拍拖係咪一定要好有好感？

現實係殘酷
並非人人有呢份個人修為同覺悟

有feel

唔需要期望對方有 你有就得 佢有係Bonus 證明同依個人拍拖係對你人生+VE 無咪裝備好自己 下個識個更好

依個世界係好殘酷既 真心廉價如condom添 咁都要行落去既 都要進步既

咁依d係你個人課題了 佢人都走埋就唔關佢事了

可能個女仔覺得你好Chur

好少見女追男追唔到

冇俾人愛過 我真係冇資格俾人愛咩

其實20-30歲a0真係唔一定係性格有問題
大把人拍拖既人性格重衰
好多時真係同緣分 運氣 際遇 時機有關
睇睇下面
https://lih.kg/3488771

但好多人就會串a0
你唔好賴無運啦，根本你份人性格差

其實遇唔到相愛對象都無辦法
Btw, 我都係29歲男a0, 有無興趣做朋友

我覺得戀愛要好鍾意好鍾意好鍾意，但結婚唔使
你對佢有好感，接受到佢做你老公老婆就得

lm

原來會有人同唔鍾意嘅人拍拖

其實人地唔鍾意你同你對人無feel，兩件事都係好平常，有就有無就無嫁啦

無好感你格硬同佢一齊，好大機會都係唔鍾意，最後頂唔住分手/遇到個真係鍾意而對方又對你有好感，已經等於插咗條仔一刀，到時你就十五十六，唔分手自己又辛苦，分咗條仔又陰公，你仲要得到一個笠人綠帽嘅污名

除非你話搵個唔認真玩玩下拍散拖試下，有個共識隨時分手先開始，唔認真拍，但是旦一邊沉船就仆街

鍾意人未一齊就無限付出依件事不論男女都係笨柒，因為無乜人可以接受到無限付出完乜都無，咁啫係變相攪鳩自己，未一齊你就無限付出對方都拎盡好處，佢咪拎住去識其他人都得。

最容易拍拖都係各方面提升自己嘅人，啫係唔算靚咪玩保養皮膚 化妝，個身形柒咪運動之類，內在一樣，男女都係咁。正如edc都可以食住一堆女人 羅志祥都可以做時間管理大師 連荼毒室嚴叔唔係靚仔都可以溝女，就係佢地有賣點，靚女身邊總會有一堆男性圍繞就唔洗講啦，做到嘅拍拖機會一定大增，因為有多啲選擇埋嚟搵你，總有個啱心水。
大部分世人都好膚淺，一定係比某樣show到出嚟嘅野吸引先會留意，可以係樣 可以係成身肌肉 可以係有學識 可以係溫柔體貼謙虛。
周星馳套戲都有講，好似佢咁出色嘅男人，就算係豬肉佬，都係個風度翩翩嘅豬肉佬，有料連過夜數都唔洗找，螢火蟲都要發光先多人理，唔發光同路邊隻螞蟻分別唔大。

一見到個人就會叮一聲係你啦，唔洗睇佢有啲乜特別嘅情況唔多，純講感覺好感直接付出型係速食年代係輸蝕啲，一個毒男好似舊時套電車男主角個樣，連屋企間屋拎埋出嚟都唔掂，通常就會比人呃埋間屋。要純感覺唔講特別條件嘅咪接受自己難行啲會超長期單身。

今時今日好速食好功利，對方有無好感都未知就倒曬你可以比到嘅野出去，好啲嘅人你唔吸引佢就唔理你，衰啲嘅你就會變成是旦一款兵仔。
老實講，你戒甩付出mode，女人本身唔係樣貌太嚴峻，普通樣 樣貌衣著身形執下有正常社交總會有普通男埋嚟，男人大部分都好膚淺。

你見啲某啲男女唔經唔覺比人收咗兵，就係擺到自己太低，當對方係男神女神，乜都比曬出去，咁就玩撚完啦

宜家覺得速食先好
你後生最青春嘅時間有幾耐畀你慢慢了解一個人
中間又會遇到唔同嘅高質人士
最快嘅方法就係即拍，用最close嘅身份了解雙方
唔match就分

未搞清楚想人地愛你 定你愛人波
世界無咁多兩情相悅

多拖拍嘅人吸引一定係
但去到咁上下年齡都單身唔一定有問題
有啲人真係普普通通外表無樣野柒，識啲專業野有啲內涵，但就係長期都無拖拍，可以係專注工作圈子唔大，可以係慢熱，好多原因

甚至有啲人係抱住啱先拍拖，拍拖過程發現真係有啲野好唔啱磨合唔到，拍咗好多年都會選擇分手，甚至結埋婚無嘈交但生活上有處理唔到嘅分歧都會離婚，依類人真係做到寧缺勿濫，所以佢地年紀唔細都可以單身。

你是旦搵個人入場依種係好普遍嘅做法，但條仔係認真嘅你等於做鳩佢啫。

騎牛搵馬，又可以享受下拍拖嘅好，不論男女好撚多人都會咁，通常依啲個男女朋友都係啲毒 摺，比佢地食住

你對對方冇好感嘅根本唔會思考應唔應該一齊

當你思考得代表有長有短 咁take唔take個risk就多數感情行先 已經唔關理性事

只能講年輕人愈來愈多玩法，好多人未熟悉就嚟料，唔啱就分手。
啫係就係想買車咁，咁以前咪慢慢睇邊部車各項性能 外型，睇啱先買，買完慢慢養當老婆咁，依家係咩都未睇真，見到外型幾靚仔，就買咗先唔啱賣返，甚至係未買就話試車，揸出街試車，試車喳未買嫁。

你依個模式係好，但真係少咗，預計都係難啲拍拖，相對就會有年紀問題浮現，雖然就算三十上我都唔覺有問題，但客觀嚟計唔少人都會話三十幾做咩要同你拍拖。