九州遊記

正皮
幾年前去過 睇完想再去

Day 11
由於要搭高速巴士，今朝一大早就起身出發去熊本，沿途都好大雨，都明啲鐵道點解會停晒，始終去山區都危險啲


日本嘅巴士真係好準時，去到阿蘇站就拎車，book 咗呢架熊本熊車，好可愛！



帶住熊本熊出發去阿蘇神社



車匙都有熊本熊


是靚午


食飽就上阿蘇火山，冇車牌唔使渣車，可以欣賞沿途風景，好靚！



越高越大霧


米塚


草千里-乜L都睇唔到


阿蘇火山博物館，千其唔好俾錢入去，大伏唔記得千幾定二千yen ，得啲展覽同播片


原本想坐直升機都坐唔到


雖然好大霧，都睇到啲火山



遇到熊本熊巴士


上色見熊野座神社




新舊高森站




去日本有儲開印仔，不過第一次見咁多，成條南阿蘇鐵道每個站嘅印都俾晒我地印


夜晚去高千穗嘅溫泉旅館住


晚餐都好豐富，啲前菜甜品就唔放上嚟啦，主菜有牛同魚，杯芒果汁係加嘅，超好飲，宮崎芒果



Check in 嗰陣見到高千穗神社有神樂祭就去咗睇，上網睇返見到原來日日都有嘅


不過都有啲悶，差啲瞓着


Day 11完

去啦自己都幾鍾意九州，雖然未知幾時會再去，不過已經初步諗定下次要點玩

呢度係咪唔自駕基本上去唔到

鏡山應該冇巴士上
其他景點有巴士到嘅，不過啲巴士好疏，同埋又要夾返搭jr嘅時間，一日唔會去得晒

九州留名 想問下間炸豬扒咩名 睇下博多個邊有無分店

好癲 搭部雙星列車 d活動多到 留名支持樓主

鹿兒島：とんかつ 川久（好似冇分店
熊本：勝烈亭

岩岩睇左博多個邊無分店 唯有擇其它食

搶到張平平地既機票 自己去7日 暫時應該大城市係得福岡 同 長崎會去

重點去長崎軍艦島 其它行程留返下次再去

軍艦島我都未去過，有諗過之後喺長崎stay 兩三日先去，去埋啲城跡

留名支持
唐戶市場幾年前去我覺得ok 喎

無車係咪可以收皮唔洗諗點去

上星期去完
平日黎
無期望無失望
河豚酒幾特別
入面條免鰭曬乾之後浸到淋晒
浸啲生河豚入去食都好正
行到最督入面有間專賣酒既舖頭買
暫時知佢最平
有set套裝￥1080 多支細地酒
支清酒本身都重河豚味
可以當補充裝咁飲

可以咁講google 見高森站有巴士去高千穗，啲班次唔知點，我諗你要去都去到嘅，不過可能要用好多時間先去到

sunQ pass搭巴士

Day 12

繼續喺高千穗附近玩，第一站天岩戶神社


之後行上去天安河原




返神社嘅時候經過一間雪糕店，好好味嘅雪糕芒果汁


今日天氣好好


尋晚睇神樂祭嘅高千穗神社



暴雨過後嘅高千穗峽，啲水漲到唔似峽


見今日天氣咁好我哋決定行返尋日條路返阿蘇還車


幫熊本熊車最後打卡


上到山都好大霧，尋日以為出面係懸崖，今日見到堆草


米塚again


和牛


好多馬


搭翡翠 山翡翠由阿蘇返熊本，見到小黑間屋





尋日諗咗個計劃搭阿蘇男孩，翡翠 山翡翠同阿蘇男都係由阿蘇返熊本，我哋諗住搭翡翠 山翡翠嘅時候喺中途落車，再搭jr 返立野站上阿蘇男孩

到咗肥後大津站落車，呢個站都有啲熊本熊


立野站，個設計同高森站好似，應該成條南阿蘇鐵道嘅站都係咁，呢個站一個人都冇，閘機都唔見


就嚟夠鐘嘅時候，發現嚟緊架車唔係阿蘇男孩，係九州橫斷特急
呢個係細站，得兩條鐵路來回，所以唔會去錯地方等車距離開車時間得返一兩分鐘，去咗問車長ASOBOY 喺邊，佢話呢架就係

