相比起英國ABRSM，其實日本YAMAHA考級算唔算更加全面考核一個考生整體音樂能力？

所以夾band搵keyboard 手都要搵個彈開pop野先得
彈開classic古典底真係完全夾唔到，空有一手skill但唔識即興唔識用音樂表達自我

利申：完全唔識音樂 純粹得閒9up下
我覺得考試盡可能應該用容易評核的方式同評分準則黎進行
否則個評分可以差好遠 而且個考試的認受性會降低(因為變左考得好唔好唔係只睇實力 而要睇埋運氣)
例如創作就係好難用客觀的標準黎評分的項目
你覺得作得好 可能佢覺得作得唔好
而如果創作係有客觀標準評分的話
d人就會追住個客觀標準黎作
咁反而違反考核原意
可能進一步會限制埋考生的創作思維

另一個問題係考試存在的目的／意義係咩？
我諗最主要可能確保考生有足夠能力教音樂 教彈琴 或者入樂團等等？
而呢樣亦應該係學生／樂團的要求
咁演奏能力／技術可能就係唯一需要考核的內容

最後 我覺得創作唔應該受到任何規範(包括考試的規範)
如果必須有呢種規範的話 咁一定係來自市場的規範
作得好就會受市場賞識
作得差就冇人理
除非音樂界只想圍爐 唔希望受到市場「污染」

的確創作方面係唔應該受到考試規範
但係而家香港的情況就係絕大部分有演奏級的琴行教師完全只係得睇譜演奏能力
連最簡單的I-IV-V-I chord成堆香港演奏級教師都唔識點去用
唔好又話咩彈classical唔識即興好正常
人地台灣高中音樂班或者考日本YAMAHA考級都係彈開classical，但人地都有好強的即興創作能力。台灣高中音樂班都係考哂你演奏classical同即興創作覺得合格OK先會俾你加入

而家香港與台灣，兩個地方的音樂氛圍邊個比較好d，唔洗諗都知


至於教琴/入樂團的要求
喺香港的確只需要睇你演奏技巧 （最主要係睇你張cert)
但係台灣如果只有演奏技巧但唔識創作，人地台灣琴行係唔會請你做教師
所以點解台灣琴行一律當ABRSM張證書係廢紙，因為ABRSM唔考即興創作

而且呢幾日去台灣PTT論壇睇過關於呢個日本YAMAHA考級
每年考試考生死得最多的項目唔係即興創作，而係聽力演奏
個聽力演奏可以將佢睇成為無譜的sight reading

英國皇家8級鋼琴合格其實唔代表識彈琴⋯⋯只要努力練好三首歌加音階，100分其實唔難，只要努力練琴一定得，我係屎到sight reading得單位數得分都合格⋯⋯所以正常嚟講120分先至係真正嘅合格分數

就咁聽落，日本個試好似真係全面啲，起碼確保合格嘅人真係識彈琴

利申多次：完全唔識音樂
「而家香港與台灣，兩個地方的音樂氛圍邊個比較好d，唔洗諗都知」
點解係用香港同台灣黎比
而唔係同以下的國家比？
不過我相信比起音樂的考試模式
市場對一個地方的音樂氛圍的影響係更加更加大

英國ABRSM，係由英國皇家音樂學院1889年所舉辦的一個等級考試、目前全球知名度和認受性最高的音樂等級考試，香港、澳門、馬來西亞、新加坡、韓國、英國、歐洲各國 所有學樂器學音樂的人都主流考呢個試


至於教琴/入樂團的要求
我諗你都好清楚琴行的最大存在意義就係教學生通過考試
考試考d乜 佢就需要乜野教師

至於最後一點
聽你講聽力演奏最多人死就有以下諗法
有多種類 評核多種能力的多個考試係好事
但一個考試入面評核多種能力未必係好事
能夠通過呢個考試當然係十全十美的人
但好多時市場需要的唔係十全十美的人(或者應該話根本冇咁多十全十美的人供應到比市場)
而係十全八美 甚至十全六美的人
呢種考試會唔會令到有頂尖演奏技巧 但冇創作能力 冇聽奏能力的人失去喺音樂界生存的機會？
例如我諗加入樂團最重要的係演奏技巧
創作同聽奏係完全唔重要

用語文考試黎類比的話
我諗演奏技巧相當於讀寫(文筆)聽說
創作應該係屬於另一個範圍
如果因為考生冇創作能力而令佢的語文能力或者音樂能力(演奏能力)得唔到考試的肯定
咁會唔會好可惜？

最後 我相信兩種考試同時存在係最好
唔需要肯定或者否定邊一種考試
考生可以根據自己的才能同希望發展的方向決定考邊一種試
市場亦可以根據自己的需要篩選出自己需要的人

