成日唔開心 冇動力 情緒低落既入一入黎

人生總會經歷低潮，唔好比低潮打敗你
過去既事唔好再諗，已經改變唔到，當係吸取經驗
呢一刻你可能冇動力去做任何野，對所有野失去興趣
只剩低唔開心，甚至覺得生存冇意義

但我可以話你知呢種感覺只係暫時
回憶起你之前開心既感覺
要深信呢種開心既感覺會係未來再次出現
就算你回憶起之前開心既經歷都感受唔到快樂都唔緊要
只要你記住個一刻既你的確係開心，只係而家既你感受唔到

如果想儘快脫離呢種唔開心，低落既狀態
可以多d做戶外活動，曬下太陽
當然做運動都係一個好好既選擇
多d嘗試做唔同既野，做一d之前你未做過既野
可能慢慢你會感受到樂趣

希望大家都有一個開心既人生

大家一齊分享下做d咩會令你自己開心
等其他人參考下

推

做愛

試下唔好逼到自己咁緊
休息下，可以係休息一兩日，再重新溫書

咩事咁sad

覺得自己好廢

其實一直有樣自己鍾意做既野係一件好事黎
雖然大家可能覺得係男人都鍾意做愛
但當你壓力好大，情緒好低落既時候
係會連做愛都失去興趣

唔洗同人比較
永遠都會有人出色過你
過好自己既生活就夠
雖然聼落有d廢老feel
但好多人成世都走唔出呢個自己既囚籠
永遠要經歷過一d好大打擊既事（例如親人過身、伴侶離別）先會領悟到呢個道理

可以嘗試下做d之前未做過既野
例如做gym、行山、學車、做義工
慢慢你可能會覺得人生變得豐富
而且從中你都可能識到唔少朋友甚至另一半

朋友同女朋友夾咗我去台灣 岩岩落機返到香港
(我地係2對情侶 本身好熟)
雖然好大部份時間都仲係無乜動力 唔想諗野
但起碼無無啦啦唔開心 同埋食多咗好多野(不過仲係比一個正常人食得少)

利申 我半年前開始唔係好妥
呢個令兩個月直頭好常出現透唔到氣 同埋唔想食野 食多少少野想嘔 呢幾星期體重輕咗10%

幫推

有冇發生過咩事

多謝你安慰嘅說話，近排真係好唔開心 機緣巧合，睇到你呢番說話。好大感觸

親近大自然，睇鍾意嘅戲

識唔到個個女仔 好耐無咁心動過

我都有諗過做義工，好似幫到人自己都會好開心

有冇失去快樂既感覺？
最近有冇特別壓力大？工作環境有冇變到，因為有時自己係唔知自己壓力大
建議同伴侶傾下，做下運動（分泌胺多酚）如果都係冇改善就要睇下臨床心理學家or醫生
唔好驚睇醫生，其實呢d情況係好常見既都市病

加油 唔開心唔好收埋 要講出黎
如果覺得冇合適既人同你傾訴可以去搵下心理輔導or臨床心理學家
經濟比較困難既可以去d免費既輔導機構