雖然r晒頭，不過照上啦，下一班車都唔知要等幾耐上到去再問啲車務員，佢話阿蘇男孩壞咗，所以唔開，不過尋日喺阿蘇站預約車飛嘅時候，個職員又預約到，仲話啱啱好剩返兩個位，都唔知點解會變咗第二架車，注定搭唔到
依家上官網睇營運時間表見7、8月日日都有開，唔知係咪真係有得搭


阿蘇男孩便當，本身book 咗喺ASOBOY 拎，後尾架車取消咗就冇得拎，喺翡翠 山翡翠度買


去到熊本站食埋熊本名物—太平燕（同粉絲差唔多



食完返鹿兒島酒店check in

Day 12完

Day 13
呢日去櫻島，多雲到咩都睇唔到


月讀神社


物產館


櫻島紀念館，可以帶啲火山灰返屋企



湯之平展望所，咩都睇唔到


珍滿，啲野好鹹
食完野開始落雨，大雨到遮都冇用，好彩帶定對拖鞋出嚟，即刻換咗


櫻島遊客中心


足湯
雖然好大雨，不過啲水仲係好熱，好舒服，同埋着拖鞋好方便


櫻島大雨到個電話係咁響警報叫人避難，我諗勁過黑雨，然後遊客中心一路都有啲廣播又聽唔明，好驚要人撤退
由於勁大雨，又睇唔到風景，所以返碼頭搭船走

碼頭附近就係鹿兒島水族館，入去參觀順便避雨，水族館都幾多野睇，計啱時間仲有海豚表演同其他活動





夜晚去天文館通食飯，見到大電視嘅新聞，原來真係好嚴重


夜晚食豬肉shabu shabu set ，串吉列豬好好食



Day 13完

Day 14
原本計劃去霧島，不過大雨關係，去霧島嘅鐵道冇開我地冇搵有冇其他方法去，諗住咁大雨費事去啲山旮旯地方
變咗買手信同食野嘅一日，介紹吓啲野食

最後吉列豬，今次食芝士吉豬


食完晏去咗神田交通局資料展示室



本身晏晝想食shabu shabu ，喺tabelog 見到間餐廳都唔錯就諗住去食，去到佢話晚餐先有涮涮鍋，咁我哋就book 定夜晚返去食

夜晚再去發現間餐廳嘅野食同網上見到唔同，之後先知自己去錯餐廳，想食嘅餐廳喺樓上

話晒都book 咗位，冇理由咩都唔食就走，之後叫咗少少野食
其實都幾好食，蛋卷有啲高湯嘅味道，燒肉好靚，仲有份魚餅




食完就去咗樓上想食嗰間餐廳，好彩有位
試咗蒸籠料理，呢個係一人份量，本身淨係叫咗呢個，不過食完唔算好飽，見最後一晚喺日本就叫多個set ，壽喜燒豬同牛



牛就落糖煎，豬就關東風咁整




其實個一人餐都幾大份，我地本身叫一個餐，餐廳都冇要求要每人叫一個，如果兩個人細食可以share一個餐

Day 14完

阿蘇個景幾正
無車真係好難去到咁多地方

終於嚟到最後一日，Day 15

早機返香港所以都冇咩野分享，check in 之後去國內線嗰邊行


浸埋個足湯先走


離開日本啦

15日九州之旅結束，已經諗定下次嚟有咩要玩

啲山景好靚
日本鄉村啲嘅地方都要有車先方便

想請教下樓主

如果住熊本想去人吉/天草係咪多數一日時間先夠? 想安排熊本城+人吉

另外Pass果方面 係咪買左九州pass就可以唔洗加錢上網book特色列車?

人吉天草都未去過
網上book 特色列車要加1000yen 手續費，現場book 就唔使錢，不過未必有位

架熊本熊車點book, 係咪要打電話

要打電話，email 同佢講之後佢話佢打嚟