大家好我係成人台嘅新東寶翻譯製作
是咁的,上個星期有兩位日本AV女優嚟香港出席公開活動,分別係上年全年FANZA銷售成績拎第4嘅楪カレン(楪可憐),同埋拍過唔少企劃作品嘅真矢みつき(真矢充希)。小弟有幸以香港嘅AV Blogger身份,同佢地做咗一個由香港人訪問兩位女優嘅獨家專訪
上年做咗好多篇AV女優嘅訪問翻譯,今次輪到自己去做記者同統籌,仲要係第一次以media嘅身份同AV女優進行近距離採訪,學到好多嘢,亦有唔少下次可以做得更加好嘅地方,我相信一定會仲有下一次嘅我同我嘅隊友會慢慢努力改善,今次有咩不足嘅地方就還望大家多多包涵
有一件事我想喺睇訪問之前同大家講咗先嗰日同兩位女優做完訪問,請佢地簽名嘅一刻,除咗覺得自己又解鎖咗一個成就之外,最開心同最滿足,係請佢地喺抬頭寫「香港巴打」呢四個字我覺得可以請到佢地寫呢四個字,唔止係代表我過去呢幾年嘅努力同付出冇白費,仲係我請兩位女優代表我去多謝喺香港網絡同現實世界入面,上上下下支持住我喺呢個興趣上面發展嘅各位巴打冇各位嘅話,小弟真係唔會有呢個機會,所以咩都唔講住,喺度多謝咗大家先
訪問嘅詳細內容同少少當日嘅花絮,以下一次過送哂俾大家同埋其實遲啲仲會有當日嘅訪問片睇,但我仲要啲時間準備同整理,出咗片我會喺呢個po度置頂,到時希望大家都會多多支持
訪問記者:組長
校對:組長、はしら
攝影、後期製作、統籌:新東寶翻譯製作