[有甜] 我係大學重遇初戀，即刻同佢打番場友誼波（2）

拍咗兩年幾投資咗好多心機落佢度，成個小師奶咁驚離場會蝕，最後咪做咗大輸家囉

咁你有冇潤返佢「被逼去都好玩？」

首先 去東京就好難唔好玩 然後又有咁愛自己既另一半一齊去玩 咩都plan好晒比你 咁都唔好玩真係依世都唔好去旅行算

類似對話:
桑: 啊~好想再去日本
Me: 咪撚搞 陣間又話我逼你去

佢有提過個trip係好玩，我諗係最後搵工個度佢好大負能量發洩唔到要搵人出氣

真，東京想玩城市生活又得，搭車去近郊又得，淡季去玩表示一流

搵自己條女出氣既男人都可以收收皮先

唔知佢in咩嘢工，如果係i-bank/大的MT工可能有好大的壓力。但佢最大的問題係唔識得勇於反省及認錯，每次以為hea過就冇事，其實唔解決根本的問題就冇將來。你肯攞出黎講，大家知清楚個分歧同感受都好，有d女分分鐘嘈都唔同你嘈，背後派完帽就算

阿喪真係好仆街
嘈嘈下 搞到條女喊哂
自己一句"眼瞓瞓覺"就算
咁嘅人都有女 好撚癲

廢撚到躁
我出身仲差過報紙桑
都唔會咁樣糟蹋自己條女
條友真係自我中心到on9
但係同一時間又要咁廢
跟住佢真係冇好下場

男人老狗扑嘢又早洩
洗錢又度縮
仲要理所當然咁
又唔識處理自己/人地情緒
咁撚廢就摺埋啦 影衰我地啲男人

仲要女朋友嬲到咁喊到咁個下都唔理唔哄
瞓到打鼻鼾wtf
比我一定唔會比佢瞓

咁厚面皮都有

隔天醒來，仍是一樣的套路。

「妳見點啊，尋晚係咪好攰？」Sean故作關心地問。

我只想快點收拾行李離開這個地方。

他回到香港後當然是繼續忙於面試，沒空暇時間管我。

我心如死灰，覺得每年臨近生日、紀念總有不祥的事發生，仿佛上天也在恥笑我。

今天是dayoff，Sean仍然在埋首於工作中，我隨便買了一瓶紅酒在一個海旁開來喝。

我播著虐心的音樂來聽，酒精揮發後情感仿佛充沛了十倍有多，我在無限放大的傷悲感中回想旅行的事。

他不愛我，他說過會改會聆聽我，他根本做不到。

我坐在一張木椅子上哭，在手機上尋找著聯絡人，我第一個想到的是婷婷。

「喂.....哈哈！」我醉著說。

「喂~做緊咩啊~」她在電話另一頭問。

「on 9 仔，講完唔算數，自己食咗屎又賴我，正仆街！」我沒頭沒尾地說。

「咩料啊，妳飲咗酒啊？」她問。

「嘻嘻，妳又知嘅？妳好醒啊~~~」我的尾音很大聲，旁人望了我一眼。

「傻婆，妳自己一個人？妳係邊啊？」她著急地問。

「單機先會打俾妳啦！點形容呢度呢，我對住個海囉，有好多狗囉~」我說。

「唉妳試吓share location啦，或者影低附近啲野俾我睇，我過黎搵妳。」她沒好氣地說。

我忘記自己做對了哪一項事情，半小時後婷婷出現在我身邊。

她開了一包薯片給我，說：「妳有無食野啊，空肚飲酒好傷架。」

我順從地拿了一片薯片放進口中。

「嗚.....佢好衰啊.......臨飛番香港先話個trip去唔去都罷，話係我逼佢架......」我又聲淚俱下了。

「我明啊，啲男人都好shit，妳去日本個陣我同MC都分咗手啦。」婷婷說。

我回復了一點理智。「吓，你地都拍咗有三年喎，咩事.....」

「我又係度呷醋佢同個女groupmate行得好埋，發完脾氣之後佢罵番我轉頭，話我成日屈佢溝女，咁佢就做俾我睇，話要係美國搵個女朋友黎激我。」婷婷說罷，拿起我手上的紅酒也喝了一口。

