歡迎想砌模型嘅巴絲入嚟 (191) 價錢問題一律建議唔好買

好人好姐改名扮女人

靜啦陣間呀新類型人又話你搞到啲人淨係識舉手問唔識自己諗吓

因為我發現所有問爆膠既問題既人佢想要既答案唔係點解d 膠會爆，而係單純 我 唔 要 爆 膠

次次解釋完佢都係問返你

咁XXX會唔會爆？

我諗諗下都係放棄

寫篇文出黎屌滲線液同x20 呢個組合囉
利申未用過唔識屌

請教下巴打，如果想買支0.2mm, HP-BP 算唔算ok? 有無其他平啲又唔錯嘅替代方案？日本amazon hp-bp而家價錢同香港買無分別

另外，本身有支hp-cp, 想買多支0.3嘅話係咪買返多支同款就ok? 有無其他介紹？

利申預一支1200 budget 左右

咁我問返你，你對現時把HpCP 有無不滿？ 無未買多把囉

其實有時我又唔係好明
買本入門教學揭下跟著做嘅事硬係要問晒全世界咁都唔知為乜
一啲又話睇完人哋教學先上嚟問, 但明明又唔係有further嘅不解
Confirm再Confirm, 整斷少少咪又係嗰百零幾百蚊好似有寶咁
睇website嘅, 人哋一字一句講, 唔明就望多次
睇片嘅, 人哋做埋俾佢睇, 都係有懷疑
就係一味唔願自己試下跟著做, 一味就係怕失敗
答唔答問題喱啲唔關圍唔圍爐小圈子事, 圍爐小圈子就係因為實際落手嘅人太少, 動作太慢, 怕失敗, 冇耐性
講到底即係點? 即係香港人普遍自認為時間成本太高, 嘥唔起
喱個係成個社會結構產生嘅結果, 即係點解香港本土文化產業痿縮嘅主因
砌模型喱啲餘暇活動就係喱個產業嘅一部份
事實上就係成個城市都唔treasure喱啲嘢, 時間只值得投放喺賺錢嘅地方
所以睇書喱啲嘢交俾人哋, 自己負責問就得架喇
問一個同問幾廿個都係打幾隻字, 問多幾個索性啦
答就賺咗又睇又砌消時間獲得嘅知識, 唔答就蝕嗰幾秒打字
睇完發覺唔係都要返咁上下時間喎, 咁唔好搞lu
相信我啦, 嗰啲大條道理喺到話人哋曲高和寡搞小圈子嘅人只係當你係Chatgpt

老實講我每日睇著啲問chatgpt點做某樣嘢嘅人愈發愈有喱種感覺

我成日都同d 新手講新手接觸模型又好上色也好，記住以下呢兩樣野包你一生受用

1. 試，唔好怕衰。掂左當學野、衰左當交學費

2. 唔好當自己好有天份，整既時候可以反思下到底整得靚係隻模型本身既優勢定真係自己天資聰敏，十之居其九都係前者當左係後者，整完第一隻比人讚就直接買GK 改件黎玩

咁又無乜，純粹想睇下有無其他牌子啱玩下

我做法係想砌就直接砌左先
間中如果拉X睇到啲有趣既貼文就跟佢試
砌到遇到問題或者衰左先google或者上黎伸手

砌模型真係跳出笨大先進步到
一買笨大以外就知多野玩好多
唔使一定gk買下其他類型既野已經唔同晒

模型呢件事真係好中產

「跳出笨大先進步到」
好難跳出架, 因為根本大部份會打算試下砌嘅人都係因為高達而嚟
已經唔洗諗

事實上我覺得根本就冇乜直接關係
你睇送禮巴砌舊模, 你睇CDROM巴加料
仲有嗰啲喺Youtube上面拍片砌高達嘅
其實直接啲, 喺喱個post有post過模型嘅巴打絲打
都係好多離唔開Bandai, 但事實上就係有行動力, 整嘢多過問米

