啲 smart phone 一開頭可以自己換電池，點解後尾變咗內置式？

傳聞改成內置電就可以縮短換電話嘅周期, 自己換到電好多人求其買舊電自己就換到, 又唔使怕畀人換零件乜乜乜, 就會一部機用好多年, 內置式肯畀貴拎去原廠換都可以話已經唔出零件support, sell你換新機, 所以慢慢就轉曬內置式
話咩可以整薄, 成日都係講嘅啫, LG係最後取消可拆電嘅牌子, 最後仲換到電嗰部同後面出內置式幾部咪又係差唔多厚, 同後嚟屏下指紋嗰代比仲短啲薄啲, 但佢仲有個實體掣做指紋解鎖 依家啲電話根本純粹唔想做到畀使用者有太大自主權

講鬆嘅
Sony Z系又好iPhone又好都係靠機框四邊防水
你跌過撞過個防水就收皮
唔好諗到一體代對防水幾好
除非佢入面底版粒電做到大包圍

咁一體易鬆啲
定有得拆易鬆啲
呢件事根本上唔需要比較

其實google 吓"鎢絲燈泡 真正壽命" 同 "愛迪生 陰謀"你就知道d 生意人個思考方向。

原本設計嘅鎢絲燈泡就係因為太耐用先俾廠方改成短命。家陣d LED 粒吹撚到好長命，但有幾多人屋企件LED 真係用到十幾年？ 通常幾年就壞火牛。

都係同一句，「唔係點賺你錢？」

一個要用螺絲批先開到
一個用手就揭得開
真係要拎嚟比較

為咗係你銀包手上掠錢

真陰公，俾人強姦左都俾要幫個強姦犯講好說話。


你係咪太後生未聽過d nokia 電話跌左落河/馬桶，拎返上水都仲正常用到？

因為啲人會換其他廠嘅電，出事之後賴原廠

仲記唔記得iphone更新整廢粒電

記得有朋友跌左落沖涼水定廁所水
跟著話原來淨係包浸純水

當年換手機可能仲密過依家

到而家仲可以換到iPhone 6原廠電
2014年到而家9年既機
上個月先換完

不如出兩個版
一個係密封 一個係換電池啦

d換機調查平均2年以上，3年常見，4年大有人在

你唔買新機佢哋食咩吖

用返賺錢第一呢個原則，要整兩條生產線個投資大好多，咪同佢屈你換電話呢個方向矛盾。

ching識d野
根本10幾年前換機先換得快
通常d機用一兩年就打唔到機
速度變慢
依家吹到換電池可以用多幾年根本就鳩up

咁開頭啲人話一體化係為防水嘛
咁咪證實咗唔關事囉

一體化最大好處係重量，厚度同埋部電容量

可折式下，要額多加保護

LG G5 係唔係最後一部可以換電既高階機？

屈唔屈見人見智
上一部iphone 7用左4-5年
唔係爆左mon都唔會換
你覺得幾多年先換叫左合理
定係你覺得一定要自己換電

以前啲android用一兩年就要換啦

有冇睇新聞，iphone IOS 刻意更新令舊機變慢？ 之後俾人爆大鑊，先作原因解釋係為保護電池？明白點解一兩年就打唔到機未？

都唔知保個電池做乜，明明可以換。根本佢就係想整慢部機等人想換電話。