見你咁認真打咁多字
咁我都盡量心平氣和同你討論下

我認同你最後的市場決定一切
所以喺台灣的音樂教育市場上，每年最多人報考的音樂等級試佢地選擇左日本YAMAHA
ABRSM喺台灣都有得報考，而且台灣人都知ABRSM喺國際認受性遠高於YAMAHA
但係台灣都仍然最多人選擇去考佢，即係話呢個考試對台灣音樂教育甚至成個音樂產業發展黎講肯定有可取之處

呢兩個禮拜喺台灣PTT/其他台灣forum search過關於呢個日本YAMAHA考試
都係正面評價居多，就算負面都只係罵佢個考試演奏曲目萬年不變&太少樂器考
https://www.pttweb.cc/bbs/clPianist/M.1182442594.A.277
只於你話創作呢樣野唔應該要用考試黎考核，可能你係啱
但係據我目前喺台灣網絡上觀察黎講暫時未見有台灣人批評過佢即興創作呢一部份
就算每年最多人呻最難的聽力演奏，考衰都只係話自己無好好努力加強耳朵音感訓練，未見過有人話呢個考試評核方式有問題

反而ABRSM由我十幾年前上開discuss hk都已經成日見到一堆香港考生係咁批評就算考到合格都好似無學過野咁，你見呢個post樓上同之前我開的另一個post裏面都唔少人話考到abrsm都唔代表識音樂識彈琴

當然無可否認台灣咁多人考YAMAHA重有一個原因就係台灣人本身崇日唔崇英

另外我喺連登捧呢個日本YAMAHA考試都無用香港都無得考
個考試只能去台灣或者日本考
其實我連開兩個相關post嘅目的，除左比較一下ABRSM同YAMAHA邊個綜合音樂能力全面d，更重要其實係想講一下香港與台灣音樂教育方式的大不同

之前我返果間琴行的確好多所謂老師叫d學生練左死練scale同3首歌就算sight reading唔洗練結果sight reading食哂蛋都攞到合格

日本個yamaha試起碼要求每part都達3分或以上先會俾你合格，其實10分攞3分唔算太難啦

咩叫學音樂認識音樂先
定義一下
對住份譜彈都係屬於學音樂認識音樂，呢啲一樣對於演奏樂器技巧有好高要求

定係你所謂學音樂認識音樂係創作部分？
咁其實同考試制度無關係
Paul McCartney都唔係呢啲考試制度下產生嘅音樂人
再到台灣香港啲唱作人好多都唔係音樂考試制度下嘅資優生

演奏曲目同創作曲目兩樣嘢係相通，但又有分別
有啲人玩樂器玩到再勁都只不過係出色嘅Session佬

都係討論下姐

都係討論下姐

我知
所以我咪心平氣和同你討論

不過無論ABRSM演奏級Dip/LRSM 定 YAHAMA 2-1級
喺台灣人眼中佢地都只不過係台灣高中專門音樂班的淺化版
可能FRSM可以一戰ge

最尾嗰段
用考試人數 演奏級多寡 同 現實有幾多人用音樂搵食
hmmm
只能說香港係金融中心, 炒地炒股為主, 呢d cert都係比人去晒命同考入名校用
真係想用音樂搵食既有幾多?

的確我睇返我打呢段野發覺我犯左邏輯上的錯誤

正確黎講我應該係話："香港係全球最多人考ABRSM演奏級的地方，但係點解出到黎整體音樂能力遠遠不及一班無考過ABRSM的台灣高中音樂班的學生？"

的確香港人考ABRSM絕大部分都係為左攞到張cert威下入名校唔係為左真係想了解音樂或者喺音樂路上發展，我自己都教緊琴所以好清楚班怪獸家長同一大班學琴的後生仔諗緊乜

我自己考到張Dipabrsm，但係同我當初啱啱學音樂預設想得到的音樂能力有好大出入 (當初我係想擁有無論有譜無譜都彈到一首歌出黎，想做到聽到一首歌就算無譜都彈到出黎的能力)，結果我就算考左都只係擁有睇譜演奏的能力，令我有d失落咁解

