拍拖係咪一定要好有好感？

睇樓主文筆 似毒L扮女人刷存在感
雖然係佢第一個post 起底無嘢睇
不過放長雙眼睇囉......
正常25歲女人唔會寫D咁「無聊」嘅內容～零分

我覺得一見鍾情比日久生情更為合適
當你見到人嘅第一眼都幾重要，如果你第一下見到呢個人無乜感覺嘅話，再相處都好大機會只係朋友（或者係人地無對你一見鍾情，所以都唔會有特別嘅火花），如果人哋對你一見鍾情，就點都會做啲野嚟引你注意，就好似你對人一見鍾情咁，其實只要鍾意一個人，就會想盡辦法去引人注意。

Sorry for 1999
純個人觀點加理性討論

有好感係基本
如果要你同一個冇好感嘅人對住成日 你都會覺得辛苦啦
更何況係拍拖

同一個意中人相處嗰種由心而發嘅開心同笑容係扮唔到出嚟
就算俾你搵到個唔中意嘅水泡男友
等佢feel到你嘅敷衍 都會慢慢唔中意你 唔會再搵你關心你
呢啲感情只會令自己辛苦

識自我反省係好事 不過又唔使怪自己
可以試下打扮令自己更靚
又或者充實下自己
總會有人仔細閱讀你 時間問題啫

覺得係奇蹟+1
見身邊啲人出pool分手再拍拖 好似好容易咁
但自己想搵一個互有好感嘅人都搵唔到
不知不覺就會覺得自己唔夠好

要搵返同level 既人
如果係唔夠靚仔普通樣所以無好感
你就立即拒絕
咁你就要改變下
試下了解下佢內在先拒絕
只因你中下
你本身就應該配中下

想溝條件好就提升下自己條件

廿中左右

如果都唔中意對方，拍黎做乜

拍拖唔係要証明比其他人睇你有拖拍，你自己都唔enjoy同對方一齊既時間，其實係哂緊相方既energy 同時間，應該去識多D唔同既人，冇拍拖有機會係本身個pool細，得幾個人簡冇好感係正常

個人覺得最好要有好感先拍拖
因為每個人都有缺點
你唔鐘意佢嘅話 好難包容佢啲缺點
可能佢有小小缺點 你都會忍受唔到
最後好快就會分手
同埋 失敗3次唔算好多架～
識人單戀20次都失敗
我自己都失敗過2次
最後都遇到同我互相鐘意嘅人～
所以 你都唔洗咁快咁sad架

我個approach 係，一個人慢慢了解得愈黎愈深入
就算first impression 幾唔吸引都好
係你眼中，佢都會慢慢變到好靚好靚，有啲似相由心生嘅意思
可能我性格慢熱，如果對對方冇番咁上下熟悉我唔會有太大動力想去了解佢多啲/唔知應該要點了解佢
因為當日久生情嘅時候代表你同對方建立咗一套大家岩嘅相處方式，一段感情維唔維繫到好講相處方式，而一見鍾情就係滿足到好奇心，但係相處方式就會uncertain可能好夾，都可能好唔夾
不過講到尾拍拖本身都係大家試下水溫為主，有人覺得唔應該咁快投入感情，都有人覺得太遲投入感情會冇咗新鮮感
我都係個人觀點加理性討論，歡迎再討論落去，始終呢啲都係價值觀問題，係preference 問題，唔係對與錯問題

睇樓主文筆 似毒L扮女人刷存在感
雖然係佢第一個post 起底無嘢睇
不過放長雙眼睇囉......
正常25歲女人唔會寫D咁「無聊」嘅內容～零分

拍拖唔攰，愛一個人好攰

有冇人暗戀過你 甚至同你表白過？

單戀都可以傷心欲絕 你一開始就太多幻想 又未一齊你咁投入做乜

同冇好感嘅人一齊，你將來對愛情更冇憧憬

我通常都係日久生情
First impression多數係唔鍾意甚至討厭嗰個人

睇落你應該條件麻麻但鍾意d比你高質素既人
其實你將要求降番低 搵同自己一樣lv既人好難出唔到pool
拍拖係要有基本好感 拍之前諗下你同呢條友咀咀有無反感/同佢出成日街會唔會想走開
無既話基本上都可以一齊

我都係，不過我個愛情觀同巴打好似

雖然我同老婆識左幾日就一齊左

絕對要有好感先, 但我覺得有少少好感都可以試下
感情可以發育增長

但聽你講到咁, 你對條友係零好感
零就係零, 永遠係唔會去到有感覺

0 x N = 0

個個人都會好鐘意人嘅時候自我嫌棄架啦
係拍多幾次 人大咗 識調適多啲而已

至於要唔要同無feel嘅人拍拖
問下自己1)幻想下對方錫你嘅時候你心情會係點
2)要求親密行為你o唔ok
3)拍拍下遇到個有feel嘅人個陣你會點

唔係下下關條件事
唔係邊有咁多'好人'(條件好對你好但無感覺）
同'被食住' (條件無咩好又對你唔好但就係有野特別吸引)

心理學上：
樓主開頭睇落似迴避型依戀
但睇睇吓似
焦慮迴避混合型依戀（或稱矛盾型/混亂型）
不過偏迴避型多啲
相關resources網上好多
我就唔多貼

https://pansci.asia/archives/99789

https://youtu.be/FR0bQWwD78I?si=QICtvfJAWP6Y8-qu

至於世俗d咁講：
老實講香港男仔9成以上都係不抗拒
當然唔係講乜都食
而係只要冇咩特別反感
都唔介意食住先
而反感嘅可能係樣
亦可能性格
但基本上冇穿冇爛正正常常送上門
男仔唔係好介意多個人愛自己
對方連試吓嘅想法都冇
可能你真係眼角太高

其實要有幾多好感先開始拍拖係無準則亦唔重要

重要嘅係隨住大家發展關係雙方步伐同期望一唔一致

我會諗，拍拖未必要好感，但最少要相處舒服囉。

好感係可以培養，但係如果兩個人係唔夾，應該一開始就會知，咁就連培養既時間都唔洗付出。

拍拖唔洗將個感情望得咁真，結婚先要。拍拖應該保全多d幻想，結婚先要望穿現實