[有甜] 我係大學重遇初戀，即刻同佢打番場友誼波（2）

「喂Karina，妳唔記得咗我啦？做咩全日唔覆我~」他說。

「咩啊....咁我要溫書啊嘛，覆少咗姐。」我說。

「係喎，my bad my bad。咁依家都十一點啦，同我傾陣電話聽日再溫囉。」他說。

我就是不懂得拒絕一個自己有好感的人。

「好啦，你想傾咩啊煩膠。」我問。

「講吓妳囉，我想了解妳多啲。我尋晚墊高枕頭諗過，妳應該係近排先分手，無一個月，係咪？」他突然說。

「吓，你做咩咁講！」我說。

「我見妳ig post 一個月前有張相係食好西，係靚餐廳黎，妳嗌咗份all day breakfast，坐妳對面嘅人嗌咗份牛排。

妳自己話分手之後都無哂胃口食野，我估個陣仲有胃口，因為下張相仲有份pancake甜品。

同埋，應該係同男朋友食嘅，男仔先會想食飽肚啲嘅牛排，而唔係好似妳個碟攝牙la都唔夠嘅野。

如果係同女仔friend食，妳應該會打卡tag佢，但妳無。

根據我嘅推理，妳一定係同ex食個餐嘅！」Nicholas滔滔不絕地說。

他亂七八糟的推理令我哭笑不得，雖然的確被他說中。

「....哇，真係逃唔過你法眼，係啊，我係同ex食架。你個變態佬，stalk我？！」我說。

「Why not, 我明顯對妳係有興趣架啦，想睇吓妳嘅social circle係點姐。」他說。

「又氹我開心，好煩啊你~」我說。

「咁其實分咗手幾耐？」他說。

「....兩個星期。」我唯有說。

「其實妳move on咗未架，妳咁快就想搵下一個，妳都需要啲時間heal架喎。」他說。

看，這就是我不告訴你真相的原因，你一定會叫我先花點時間療傷。

我不想療養，我只想快點找下一個人去愛，既然我已經不會再回頭考慮Sean，那有甚麼關係。

「你咁講姐係點，唔想同我發展住，因為我要時間放低佢？」我說。

「唉我都唔知，我好易attach落人度，我識咗妳兩日已經好痴妳身，妳都見啦，我係咁問妳幾時有得見，依家又忍唔到手打俾妳..」他說。

「但你又話我要heal先喎，咁點搞。」我說。

「我地點好呢，應該keep distance先？做住朋友了解吓先？還掂唔急嘅，我地又唔係趕時間。」他說。

我失望了，原本熱情的他會否刻意和我保持距離，只做好朋友，不再有曖昧行為？

「好，就咁話啦，我地做friend囉，慢慢黎。」我說。

這通電話就在悶悶不樂的氣氛下結束了。

我本應感到慶幸的，婷婷說了他前度的事後，我不該狗衝這個男人，見過鬼還不怕黑嗎。

保持距離就是最成熟最保護對方的做法，如Nicholas所說，我們若果有了attachment 便更難抽身。

我的理智告訴我這是對的做法，但我的心就是不聽使喚，愈不該靠近的人就愈想靠近，臨睡前仍在想著Nicholas。

從明天開始，我倆是否會做回普通的朋友，甚至永遠只能是朋友呢？

女人Nicholas 痴住自己個陣就話人煩同痴線，話做住friend 先又囉囉攣

犯賤

未開始已經失守

你沉哂船 佢話一你點敢話二

係咪得我一個覺得Nicholas 好撚kam chur 到咁 講d野又尷

一覺醒來，竟然又是Nicholas的短訊。

N: Hi
N: i thought about 'us' last night
N: let's just admit that we have feelings for each other

