電木結他圍爐區

scale pattern
chord嘅組成原理
voice leading
shell vocing
呢幾樣嘢你識咗嘅話基本上你可以喺fretboard 上面輕鬆自己執到晒chord

如果係講chord progressions 一開始都係抄人同埋識voice leading

新手自學左電結幾個月
練緊一啲淨係掃chord嘅歌,平時都叫彈得順
但要跟拍子同要快嘅話就會甩曬
想問可以點改善
另外有咩歌係推介新手練習？

點樣彈結他搵唔到食我就幾清楚下

試下用唔同年代黎分類?
以metal為例:
70s
當年結他發展仍算初期, 各路英雄仲研發緊新技術及風格,
你可以o係呢個年代既作品品嘗到好多"現代"metal既雛形, d歌亦相對慢同容易
80s
食住上代音樂/結他英雄鋪落黎既路, 開始出現型像更鮮明技術更進化既guitar hero, 呢個時代有好多正既純guitar solo音樂, 開始好想玩玩了
90s
呢個o係電結他發燒友黎講係黃金年代, 直情係百花齊放, 好多80中/後起步既神band亦慢慢上神枱(加上通訊科技越黎越好傳播率高左好多好多)
更加唔洗講o個班活躍到今日既hero了! 不過都開始難彈, 要操操先玩到
2000s 個人感覺是guitar solo暫時最後一個輝煌年代, 好值得認真研究有好多好正而且之前似乎未出現過的新style/結他玩法
2010-2020s metal core的掘起大家開始玩多左好多riff, 亦drop tune得越黎越西利, 會接觸到好多更"重"更"大力"既歌, 之後仲玩得越黎越grovvy, Djent大行其道, 我都係大約2010左右開始重訓右手去應付呢種新style, 你會o係呢個時代既作品練到好多右手技術如cut edge
/急速既super mute/dead notes

到而家我地身處的時代又大改左野, 個人感覺係polyphia..animal as leader等等外星級怪物重新定義左結他玩法.....唉...又要練新野

試下每個時代搵十首八首鐘意既, 然後排好1-10一期(即你之前一本一本咁), 應該模擬到你之前個學習模式, 有安全感呀事半功倍啦
加油

唔洗加密啦下哇

先搵左12個major key分別擁有咩chord
佢地按次序係:
1major 2minor 3minor 4major 5major 6minor 7diminished

然後搵十零廿首鐘意既歌將所有chord按以上排位分返位置
你會搵到d經常出現既走法, 這就是所謂的Progression, 排得返人地o個d出黎之後就可以試下制作自己既chord譜或聽住首歌寫返佢既chord譜出黎

加油

試下上堂時叫阿sir聽你跟住拍子機彈scratch, 老師會分到你係咪真係如你所講"跟到", 因為有時只係跟到"差唔多", 呢d差唔多彈晒成首歌什至十零個bar已經足夠你甩到要停一停重新再入鳥

我自己唔少學生有呢個情況, 我幾乎每堂都會強迫佢地跟到可以令個拍子機消失先可以學今堂新野咁, 加油呀

多謝占蛇
其實我而家都係自學緊咋，但kick 住左係拍子同流暢度
如果真係搞唔掂先出去學
Btw 你嘅片對新手由零開始真係好有用，繼續加油整片呀

其實我覺得啲電影電視配樂果啲先難執

有時好似無key center咁

同埋Jazz又係聽唔到

多謝你既意見呀

我發現我既問題係接觸既歌唔夠多，因為我發覺要揀8-10首鍾意既都已經有啲難度，又或者揀完之後會驚首歌太難

你失咗嘅似係對音樂嘅熱誠。試吓回歸初心，聽番啲以前自己鍾意嘅歌，咩genre 無所謂，自己喜歡就得。
同埋玩結他，未必一定要咩genre咩style 咩地方咩時代都識玩先叫識玩結他 - 無錯，咩都識係高手，但結他手除咗小數嘅高手，有中手有低手，其實都可以好enjoy 去玩。我覺得最緊要係玩自己心目中想玩嘅嘢，玩自己聽慣鍾意聽嘅音樂，就最開心🥳

我都認同我有少少迷失，有啲想做你所講「咩都識玩」既高手，變左只係想搵野練，而唔係玩緊自己鍾意既音樂

thx巴打加速拍攝新野中

你講好o岩 formula 只係入門

呢個就係教練既功能 如果未搵到好教練帶住唯有自己摸住先雖然一定慢d廢力d, 但終會走到目標頂住呀, 氣餒就返黎呢度吹下水, 有同伴就會想玩想聽

不如大家順便係度推下自己聽緊/玩緊咩歌? 毒撚圍爐既真正power!!!!

冇錯最緊要開針

https://www.tcelectronic.com/product.html?modelCode=P0DD4
呢隻係熱門款結他looper, 有佢就可以玩1人loop

如果想再好玩d方便, 建議加塊midi pad(求其一部得, 留意自己需唔需connect電話用)
https://www.akaipro.com/lpd8-mk2

出面跟老師9個月左右了，覺得自己指法係有進步嘅，阿sir都畀過唔同style我彈，但開始覺得自己進度卡卡地，有啲野彈得好kick，彈多排都好似無進展，每次上堂單純等阿sir教新歌咁簡單講好似少少悶咁

其實大家玩得耐嘅點樣keep住團火? 我而家咁上下係咪應該轉下focus，可能學下樂理等自己明多啲背後原理

上堂時間好好好好好寶貴, 45至60分鐘根本連講書都唔係好夠用
我地一般唔會咁浪費學生氣力同集中力黎玩一隻歌, 我唸你sir一定係有d目的例如首歌有你需要練的package/能切入到你現學緊的樂理之類?

試下攤出黎同老師溝通下, 可能佢正在為你某d問題努力緊所以設計呢個餐單


同意轉下style或深研有興趣的樂理超有用超keep到團火!
但個人感覺最keep到真係有班熱血發燒友同你一齊癲
我自己生活得結他fd所以得閒po下ig聊下佢地, 一齊傾開又會想拎碌野出黎彈毒撚團結power!!!!!