拍拖係咪一定要好有好感？

我係個25歲A0嘅女仔，感情路上對我嚟講係都幾坎坷，單戀過三次都失敗，仲係每次都好傷心欲絕，好似人哋拍拖失戀咁，自知條件一般般但自問要求唔高，但偏偏每次鐘意嘅人都唔鐘意自己，而鐘意自己嘅我偏偏一啲好感都冇，甚至會反感，我自己都唔明點解會咁，其實好想擺脫呢個命運

去到最後一次單戀失敗意識到自己可能未必適合拍拖，因為每次單戀入面一直執著嘅只係自我嘅肯定，覺得自我評價低先會得唔到佢哋鐘意，所以長期有好嚴重嘅患得患失、做唔到自己，成件事好痛苦不堪，令我對愛情嘅憧憬冇晒

以前嘅追求者我冇好感就會即刻拒絕，但依家我反而會諗，如果我對對方未太有好感，就唔會令我跌入自我嫌棄嘅loop，唔會因為佢而唔開心，雖然都未必會開心，呢個心態其實適唔適合拍拖？可能咁樣對男仔未必公平，我都會盡我所能去投入經營呢段關係，坦白講我都未拍過拖所以好想試吓，同埋都想俾人錫，但我驚最尾我都係鐘意唔到佢，只係得返責任維持嘅話雙方都辛苦，同時我又唔敢再去鐘意人去無限付出因為以前嘅經驗太痛苦，痛苦到令戀愛腦嘅自己都變得對愛情麻木，呢個矛盾令我覺得拍拖呢樣嘢好遙遠⋯⋯

想問吓在座絲打巴打意見，你哋拍拖之前係咪一定會好有好感先？

試下pm 我

咁你咪繼續單身

放心啦
到你真係好需要個陣你就會降低要求

唔係絲打
不過我係支持要對大家都好有好感先可以開始拍拖
而呢種好感多數都係要日久生情得番黎
啫係至少唔係2-3個月就完全鐘意人＋表白
不過講真，而加速成文化咁勁我呢種價值觀都未必岩用
利申：淨係拍過一次拖，係中三果陣識咗2年先開始
之後到而加都未拍過

無限付出改改先
做住fd無煩惱
無好感點拍拖，你都無興趣知佢d野

無好感嘅拍拖只係形式
為拍而拍其實差過單身

如果對對方唔係太有好感就開始一段咁親密嘅關係，雖然開始咗唔代表一定要kiss/sex，但係一啲親密行為點都會有，例如攬咁樣
咁樣睇落好似太隨便咁，不過每個人接受程度都唔同
最緊要係你接受到啫～

買股票係咪一定要賺錢？

冇好感拍嚟做乜
你同人相處剩係可以做路人/男女朋友！？

拍拖又唔一定要好感嘅 但又未到抗拒嘅程度🥹
其實你鍾意嘅人 唔鍾意你 鍾意你嘅人 你唔鍾意佢
呢個都係好普遍嘅事 唔使咁唔開心 下個會遇到更好
你25歲未拍拖 係緣份未到啫～
可能一搵就搵到個好啱你好錫你嘅嘅人!

有時啲野好簡單，你諗下接唔接受到每個星期六都要同對方出一日街，時不時都要聽佢講佢日常做左乜，甚至直白啲啦，你咀唔唔得落去先，就知你有人追時應say yes定no。

無好感咪唔拍住，點解一定要拍？

想要兩情相悅係奇蹟黎，相比愛人不如試下被人愛？
當然戀愛嘅野無必要勉強自己

我明想試下拍拖嘅感覺
但係冇好感一定唔會拍得長

其實你可以諗下點解你鍾意嘅人永遠唔鍾意你
可能係你自以為要求唔高
可能係你鍾意啲好charm嘅男仔/fuckboy類 而你呢type未必啱佢

你知道最重點嘅係 唔可以將自己放到低位 改完再等下下一個你會鍾意嘅人 係好難但都要做

贈你四個字
寧缺勿濫

應該係好有好感，如果你覺得自己到絕路就少少好感，不過其實咁樣好易陷入死循環，拍拖拍到冇靈魂咁。專注喺自己到，慢慢會有一個啱你嘅，唔好咁絕望。
但真係 寧缺勿濫

25歲仲a0，仲要單戀幾次失敗
即係對方連同你試吓嘅衝到都冇
既然你分數中下
呢啲野更加應該順其自然就算
無謂夾硬搞到自己唔開心

冇好感唔鍾意基本上都好難捱到落去

我覺得要認清事實 搵返個同自己差唔多level既人
失敗過幾次你再搵啲條件好既 拍到你都係患得患失 唔開心收場
咁不如搵個中意你既 試下咩感覺 女仔通常都係越嚟越愛既

同過一個有好少少好感既女仔一齊 點知拍左1 2個月好快連好感冇埋
但對方就愈黎愈鍾意 早2日終於分左手 但自己都唔好受

冇好感去拍拖
尤其是女仔會好辛苦