「咁唔似佢嘅，佢不嬲都好理性把口又好識得講野，竟然咁仆街。」我說。

「妖，男人話變就變架啦，使講理由。佢咁激完我我咪即刻飛撚咗佢囉。」她說。

「做得好啊！我無妳咁決絕，我真係蠢.....嗚....」我又想哭了。

「妳係太愛佢唔敢放手姐，妳到一日好似我咁淡咗睇透咗就會發覺係妳嘅愛令佢特別，其實佢一啲都唔特別。」她說。

我抱著她說：「男人都係垃圾黎.....嗚.....」

我醉得走到身旁的一個狗糞收集箱說：「呢個唔係狗屎收集箱，係男人！男人收集箱啊，男人都係狗屎，嗚......」

幸好那天是平日，沒有很多人看見我出洋相。

眼前的箱子仿佛是我殺父仇人，我一直窮追猛捨地說：「入面個啲唔係狗屎黎架，男人黎架......」

累了，婷婷拉著我坐回長椅上，剛巧有十多頭貴婦狗迎面而來，一隻接一隻跳了上來，圍著我團團轉。

當時畫面非常滑稽，我在一把鼻涕一把眼淚時狗隻們旋轉木馬似的不斷轉著圈。

我抱住了一隻狗，牠撲在我身上給我鼻子熱情的一吻，我一直在哭。

狗隻的主人是一個中年婦人，她看見醉醺醺而哭著的我被她的寵物圍攻。

「哈哈，傻女黎嘅，唔使為呢啲野喊。妳咁細個，第時大把好世界，哈！」她沒頭沒尾地笑著安慰我。

我在寵物公園裡哭得一塌糊塗，婷婷和我兩個失意人在海旁坐了一個下午。

---
日記 八月三日
第一段感情，我付出了滿腔的愛卻得不到回報，從此不敢再主動喜歡上一個人。
第二段感情，我以為只要你愛我，假以時日我便能培養出感情回應你的愛，但一切只是自欺欺人。
第三段感情，我們彼此交出真誠的心，但是愛卻磨平了我所有的棱角。真的好累好累了，累到我想大睡一場，希望醒來時一切只是個噩夢。
—-

係妳嘅愛令佢特別，其實佢一啲都唔特別

女仔傾向搵人分擔
桑無試過有真心朋友做呢樣野，有負面情緒唔識handle，咪發落我度

佢個人永遠有好多藉口，考試/畢業/搵工/番工都話有壓力，咁成世人流流長，係咪一日仲番緊工就有權發脾氣，而唔係正視自己點管理情緒同壓力

利申好鍾意狗仔 個刻被狗仔圍好開心

當晚，Sean skype打了給我，我仍是悶悶不樂。

「咦，下個禮拜係咩日子呢~」他問。

「鬼知咩。」我說。

「好似係某人生日喎。」他討好地說。

「咁又點，你咁忙，無野做。」我說。

「邊個話架，我幾忙個日都會陪妳架嘛，我諗好咗今年做咩架啦~」他說。

「我先唔信你啊。」我發著小朋友脾氣說。

「年年都話我無準備生日蛋糕，今年一於黎妳屋企整芒果芝士蛋糕俾妳食！」他說。

我的壞心情因他的一句話一掃而空。「哇，真架！」

「妳睇吓妳，成個細路女咁，一聽到有得食就開心番哂。」他說。

「你話架，唔准走數！」我說罷，已開始期待下星期日的約會。

「仲有個好消息。」Sean說。

「咩事啊，講黎聽。」我說。

「......間XXX真係俾咗offer我啊。」他說。

我知道這是他夢寐以求的工作，我開心得尖叫起來。「吓，XXX真係請咗你？我好開心啊！！！」

明明是他的成就，因為我愛他這仿佛成了我的驕傲。

我知道他有多辛苦才得到這份工作，此刻我的興奮非筆墨能形容。

愛就是這麼簡單，因為他高興我就高興。

我替他較正CV 和covering letter，陪他逛得腿酸了都要買西裝領帶公事包，因為我知道他會很重視事業，我願意協助他達成他的夢想。

我以Sean為榮，早前的磨擦煙消雲散，我只想跑到他面前慶祝他被錄取，狠狠地抱著他的頭狂吻。

今天是我生日，Sean一大清早便morning call我，一如初初熱戀時。

「懶瞓豬醒未啊？」他問。

「ummmm ......我仲係張床度。」我睡眼惺忪地說。

「快啲落床啦，我搭車去到旺角架啦，去妳樓下買啲食材先。」他說。

我趕緊更衣梳洗，在樓下會合Sean，兩人手牽手購買芒果、cream cheese 、魚膠粉等材料，準備製作蛋糕。

「咪住先！我無蛋糕模喎，點算。」我說。

「我早有準備啦，圓形模同埋打蛋器都攞咗，我知妳屋企無。」他說。

「係啦，不如我地買埋壽司外賣做lunch，陣間上去食。」我提議道。

上到去後我們開了冷氣，Sean立刻做了第一個步驟：製作餅底。

他有板有眼地鋪好baking paper在模具底，壓碎了消化餅後加入融化的牛油混合，用力壓成薄薄的一層餅底。

「好啦，呢個要放入雪櫃一陣先定形嘅，我地可以抖一陣，不如.......」他說罷，拉我到睡房翻雲覆雨了一會兒。

赤身露體的兩人抱著彼此身軀稍作休息，我的睡意又來。

「今日太早起身，我依家又眼瞓啦....」我說。

我累得衣服也沒有穿，直接摟著Sean一起睡了。

雖然我們時有爭執，但有他的體溫我總是覺得很安穩，聽著他的心跳聲便雙雙沉睡一個多小時。

醒來後二人都餓了，拿出買好的壽司一起吃午餐，順便繼續追 Stranger things。

暑假沒事幹的下午，在冷氣房和愛人享受著悠閒的時光非常寫意。

我是一個沒有大志的人，我不愛功成名就，我的願望就是和心愛的人天天共度平凡而滿足的日子。

翻雲覆雨了一會兒

重點：一會兒

寫桑哥甜野寫到好無癮，吓吓得前戲好寫，如果對劇情無乜進展黎緊會少寫