再加上兩星期前同台灣人交流俾台灣人狂踩ABRSM呢個考試，串我地香港人只識得睇譜演奏，一無譜就乜都做唔到。再加上佢又即場試範即興一首巴洛克風格的歌 (肯定唔係之前練定，因為我當時設置左條件話即興一首Eb major 6/8拍的曲俾我見識下，而且有考過級都知巴洛克風格的和聲走法好嚴謹，高低音part和聲旋律不停對換，唔係普通流行曲果種不停掃公廁chord就算)，然後佢地同我講話台灣高中音樂班係會訓練埋你即興巴洛克/浪漫風格的小品歌的能力，而呢d能力係我一直以黎都夢𥧌以求的能力，我亦都係經過呢場交流之後我喺度反思緊我中學期間學音樂學琴呢幾年考到張Dipabrsm究竟為左乜

sorry打左咁多無相關內容，只係順便有感而發

講講下變左踩港撚係乜事
認真問 又唔係jazz 即興係古典音樂上有乜用
簡單作曲樂理 如果你有認真學都應該有concept

而家個試改到死練幾首歌就得
所以真係可以考到8級都完全冇作曲concept

台灣音樂教師比較ABRSM vs YAMAHA
https://sally82a035.pixnet.net/blog/post/22366468

入面有提到而家台灣絕大多數琴行都係專攻日本YAMAHA個試，好少有會專攻ABRSM的琴行

https://dmstudio.pixnet.net/blog/post/399809341-%E5%A6%82%E4%BD%95%E6%BA%96%E5%82%99%E8%8B%B1%E5%9C%8B%E7%9A%87%E5%AE%B6%E5%92%8C%E5%B1%B1%E8%91%89%E7%9A%84%E6%AA%A2%E5%AE%9A

P.S YAMAHA都有樂理考，但係唔同ABRSM話一定要強制考埋先可以報更高級數樂器考試

台灣非音樂班考生對呢兩個試睇法
https://forum.tintinpiano.com/viewtopic.php?t=19305

睇過一套記錄片叫音樂人生
講香港鋼琴手黃家正既讀書年代
最深刻有一幕係佢上臺表演完
出到黎俾d師奶問佢考到第幾級
佢好尷尬咁話"我唔考級架"

申利：唔係音樂人

我見到 13-11級 類似ABRSM的Prep Test、inital Grade，官方建議只適合7歲以下小朋友 呢句就好想問下

如果我係一個成年人，完全唔識樂理，想自學去考呢啲initial grade, 會唔會去到俾人笑

個個人都好似你地咁一出世有得接觸音樂真係好
窮撚屋企人唔識音樂又冇錢 大咗先想去學音樂

咁搞笑
基本上有返基本sense都唔會咁白痴走去問個鋼琴家考到幾級

其實abrsm 好易distinction
啲家長見到啲仔考到咁咪大家都happy

成年人
其實唔洗拘泥依啲考試
你又唔係要考大學
考依啲級試做咩
揀首自己鍾意嘅歌黎練仲開心

1
我覺得有樣野俾人忽略既係: 好多人覺得樂理/創作/即興 vs 睇譜演奏係兩樣分開既技術

其實佢地係互相影響, 係整個音樂感既訓練, e.g. 一個perfect vs interrupted cadence就已經會影響到彈琴既touching既分別, 知道non-harmonic notes就自然識得highlight某d音

2
同埋好多人誤以為classical冇即興, 冇乜人玩唔代表冇, 我覺得認真玩即興既classical人勁過pop人好多la

3
大家可能討論緊ABRSM/考試制度, 不過一個熱愛音樂既人應該會自己彈好多其他野, 試好多野 (包括即興, 作曲, 聽好多唔同類型既音樂)

即興喺classical music既一部份用途 (全部都可以套用喺pop, 因為樂理上pop大部份係subset of classical):

1. sight read既時候閱讀/predict之後樂譜既能力更快
2. 執生能力更強 (演奏時揭唔切譜, 彈錯音既補救能力)
3. 即興係作曲既根本

以前既composer好多都係great improvisers, 只係近年慢慢冇晒

https://www.youtube.com/watch?v=oGSVpaAhoAY
可以聽下d人既improvisation

唔建議
因為initial grade真係簡單中的簡單，入門中的入門
以成人的理解力係認真練兩~三星期都已經可以彈到呢個level
我收成人學生，會建議佢至少學到5級先去考，當然如果佢強硬諗住一級級去考我都唔會阻止佢


呢兩個禮拜喺台灣PTT睇過一個案例
有個男仔(男人) 26歲先學琴，然後報考左YAHAMA 11級
去到考場11級area個26歲男睇到成場全都係3-5歲小朋友得佢一個廿幾歲成年人同班細路排排坐喺待考區
個26男考生話記得當時考官見到佢一眼之後突然譏一聲笑左出黎

當然個考官佢咁譏一聲笑人係好唔尊重人同無職業操守，不過我自己都覺得abrsm initial grade/ yamaha 13-11級真係唔適合成人去考


至於樂理，可以去通利買本黃浩義著的樂理Grade1睇下先
都係好簡單我當初中一啱啱學樂理G1都唔洗一日就識哂

樓主呢個post 警世 考緊DipABRSM 覺得自己作曲能力係零

搭單問吓香港有冇邊啲老師/studio專train classical impromptu/improvisation?