「有機會爛尾」尼泊爾珠峰EBC 14日之旅

時隔多日再入黎,無咩事我又出返去先

我都知我打得好慢

bill哥
想去ebc 請問係咪有guide/團介紹？唔該晒

最好去歐洲直接搵ifmga guide 教
我喺尼泊爾嘅情況比較特殊

Ig dm

巴打係咪食左高山藥都可以繼續行到上去
EBC係咪值得去過ABC好多？

俾導遊同porter tips每日幾多？

好靚

我去過幾次都未止到癮

最尾先一次過俾，建議比團費嘅10%

我未去過ABC真係唔知，不過我頭痛食咗高山藥都行到，不過始終狀態都唔係好好

兩個夾埋10%？ 咁都還okay. 我係Klook見到EDC有個團8000錢包早餐. 好似幾抵.

我上網見Ebc 啲團價錢分別幾大，最平就好似你話齋八千幾蚊，我嗰個團就$1400美金

我諗差別在於8千幾淨係包早餐，你1400美金係包正餐.

我覺得都係

推

一路做緊cd rom, 但係見樓主出得咁慢, 蒲頭畀啲鼓勵你

LM

LM

好勁我公司50歲以上果班行下斜路都叫救命

pish

17/4 day 4
Phakdimg(2610m)Namche Bazaar(3441m)~5.5hr至6hr

6點半起身，食完早餐之後就準備出發起身嘅天氣非常之好，有太陽又唔太凍，所以我都係着咗件風褸，下半身着legging加短嘅行山褲，點知之後就出事
如果徒步途中遇到啲牛同馬記得要靠向山嘅一邊如果唔係就會好易出事今日第一條橋，之後重有兩條要過
呢間好似話喺醫院嚟，如果真係醫院嘅話住喺度應該都幾舒服，風景又靚
大概行咗三個零鐘之後就停低食午餐，食完午餐就開始行上去今晚住宿嘅地方，都係我開始中伏嘅地方郊野公園嘅另外一個入口，同樣地所有文件都係導遊去搞，所以都唔知要準備啲咩
穿過條橋之後就開始上得好急，基本上要上成三四百米。平時香港大家行山上升應該覺得好辛苦，更何況喺咁高海拔嘅地方。

就係我過咗橋開始上升咗個幾鐘之後就開始覺得凍同頭痛，以為係唔夠能量，因為我連lunch都食唔曬。同大家一齊坐低食咗兩條energy bar都好似冇好轉咁，都唯有繼續行。

結果就越行越慢，連當時行得最慢嘅印度叔叔Prakash都拋咗我頭咁導遊Raj見我行到死下死下咁都走嚟問我有冇事，我同佢講我個人冇力。佢就話可以幫我攞埋我個背囊，叫我飲啖水抖下先

休息咗幾分鐘之後我就繼續同啊raj一齊行。佢話好似我咁唔樣行到中途唔舒服嘅團員都常見。如果可行嘅話都會叫佢哋慢慢繼續行。

一路行緊嘅途中我都有問吓啲關於佢嘅事。啊raj今年29歲，已經有個四歲嘅女（啲尼泊爾人真係好早結婚生仔）做咗呢行已經10年。一年大概會帶EBC嘅團五六次，但係都要睇吓公司點樣安排，有時都會帶吓其他嘅行山團。如果唔係旺季嘅時候就會返鄉下幫老竇耕田。

同佢傾傾吓就上到去Namche bazaar 嘅入口，喺呢度都要再check一次啲文件嘢。咁我等緊啊raj搞文件嘢嘅期間，有個馬拉嚟嘅女人同我傾偈，佢話佢係第一次嚟行EBC，但係帶佢行嘅親戚已經行咗六次咁多不過比着係我可能最多行多一次，因為呢個世界仲有好多唔同嘅地方等我哋去探索經過咗三四個鐘，俾埋個背囊導遊攞，終於上到去Namche bazaar 。好消息係聽日係高度適應日，行嘅行程短啲同埋會返去今日嘅住宿，變相可以再攞少啲嘢。壞消息係估唔到今晚開始我就肚屙