事實上喱啲人就係佔少數, 而我覺得跟著落嚟嘅後代會更加少數
因為佢哋成長嘅過程之中就係提倡小心小心再小心, 唔好做多餘嘢
SOP上面一個鐘做好嘅嘢唔好嘥多一秒深究同思考直接跟
我一早就唔覺得香港或者話中文模型圈子會有機會擴大
因為由細到大無論學術定係社教都係提倡「效益」同「結果」
而唔係「實踐」同「經驗」

「拉X睇到啲有趣貼文」
一時三刻真係LOAD唔到，屌你馬斯克還我Twitter

「我難得肯擺咁多心機時間落去撚隻玩具，你唔係要我臨尾整衰下話」

近年笨大制作一個框架
新人既行動力好多時就比呢個框限制左
當年我仲起呢個框架時
身邊啲人真係講到其他廠係洪水猛獸
咩嘢gsc好難砌壽屋啪唔埋等笨大出算啦
呢啲說話聽過好多人講無數次
家陣去睇吓咩fb谷你都見到大把人屌組合度問題
好多時我懷疑呢啲人有冇砌過其他廠
單純聽完人講就跟風講
定或者笨大打手唔想人脫離笨大而講

你講得啱新一代乜都小心怕做錯失敗
咁個個講到咁難時好多人就係咁框住左
即使買埋筆上色
笨大啲野真係拆散逐粒噴連遮蓋都唔使乜滯
已經滿足到佢哋大部分要求
進階啲加刻玩舊模買改件？
叫佢哋試其他廠提升少少難度都唔肯
叫佢跳級挑戰更高技術佢哋實怕炒
反正家陣做出嚟已經滿足
咁一係就放棄一係問長問短都唔敢試
佢哋真係想要個成品多過享受砌既過程


速食文化、以結果為目標
真係影響新人既行動力
呢個世界潮流好難改變
近年好多人入坑都係冇行動力
純粹疫情關係或者睇動畫跟風
永遠只會素組笨大入嚟問價
但好多有行動既人起佢哋入面
我覺得說服佢哋唔好停留起呢個框架先可激發佢哋行動力

第一次打千字文sor for 1999

其實大部份玩BANDAI 都係想砌高達嫁啦
叫人試下其他廠係冇乜意義
唔通叫佢砌下船車女咩

部分同意巴打啦
好同意巴打話怕失敗唔想試 的確我平時都唔會點砌模型 砌親都sd 只係想J下模型既細節位 我自己冇諗到咩本土文化既野

因為依照我之前研究其他野既經驗 片同置頂教學有時會同直接問人有出入 純粹睇完片同#1樓想知道會唔會有d特別既方法自己冇留意到姐

都多謝山埃把答我

成件大腿件飛走咗搵唔返
壽屋啲女女大腿係唔係通用？

其實真係心態問題
砌模型本身就係好消耗時間嘅玩意
基本上投放喺一件作品嘅時間工夫越多，出嚟嘅效果就越好，但投放嘅時間同出嚟嘅效果就唔係成正比嘅。即係你花20小時整，可以整到70分嘅作品，但如果你想件野做到80分咩，可能要花成40小時。咁喺乜都講成本效益嘅環境同mindset，呢類活動有乜可能唔慢慢收皮……
亦都係呢個mindset，先養咗一班盒模型賣貴幾十蚊都會呼天搶地鬧人炒狗嘅玩家出嚟。

隻隻女身高唔同大腿長度未必一樣
不過壽屋有單獨大腿可以直接買

呢隻？ 我果隻係勇者王囡囡
應該係standard身形？

其實砌得模型
唔鍾意砌而淨係想要個成品
我估佢哋最終會放棄轉投成品
或者一直停留起素組甚至砌牆
一百個可能得一個係享受砌而有心玩上去
我叫人試砌其他野
係叫有呢一個有心砌既人試
其他九十九個聽到佢咪當我發噏風囉

未玩過勇者王答你唔到
印象呢隻偏長
等其他巴打解答

勇者王係Frame arms girl 嗰邊條line
MSG啲上下身件係megami device 嘅
我印象中應該唔可以互換