行 佢叫你兜路都要兜番去佢果條先戇鳩
每次re route又慢

好難三言兩語講得晒，因為實在太多學問在其中。
好多人話某某導航帶錯，其實好大可能係佢唔了解導航系統運作，或者佢以前用開另一個牌子唔會咁樣帶路，轉咗牌子用另一個方法就唔習慣，其實講到尾都係同你夾唔夾，睇你自己口味，無話一隻牌子嬴晒。我口味同你又未必一樣。下面講嘅你當參考

搵目的地嚟講，一個目的地(建築物)最簡單化咁假設係長方形，有四條邊，分別四個街名 (A, B, C, D)，但地圖上佢只係一支大頭針(中間交叉)，即係一個(經緯度)座標，就係呢個長方形嘅中心



導航本身唔會知棟大廈嘅出入口喺邊一面，佢就會用最近中間交叉嘅一條街(最直接就係比較四條紅色虛線最短嗰條，咁一定就唔會係 A或者C，因為距離交叉較遠，如果咁啱個建築物唔係 exactly 長方形，而令佢中心點係接近 B街少少，多過接近D街，咁導航就會帶你去 B 街停，事關佢覺得B街最接近中間個交叉。


如果咁啱 B街係雙程路而你嚟嘅方向係對面線而中間係雙白線，咁你就只會去到呢棟建築物嘅對面睇到呢度你就會明點解導航有時會咁 on9，又或者唔明點解佢帶你兜大個圈，明明你沿A路(由上而下)落嚟，要帶你兜晒 A > D > C > B，喺 A 街停車咪已經係囉

咁你又可能會話，既然導航會揀最近嗰條街，咁啲畫地圖嘅人，set 大頭針座標嘅時候，咪就係最簡單將個座標 set喺門口對住最近嗰條街咪得囉，例如入口喺A 街，就 set 個大頭針位置靠近 A街。呢個看似簡單嘅做法，就會引嚟其他嘅問題。首先，一個地圖 apps (Google/高德/Apple)，Waze例外，佢對象係包括啲唔係揸車嘅人士，有啲人會用佢嚟搵餐廳搵嘢食，搵點搭巴士去某處，大家目的唔同自然對一個目的地嘅入口位置有唔同見解，行人用嘅商場入口可能同商場停車場入口好唔同。Google 呢啲咁多人用嘅，自然好多用家都因應自己喜好submit自己嘅大頭針位置。你亦好難期望一個平時唔揸開車嘅人會諗到原來佢去開個商場嘅停車場入口會同行人個入口喺唔同街道上

好多時你去 Google Maps search 一個商場或者一個屋邨，佢有三四個座標，唔知點解，又冇人做整合，咁邊個先啱你用，就要自己用經驗去判斷一下

上一段我話Waze 例外係因為佢由一開始已經主攻駕車人士市場，佢唔會有咁多元化嘅功能。但咁都未必阻止到上面嘅問題發生。揸車嘅人都有唔同目的，有啲係送朋友返屋企，去落客區嘅，或者係住喺度嘅住客，去住客停車場嘅，有啲係貨車送貨嘅師傅，去貨物裝卸區。同一個屋苑，呢三個地點都已經唔同，就算專係 target 駕駛人士嘅 apps 都唔會知你今次想去邊，你今日係咩身分嘅司機，咁搵目的地個學問就喺呢度。search 一個地方名，出三個 result，未必係揀第一個 result 先係你去嘅座標位置，有時甚至三個都唔係

打左咁大段都淨係講搵目的地，其他下次/想知再講

呢個係最快最準 無得拗頸

試緊轉waze 同Apple map
不過apole map 讀英文, load唔切街名