我剛藍剔了他的message，他便打來了。

「我尋晚打俾妳妳無聽啊。」他說。

「吓邊有，個陣幾點啊。」我說。

「凌晨四點。」他說。

「痴線佬，我聽你至覺得奇啦哈哈！你真係一個怪人！」我笑說。

「Anyway，妳尋晚有無唔開心啊，我地話做friend個陣。」他說。

「鬼有，我點會。」我口是心非地說。

「我有啊，我諗咗成晚，不如今日出黎見面。」他說。

「吓....都得嘅.....不過你等我做埋啲野先，可能今晚見囉。」我說。

「無問題！妳專心做野先啦乖，我地今晚見！Can't wait for that。」他說後，我們便掛了線。

晚上我們約了在大街見面。

那時人人仍足不出戶，即使是七點多鬧區的人也不多。

我們挑了一間人流不多的西式餐廳，坐下來後他開始說話。

「忍唔到多兩日就約咗妳出黎添，我真係好想見到妳先會咁架咋。」他說。

「還掂我今次肥佬定pass都無所謂啦，咪出吓黎囉。」我說。

「妳會唔會覺得我太chur，唔feel comfortable？」他說。

我沉思了數秒，說：「Chur, but comfortable.」

他笑了。「哈，呢兩樣野點可以並存架！」

「點解唔可以，我鍾意你搵我搵得咁密，但又覺得相處得黎舒服囉，唔俾咩？」我說。

「咁都好啲....唉我都唔知點解自己會對一個陌生人咁attached.....我真係傻傻地哈哈。」他說。

「話唔定你對個個都係咁呢。」我說。

「唔係架，上一個ex我唔愛佢，係佢chur我想同我一齊，我唔會想成日見佢打俾佢，都唔掛住佢。」他說。

「你咁講，姐係你搵佢攝時間啦？賤格！」我笑說。

我說罷，才想起自己也曾經如此對傑仔。

請不要質疑樓豬口味

You are not alone

表面：你真係口花 肯定對個個都係咁啦
心底：哇哇哇佢話淨係對我先係咁啊 我係特別果個！

唔止你

Nicholas應該幾靚仔
所以佢做咩樓豬都好受

樓豬肚餓嘛4年幾都未食飽

完全就係我嘅內心戲
有人口花花過Josh 啦我唔可以沉船架但哎啊佢唔搵我就心思思

整頓晚飯的氣氛都很好，我們吃飽後便閒逛。

「哇，好少黎港島，不如我地遊吓叮叮河。」我說，便隨便跳上一架迎面而來的電車。

上層的座位空無一人，我們霸佔了一個二人位。

寧靜的晚上，身邊有一個對你有興趣的人，我忘卻了一切煩憂。

「Karina ，有一件事我要同妳坦白。」他突然和我四目相投地說。

「咩事啊，你唔好嚇我喎。」我說。

「我諗妳都feel到，我啲脾氣好變幻，我成日個人都好spontaneous ，諗到啲乜想做就做，好跳脫。
我以前脾氣極差，所以我hurt到個ex 同佢分咗手。」他無比認真地說。

「你點hurt到人先....」我明知故問。

「佢知道我好易燥底，少少野發好大脾氣，但佢好愛我，永遠都包容我忍我。
我成日係條街度罵到佢喊，又唔識得珍惜佢。
最後，我們又嘈交個陣，我一手拎起佢專登整俾我嘅爆炸盒同埋相架，掟爛哂。
佢個次決定真係離開我，block哂我所有野，我去佢屋企搵佢佢都唔理我。
我頹咗一段時間之後，都唔敢再去愛人，直到我遇上妳。」他說。

「你同佢分咗手幾耐？」我問。

「兩年啦。後尾我拍過兩次拖，但都係得半年貨仔，因為我搵人做水泡。」他說。

「點解你決定同我講呢啲野嘅....」我說。

「唔知點解，我一望入妳雙眼就覺得妳係好善良，而妳嘅眼神好特別，好哀傷咁....我唔識形容啊。
我知道唔可以瞞住妳，所以依家就要講。」他說。

哈哈，又一個人說我善良，Sean當年也是這樣形容我。

褒義詞來說是善良，直白來說就是好騙。

至於我的眼神大概真的騙不了人，尤記得家朗那時看見我，也說了類似的話。

我覺得很神奇，家朗和Nicholas素未謀面，卻能對我的雙眼有不約而同的描述。

我想，那一陣子的我很悲傷，任憑哪一個人都看得出來。

眼前這個人能帶我脫離傷心的綑綁嗎？

善良=好呃

唔沉都唔得了唔怪得樓豬

是行走的red flag

婷婷已經提撚哂我，都要照衝

好過桑仔當有進步