歡迎想砌模型嘅巴絲入嚟 (191) 價錢問題一律建議唔好買

同其他組嘅poster作品差幾班喎大佬
fb啲低清圖都睇到瑕疵

言下之意係咪要畫得靚過梵高畢加索先可以做Art critic？

我呢段絕對誇大左嘅
畫眼1000個人未必有一個識
不過佢poster隻野望落真係太hea

但問題係一個人既手工唔夠好，唔代表佢唔識欣賞其他人既手工ga ma
所以條友手工差係咪代表佢做唔到評判呢？我覺得唔係
佢做評判做得好唔好係睇佢最後揀左隻咩野做冠軍先知
如果參賽既有兩隻，一隻係街貓巴整，一隻係我整，而佢揀左我做冠軍，咁先真係抵屌
而如果佢最後係揀街貓巴，將我果隻掉去垃圾桶，咁既話咪證明佢有資格做評判

想問師兄wave膠板喺邊買
研究緊去模型谷

我砌親啲女都邪神但都可以話我識得欣賞機娘
但如果今次比賽用我把尺去做比賽評審
未開始已經大把人屌我點證明我識評審
唔會有乜人認受個比賽
而且比賽唔會咁好你同街貓巴比咁易睇
分分鐘福仔信濃街貓琉璃三森巴呢堆人比賽
我幫佢哋排完名我菊花實變向日葵

任何人有冇料都可以批評人哋作品
但做得比賽評判就完全唔覺得係
啲咩星夢都唔見音樂行業唔相關嘅人評審

我記得喺旺角模生度曾經見過
如果網購嘅話，pmstore好似都有

以前梁榮忠做評判都係咁㗎啦

冇錯有眼光既人可以整得唔靚，
但條友整得多唔多，各牌子認識都成問題既話你所講既野唔會成立，
正正因為整過整得多同先知技術成份係邊，
好似上面我影既世界冠軍作品咁呢
冇玩開高達既人，邊會知格魯古古冇出過pg/ 1/60只出過舊模，知同唔知呢樣野一開始個評分起點都唔同，
唔知既以為普通一隻野加個背景同打開裝甲畀你睇內構都唔知勁係邊，
知道呢樣野就知魔改左幾多同埋後面個背景係愛美號黎有故事有背景加左好多分

同樣既整女既話你可能只見到一個長髮女，你唔玩得多都唔會知冇咩廠會出長髮多數係自己搓，見到30ms 雙手唔係方洞on9你就知佢改過黎見到fag 抱大腿體育坐你知佢魔改過條腰，

講個例子，上次模樂堂個比賽有個人唔同牌子混搭，你冇整過點知佢殺左三盒野只係整左個頭同髮。
冠軍畀左個支那模加30ms加gk 髮既人
資格

其實我唔係好同意將模型作品嘅高低判斷準則掛喺消耗嘅時間同材料上面
即係老實講佢咩殺幾多隻肉, 出過咩比例, 邊啲邊啲自己搓喱啲
雖然咁講可能聽落好不仁
但喱個只係參賽者自願對於作品嘅投入, 並唔能夠話裁判必須根據喱啲因素而改變自己審美觀
到底佢哋判斷係咪需要服眾為前題先?
咁如果比賽舉辦方有認真對待喱個條件, 咁佢理應就去搵一個眼光同大眾主流接近嘅人
「眼光」包括啲咩呢, 如你所講知識量同偏好
咁喱件事本身就未必同佢真係砌啲咩出嚟, 砌成點係無關嘅, 但唔係必然囉我會話
純粹就係如果佢展示到自己手作都有返咁上下水準會少啲質疑
佢如果弄巧反拙出到嚟的確係降低咗佢嘅說服力, 質疑空間多咗
所以你如果取質疑態度的話, 係應該杯葛賽事嘅
但如果你同意審美能力同手作能力係無關, 咁咪笑下佢落自己面囉

做喱啲位係好惡哽, 但正所謂蜀中無大將;廖化作先鋒
最架勢嗰批詐死/請唔郁, 咪睇下邊個應邀

查實我覺得你哋著眼點本身都有啲唔同
一個係講緊作為裁判本身應該有咩條件, 包括啲咩唔包括啲咩
另一個就係質疑該比賽裁判人選係咪擁有足夠知識量

我就都係嗰句, 喱個圈子就係咁上下

你get 唔到個重點，但我又唔知應該點解釋你知好

夾硬黎就係你拎個波仔飯去參加廚神大賽咁，可能分分鐘好食過人地自己去街市買餸自己整

但即食既野係無創意可言，食果班又分唔出咁上下

自己都覺得自己夾硬黎

總之你係機娘個圈玩得多就明，有d 癲佬真係自己左砌左夾出d 好獨一無二又靚到癲既模型

其實就好似拍電影比賽咁,
如果拎條片只睇cg好勁,爆炸好多budget,功夫拳拳到肉,女主肯露點就高分,
可能係好睇過你走去回應咩野電影大師或者挑戰緊觀眾忍耐力同迫佢地思考,
但個比賽係cg爆谷片比賽定係新浪潮要參加前寫明/事前要探討左先架嘛

