「有機會爛尾」尼泊爾珠峰EBC 14日之旅

第一次打文可能文筆唔流暢希望屌得細力啲

話説嗰trip 係疫情初期已經plan咗，諗住好快完，結果大家都見到啦。咁今年年頭開始正常番，入境都開始冇咁多要求，再加上公司喺上年尾收皮番緊part time時間彈性好多。於是就開始搵資料計劃行程。

一開始係諗住行ABC(Annapurna Base Camp)嘅路線。因為我打算自己去，所以打算選擇一條簡單啲嘅路線。點知喺開始計劃緊嘅第二日，就有啲舊同事問我有冇興趣一齊行EBC(Everest base camp)，咁既然有人一齊去行，咁就梗係唔介意揀啲難啲嘅路線啦。但係最後基於一籃子因素，我都係決定自己一個去行EBC 。




晏少少先打準備咗啲咩，同埋行程係點

支持！！

首先，行EBC最好嘅時間應該就係三月尾至五月頭,呢個時候杜鵑花開，同埋係攀爬珠峰最好嘅時段。所以都幾多人喺呢段時間去行，而且上到去Base camp會見到好多攀山隊喺度紮營。再加上淨係行去Base camp嘅登山者，成條路可以話每日都好熱鬧。

但係唔知係咪臨近雨季嘅關係，一路行都發覺幾易陰天，所以如果想萬里無雲又上少啲遊客嘅話可以考慮10月11月先去。

經過我唔太仔細嘅資料蒐集之後，我決定左報一間我認為價錢適中嘅local旅行社。團費包咗到達尼泊爾同埋離開尼泊爾之前兩晚嘅市區酒店，來回manthali 機場同埋加德滿都嘅交通。Lukla 嘅來回機票（呢個係成個登山旅程嘅起點同埋終點），仲有山上嘅住宿費同埋膳食費（不過如果唔係食飯時間嘅嘢食嘢飲就自費）。

唔包括嘅，當然就有保險（如果我冇錯嘅話應該係得world nomad呢間保險公司會包高山登山活動嘅保險，不過太多人濫用搞到佢保費越嚟越貴）挑夫嘅費用，同埋一啲額外租借嘅裝備嘅費用

咁我呢間旅行社14日行程嘅費用就係$1400美金，小費就豐儉由人啦，因為我嗰團嘅導遊都照顧得，我哋幾好所以我就total俾咗$180嘅小費。咁我仲要額外俾咗挑夫同埋租借睡袋嘅錢。挑夫大概要比多$200美金左右，我會建議大家都價錢請一個挑夫，因為真係可以幫你攞幾多山上留宿，但係徒步嘅時候唔需要用嘅物品

呢張係當時旅行社俾我哋嘅行程表，可以參考吓
之後會講我執咗啲咩裝備，有啲咩有用同埋有啲咩完全冇用到

LM
之後想睇下樓主total花費大約幾多，
同埋想知樓主用咩機

lm先

留名

留名 我今年4月都去左EBC

加油，加油！好想睇你講多啲

lm

搭飛機驚唔驚

留名！

留名支持
EBC 未必夠體能行，但行ABC 都係願望

點解爛尾？因為怕無命返？

點都有少少，上Lukla嗰部飛機係嗰啲小型螺旋槳機，就算有少少氣流都chok得幾勁

清行嗰陣時有冇落雪

留名

去程定回程驚d
起飛果下好似係沖落去

咁又主要睇吓啲氣流點樣。其實都唔算沖落去嘅，架飛機向滑行到咁上下就會起飛

有 喺最頂嗰日下午落大雪

Lm

我都係，但係旅行團又唔叫我哋帶或者租冰爪

留名，想12-1月去abc solo. 但驚凍到仆街.