人人審美觀唔同
但模型種類都唔同喎
就算你j開肌肉猛男
叫你去做港姐評判都唔可以唔改變審美觀啦
一陣選個港姐with八舊腹肌
你睇返佢上面個評分標準
個評判砌開高達
女元素佢只係好慨刮咁講眼精皮膚
砌女個頭髮幾咁重要佢冇講過
好嘞你話眼睛皮膚評分準則
但你poster件作品眼睛用原裝眼面gel都冇落
皮膚陰影欠奉又同臉兩隻色
好令人質疑到時佢係識唔識評審 娘 方面嘅元素
會唔會件甲靚就唔理條女係邪神都比佢贏

我知你想講咩
我再講白啲啦

嗰啲「好獨一無二又靚到癲既模型」
係你欣賞得到嘅作品, 係屬於你嘅結論
唔代表裁判欣賞得到, 唔代表你以外嘅機娘人都認同係「好獨一無二又靚到癲」
學你話齋假設波仔飯贏廚神大賽, 咪就即係證明
1. 個裁判就係鍾意食波仔飯多過廚神兜嘢
2. 喱個比賽嚴謹程度就係如此令人啼笑皆非

我一路都係勸人唔好睇得喱啲比賽太重
唔好太在意有人沽名釣譽, 因為不能數據化嘅比賽本質就係如此

咁模型本身咁中產既野,
模型比賽呢件事一定係中產之中既最頂端行為,鬥投心既即係鬥有錢鬥識野多,
你唔識但我識日本一個好冷門既原型師既GK,一啪落去就係多detail十倍既body,
有錢運返黎玩,完成度高過你就緊架啦唔係我做咩畀錢當你係原件上面用毛筆畫清明上河圖出黎都唔夠佢勁,
但個重點就係評分既人評緊d咩同埋參加既人知唔知自己會畀人咁評
即係,重點其實係大家參加緊咩比賽以香港搞比賽既經驗,大家係唔知既

關於裁判個人選定係條件的討論,我只係覺得要擴闊d,單純覺得用玩開機甲背景既人黎做評審口味會變到單一,甚至有人識個評審知佢口味就會投其所好,一陣整個流星號freedom換隻囡就係高分作品既,我覺得好唔健康咁解特別係佢好想發展到大型好似台灣rf咁先講兩句,其實我都係唔會走去參加比賽既

btw 如果唔係鬥有錢識野多既.一人派一隻模型即場砌完畀分好似考試咁啦
上面個marking就啱用了

其實我冇反對你哋批評佢哋裁判人選值得質疑喱個位
只係我如常咁提醒大家審美嘅嘢在心中就得
明知係黑哨都要落場的話就只能夠話幫你唔到
喱啲比賽都極其量都只係個表演形式
太計較得失就遠觀唔好太投入

啱啱係度諗我都唔參加做咩咁多野講
然後又諗應該係香港呢兩個字既牌頭出事,
一陣柒左既話又被代表香港水平低劣.
睇黎真係唔好睇呢d野咁重

「參加緊咩比賽以香港搞比賽既經驗,大家係唔知既」
係, 冇錯, 比賽嘅reputation本身先係最重要, 即係喱個「舞台」本身都有服侍嘅對象, 可以係有要求嘅人, 可以係全場運吉仔
都因此會有啲比賽係派「豬肉獎」

「一陣整個流星號freedom換隻囡就係高分作品既,我覺得好唔健康咁解」
同意, 所以我都係嗰句, 提醒大家喱啲比賽有時結果就係如此耐人尋味

「一人派一隻模型即場砌完畀分」
喱個form咪即係好似forge in fire嗰啲真人show咁
但人哋都唔會講到咁白幾多%幾多%
咁樣寫出嚟我覺得真係好肉酸, 定其實佢哋target就係中學生

我諗起鄭中基講幪面歌手單野

it will kill

台灣rf 都有marking 匈牙利Moson都有
我估佢都係想跟人 但唔知佢個grading scale係邊個定，有無標準同有無跟邊個啫

唔知大家有冇發現, 我好少提及台灣
因為一直以嚟佢哋討論圈子俾我嘅印象都係好惡劣, 模型圈子都係
講清楚少少, 我係批評緊佢哋網上討論嘅風氣, 我對台灣學術及外語翻譯出版業者係非常尊敬
我係in general所有, 全地球任何地區嘅模型成品比賽都係不聞不問的
匈牙利呢...俾我嘅印象都係幾特別
我有喺布達佩斯留過幾日, 未去之前喺歐洲嘅時候都有聽過少少關於匈牙利嘅社會風氣, 事實上我喺德國嘅第一位德文老師就係匈牙利人
有機會再留意下

台灣啲山頭文化